‘ക്യാപ്റ്റന്റെ കളി’ : വിമർശകരുടെ വായയടപ്പിക്കുന്ന തകർപ്പൻ ഇന്നിഗ്‌സുമായി സൂര്യ കുമാർ യാദവ് | Suryakumar Yadav

വിമർശകരുടെ വായയടപ്പിക്കുന്ന തകർപ്പൻ പ്രകടനമാണ് സൂര്യകുമാർ യാദവ് ഓസ്‌ട്രേലിയയ്‌ക്കെതിരെ പുറത്തെടുത്തത്.42 പന്തിൽ 80 റൺസ് നേടിയ സൂര്യകുമാറിനെ മികവിലാണ് ഓസീസ് ഉയർത്തിയ 209 റൺസ് വിജയലക്ഷ്യം ഇന്ത്യ മറികടന്നത്. സൂര്യകുമാര യാദവിന് ടി 20 ഫോർമാറ്റിൽ കൂടുതൽ സ്വാതന്ത്ര്യത്തോടെ കളിക്കാൻ സാധിക്കുമെന്ന് മുൻ ഇന്ത്യൻ ഓപ്പണർ ആകാശ് ചോപ്ര പറഞ്ഞു.

“ബൗളർമാരെ വ്യത്യസ്തമായി ചിന്തിക്കാൻ പ്രേരിപ്പിക്കുന്ന ഒരു 360 ഡിഗ്രി തരത്തിലുള്ള കളിക്കാരനാണ് അദ്ദേഹം. വ്യത്യസ്തമായി ആസൂത്രണം ചെയ്യുക, വിചിത്രമായ ഫീൽഡ് പൊസിഷനുകൾ ഉണ്ടാക്കുക, കാരണം അവൻ നിങ്ങളെ അത് ചെയ്യാൻ പ്രേരിപ്പിക്കുന്നു. ഏറ്റവും കുറഞ്ഞ ഫോർമാറ്റിലും പിച്ചിലും അവൻ സ്വാതന്ത്ര്യത്തോടെ കളിക്കുന്നു” സൂര്യ കുമാറിനെ പ്രശംസിച്ച് ആകാശ് ചോപ്ര പറഞ്ഞു. വേൾഡ് കപ്പിലെ മോശം പ്രകടനത്തിന്റെ പേരിൽ നിരവധി വിമർശനങ്ങൾ കേൾക്കേണ്ടി വന്ന സൂര്യകുമാറിന്റെ തകർപ്പൻ തിരിച്ചുവരവാണ് ഇന്നലെ കാണാൻ സാധിച്ചത്.

209 റൺസിന്റെ കൂറ്റൻ വിജയലക്ഷ്യം പിന്തുടർന്ന ഇന്ത്യ 22 ന് 2 എന്ന നിലയിൽ നിൽക്കുമ്പോളാണ് സൂര്യകുമാർ ക്രീസിലെത്തിയത്.ജേസൺ ബെഹ്‌റൻഡോർഫിന്റെ പന്തിൽ ഫൈൻ ലെഗിന് മുകളിലൂടെ സിഗ്‌നേച്ചർ പുൾ ഷോട്ടിലൂടെ അദ്ദേഹം തന്റെ സാന്നിധ്യം അറിയിച്ചു.ഇഷാൻ കിഷനൊപ്പം, പവർപ്ലേയ്ക്കിടെ സൂര്യകുമാർ ബൗണ്ടറികളുടെ കുത്തൊഴുക്ക് അഴിച്ചുവിട്ടു, വെറും 12 പന്തിൽ 26 റൺസ് നേടി.58 റൺസിന് കിഷനെ നഷ്ടമായെങ്കിലും, സൂര്യകുമാർ തന്റെ ആക്രമണാത്മക സമീപനം തുടർന്നു, 29 പന്തിൽ അർദ്ധസെഞ്ചുറി തികച്ചു. 42 പന്തിൽ 80 റൺസ് എടുത്ത് ഇന്ത്യൻ വിജയം ഉറപ്പാക്കിയാണ് സൂര്യ മടങ്ങിയത്. അദ്ദേഹം പുറത്താകുമ്പോൾ ഇന്ത്യക്ക് 14 പന്തിൽ 15 റൺസ് മതിയായിരുന്നു.

മത്സരത്തിന് ശേഷമുള്ള അവതരണത്തിൽ സംസാരിച്ച സ്റ്റാൻഡ്-ഇൻ ക്യാപ്റ്റൻ ടീമിന്റെ പ്രകടനത്തിൽ സന്തോഷം പ്രകടിപ്പിക്കുകയും ആദ്യമായി രാജ്യത്തെ നയിക്കാൻ തനിക്ക് അഭിമാന നിമിഷമാണെന്നും പറഞ്ഞു.” കളിക്കാർ രീതിയിൽ വളരെ സന്തോഷമുണ്ട്. അവരുടെ ഊർജ്ജത്തിൽ വളരെ സന്തോഷമുണ്ട്, ഞങ്ങൾ സമ്മർദ്ദത്തിലായി, പക്ഷേ എല്ലാവരും കാണിച്ച രീതി അതിശയിപ്പിക്കുന്നതായിരുന്നു. ഇത് അഭിമാന നിമിഷമാണ്.ഇന്ത്യയുടെ ക്യാപ്റ്റൻ ആകുന്നതും ഒരു വലിയ നിമിഷമാണ്. അൽപ്പം മഞ്ഞു വീഴുമെന്ന് വിചാരിച്ചു പക്ഷേ ഉണ്ടായില്ല. ഇത് വലിയ ഗ്രൗണ്ടല്ല, ബാറ്റിംഗ് എളുപ്പമാകുമെന്ന് എനിക്കറിയാമായിരുന്നു. അവർക്ക് 230-235 ലഭിക്കുമെന്ന് കരുതി. ബൗളർമാർ മികച്ച പ്രകടനമാണ് നടത്തിയത്” സൂര്യകുമാർ പറഞ്ഞു.

റൺ വേട്ടയ്ക്കിടെ തന്നെ ബാറ്ററായും നായകനായും കംപാർട്ട്മെന്റലൈസ് ചെയ്യുന്നതിനെക്കുറിച്ച് ചോദിച്ചപ്പോൾ, താൻ ബാറ്റ് ചെയ്യാൻ വരുമ്പോൾ ക്യാപ്റ്റൻസി ലഗേജ് ഡ്രസ്സിംഗ് റൂമിൽ ഉപേക്ഷിച്ച് ആണ് ഇറങ്ങിയതെന്നു സൂര്യ കുമാർ പറഞ്ഞു.”ഞാൻ ക്യാപ്റ്റൻസിയുടെ ലഗേജ് ഡ്രസ്സിംഗ് റൂമിൽ ഉപേക്ഷിച്ചു, എന്റെ ബാറ്റിംഗ് ആസ്വദിക്കാൻ ഞാൻ ശ്രമിക്കുന്നു. അന്തരീക്ഷം അതിശയകരമായിരുന്നു, കാണികൾക്ക് നന്ദി,” സൂര്യകുമാർ പറഞ്ഞു.