ന്യൂസിലൻഡിനെതിരായ ഇന്ത്യയുടെ 0-3 പരമ്പര തോൽവിക്ക് ശേഷം, സ്പിൻ ബൗളിംഗിനെതിരായ ഇന്ത്യൻ ബാറ്റ്സ്മാൻമാരുടെ ബുദ്ധിമുട്ടുകളെ കുറിച്ച് ചർച്ചകൾ ഉയർന്നു. നിരാശാജനകമായ പരമ്പര തോൽവിയിൽ കലാശിച്ച ഇന്ത്യയുടെ ബാറ്റിംഗ് സമീപനത്തിനെതിരെ ക്രിക്കറ്റ് ഇതിഹാസം സുനിൽ ഗവാസ്കർ ശക്തമായ വിമർശനം ഉന്നയിച്ചു.
ഇന്ത്യൻ മണ്ണിൽ ഇന്ത്യയ്‌ക്കെതിരെ ന്യൂസിലൻഡ് ആദ്യമായി ടെസ്റ്റ് പരമ്പര വൈറ്റ്വാഷ് നേടിയതോടെ ഇത് ചരിത്ര നിമിഷമായി.ടെസ്റ്റ് ക്രിക്കറ്റ് പ്രകടനത്തെ ബാധിക്കുന്ന നിരന്തരമായ “ആക്രമണ മനോഭാവം” സംബന്ധിച്ച ആശങ്കകൾ ഗവാസ്കർ ഉയർത്തിക്കാട്ടി.ഏകദിനവും ടി20യും പോലെയുള്ള ടെസ്റ്റ് ക്രിക്കറ്റാണ് ഇന്ത്യൻ ടീം കളിച്ചതെന്ന് സുനിൽ ഗവാസ്കർ പറഞ്ഞു. പ്രത്യേകിച്ച് ടെസ്റ്റ് ക്രിക്കറ്റിന് ആവശ്യമായ ക്ഷമയോടെ ഇന്ത്യൻ ബാറ്റ്സ്മാൻമാർ കളിക്കാത്തതാണ് തോൽവിക്ക് കാരണമെന്നും അദ്ദേഹം പറഞ്ഞു.ഈ ആക്രമണ തന്ത്രമാണ് ചേതേശ്വർ പൂജാര, അജിങ്ക്യ രഹാനെ തുടങ്ങിയ താരങ്ങളെ ടീമിൽ നിന്ന് ഒഴിവാക്കുന്നതിലേക്ക് നയിച്ചതെന്നും അദ്ദേഹം ചൂണ്ടിക്കാട്ടി.
ചെറിയ ബൗണ്ടറികളും വലിയ ബാറ്റുകളും അർത്ഥമാക്കുന്നത് മൂന്ന് നാല് ഡോട്ട് ബോളുകൾ കളിച്ചതിന് ശേഷം, ഒരു വലിയ ഷോട്ട് കളിച്ചു കൊണ്ട് മൊമെന്റം കഴിയുമെന്ന് ബാറ്റർമാർ വിചാരിക്കുന്നു എന്ന ചിന്തയാണ് യഥാർത്ഥ പ്രശ്നം,” ഗവാസ്കർ സ്‌പോർട്‌സ്റ്റാറിനോട് പറഞ്ഞു.ടെസ്റ്റ് ക്രിക്കറ്റിൽ ബൗളർമാർക്ക് അനുകൂലമായ പിച്ചുകളിൽ ബാസ്മാൻമാർക്ക് ക്ഷമ ആവശ്യമാണ്. എന്നാൽ ആധുനിക ക്രിക്കറ്റിലെ ബാറ്റ്സ്മാൻമാർ അത് വിശ്വസിക്കുന്നില്ല. വാസ്തവത്തിൽ, അഞ്ച് ദിവസത്തെ ടെസ്റ്റ് ക്രിക്കറ്റിൽ വേഗത്തിൽ കളിക്കുക എന്ന ആശയം ഇക്കാലത്ത് വികസിച്ചിരിക്കുന്നു. അതിനാൽ സാഹചര്യം മെച്ചപ്പെടുന്നതുവരെ കാത്തിരിക്കാനോ അവർ ആഗ്രഹിക്കുന്നില്ല.ടെസ്റ്റ് ക്രിക്കറ്റ് വിജയത്തിന് ക്ഷമ ആവശ്യമാണെന്നും ഇന്ത്യൻ ബാറ്റ്സ്മാൻമാർ കളിക്കുന്ന സാഹചര്യങ്ങളെയും എതിർ ടീമുകളെയും അടിസ്ഥാനമാക്കി അവരുടെ സമീപനം സ്വീകരിക്കണമെന്നും ഗവാസ്കർ ഊന്നിപ്പറഞ്ഞു.
“ടെസ്റ്റ് ക്രിക്കറ്റിന് കുറച്ച് ക്ഷമ ആവശ്യമാണ്, പ്രത്യേകിച്ച് ബൗളർമാർക്ക് കുറച്ച് സഹായം ലഭിക്കുന്ന പിച്ചുകളിൽ, എന്നാൽ പല ആധുനിക ബാറ്റർമാരും അതിൽ വിശ്വസിക്കുന്നില്ല. പിന്നെ ഈ പുതിയ ചിന്തയുണ്ട്, എന്ത് വന്നാലും, ഞങ്ങൾ അഞ്ച് ദിവസത്തിനുള്ളിൽ വേഗതയിൽ മാത്രമേ കളിക്കൂ” ”ഗവാസ്കർ പറഞ്ഞു. “അതുകൊണ്ടാണ് ഇന്ത്യൻ ടീമിൻ്റെ പ്ലാനുകളിൽ പൂജാരയ്ക്കും രഹാനെക്കും സ്ഥാനം ഇല്ലാത്തത്.പൂജാര ഓസ്‌ട്രേലിയൻ ബൗളർമാരെ തളർത്തി. തളർന്ന ഓസ്‌ട്രേലിയൻ ബൗളർമാരെ ക്ഷമയോടെ നേരിട്ട രഹാനെ അവർക്ക് ആവശ്യമായ തുടക്കം നൽകി. എന്നാൽ അത്തരം ചിന്താഗതി ഇന്ത്യൻ ടീമിലില്ല. ഇപ്പോൾ ഇംഗ്ലണ്ട് ബാറ്റർമാർ ചെയ്യുന്നതുപോലെ രീതിയാണ് പിന്തുടരുന്നത്. അതിനെ തുടർന്ന് അവർക്ക് വിദേശത്ത് ദയനീയമായി തോൽവി സംഭവിക്കുകയാണെന്നും അദ്ദേഹം പറഞ്ഞു.
ഇതിന് പിന്നാലെ ഓസ്‌ട്രേലിയയിൽ ഇന്ത്യ അഞ്ച് മത്സരങ്ങളുടെ ടെസ്റ്റ് പരമ്പര കളിക്കും. 2025 ലെ ടെസ്റ്റ് ചാമ്പ്യൻഷിപ്പ് ഫൈനലിലേക്ക് യോഗ്യത നേടുന്നതിന് ഇന്ത്യയ്ക്ക് 4 മത്സരങ്ങൾ ജയിക്കണം.