ഡെത്ത് ഓവറുകളിൽ വലിയ സ്വാധീനം ചെലുത്താനുള്ള കഴിവ് സൂര്യകുമാർ യാദവിന്റെ പക്കലുണ്ടെന്ന് മുൻ ഇന്ത്യൻ ക്രിക്കറ്റ് താരം സുരേഷ് റെയ്ന അഭിപ്രായപ്പെട്ടു.2023 ലോകകപ്പിൽ ടീം ഇന്ത്യയുടെ ഫിനിഷറുടെ റോൾ സൂര്യകുമാർ യാദവ് വഹിക്കേണ്ടിവരുമെന്ന് സുരേഷ് റെയ്ന കരുതുന്നു.അവസാന ഓവറുകളിൽ ഇതിഹാസതാരം എംഎസ് ധോണി ചെയ്തിരുന്ന റോൾ ചെയ്യാൻ സൂര്യകുമാറിന് കഴിയുമെന്നും റെയ്ന പറഞ്ഞു.
കളിയുടെ ഈ നിർണായക ഘട്ടത്തിൽ മികവ് പുലർത്താൻ സൂര്യകുമാറിന്റെ കഴിവിൽ റെയ്ന ആത്മവിശ്വാസം പ്രകടിപ്പിച്ചു.മത്സരത്തിൽ ഗതി പെട്ടെന്ന് മാറ്റാൻ കഴിയുന്ന കഴിയുന്ന താരമാണ് സൂര്യകുമാറെന്നും റെയ്ന കൂട്ടിച്ചേർത്തു.“എംഎസ് ധോണിയെ കൂടാതെ ആർക്കെങ്കിലും ഡെത്ത് ഓവറുകളിൽ വലിയ സ്വാധീനം ചെലുത്താൻ കഴിയുമെങ്കിൽ അത് സൂര്യകുമാർ യാദവാണ്”സ്‌പോർട്‌സ് ടാക്കിന് അടുത്തിടെ നൽകിയ അഭിമുഖത്തിൽ റെയ്ന പറഞ്ഞു.
50 ഓവർ ക്രിക്കറ്റിൽ തുടർച്ചയായി മോശം പ്രകടനമാണ് സൂര്യകുമാർ യാദവ് നേരിട്ടത്. 2023 ലോകകപ്പിന് മുന്നോടിയായി അദ്ദേഹം ഉജ്ജ്വലമായ തിരിച്ചുവരവ് നടത്തി. ഓസ്‌ട്രേലിയയ്‌ക്കെതിരായ ഇന്ത്യയുടെ മൂന്ന് മത്സരങ്ങളുടെ ഹോം പരമ്പരയിലെ ആദ്യ രണ്ട് ഏകദിനങ്ങളിൽ, അദ്ദേഹം 50 റൺസും പുറത്താകാതെ 72 റൺസും നേടി, തന്റെ ഫോമും ടീമിലെ സ്ഥാനവും വീണ്ടും ഉറപ്പിച്ചു. സൂര്യകുമാറിനെ പുകഴ്ത്തിയതിന് പുറമെ ലോകകപ്പിലെ ഇന്ത്യയുടെ ബാറ്റിംഗ് പ്രകടനത്തെക്കുറിച്ചും റെയ്ന പ്രവചനങ്ങൾ നടത്തി.
🗣️ Suresh Raina showered praises on Suryakumar Yadav #WC2023 pic.twitter.com/bko2Cr3xB1
— CricFit (@CricFit) October 6, 2023
ശുഭ്മാൻ ഗില്ലിന് ബാറ്റ് കൊണ്ട് മികച്ച പ്രകടനം നടത്താൻ സാധിക്കുമെന്നും അദ്ദേഹം പറഞ്ഞു.ഗില്ലിന്റെയും രോഹിത് ശർമ്മയുടെയും ഓപ്പണിംഗ് ജോഡികൾക്കും സച്ചിൻ ടെണ്ടുൽക്കർ-വീരേന്ദർ സെവാഗ്, ടെണ്ടുൽക്കർ-സൗരവ് ഗാംഗുലി തുടങ്ങിയ ഐക്കണിക് ജോഡികൾക്കും സമാനതകൾ ഉണ്ടെന്നും റെയ്ന പറഞ്ഞു.അവരുടെ കൂട്ടുകെട്ട് ആരാധകരുടെ ഹൃദയം കവർന്നെടുക്കുമെന്ന് ആത്മവിശ്വാസം പ്രകടിപ്പിച്ചു.ഓസ്‌ട്രേലിയയ്‌ക്കെതിരായ 2023 ലോകകപ്പിന്റെ ഇന്ത്യയുടെ ഉദ്ഘാടന മത്സരത്തിൽ ഗില്ലിന്റെ പങ്കാളിത്തം അനിശ്ചിതത്വത്തിലാണ്, കാരണം അദ്ദേഹത്തിന് ഡെങ്കിപ്പനി പോസിറ്റീവ് ആണെന്ന് അടുത്തിടെയുള്ള റിപ്പോർട്ടുകൾ സൂചിപ്പിക്കുന്നു.