പൂനെയിലെ മഹാരാഷ്ട്ര ക്രിക്കറ്റ് അസോസിയേഷൻ സ്റ്റേഡിയത്തിൽ നടന്ന നാലാം ടി20യിൽ ഇന്ത്യയെ തകർത്ത് ഇംഗ്ലണ്ട് പേസർ സാഖിബ് മഹമൂദ്, ട്രിപ്പിൾ വിക്കറ്റ് മെയ്ഡൻ ഓവറിലൂടെ ചരിത്രം സൃഷ്ടിച്ചു. ഇന്നിംഗ്‌സിന്റെ രണ്ടാം ഓവറിൽ സഞ്ജു സാംസൺ, തിലക് വർമ്മ, സൂര്യകുമാർ യാദവ് എന്നിവരെ പുറത്താക്കിയ 27-കാരൻ ആരാധകരെ നിശബദ്ധരാക്കി.ഒരു “ട്രിപ്പിൾ വിക്കറ്റ് മെയ്ഡൻ” എന്നത് ഒരു ഓവർ ഉപയോഗിച്ച് ഒരു ബൗളർ ഒരു റൺസും വഴങ്ങാതെ മൂന്ന് വിക്കറ്റുകൾ നേടുന്നതിനെയാണ് സൂചിപ്പിക്കുന്നത്.തന്റെ അതിശയിപ്പിക്കുന്ന ഓവറിലൂടെ, ട്രിപ്പിൾ വിക്കറ്റ് മെയ്ഡൻ എറിഞ്ഞ ആദ്യ ഇംഗ്ലീഷ് കളിക്കാരനും അന്താരാഷ്ട്ര ടി20യിൽ ഇന്ത്യയ്‌ക്കെതിരെ അങ്ങനെ ചെയ്യുന്ന ആദ്യ ടീമുമായി മഹമൂദ് മാറി.
ഇംഗ്ലണ്ടിനെതിരെ നാലാം ടി20യില്‍ ടോസ് ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യക്ക് തുടക്കത്തിലേ മൂന്നു വിക്കറ്റുകൾ നഷ്ടമായി. പരമ്പരയിലെ നാലാം മത്സരത്തിലും മലയാളി താരം സഞ്ജു സാംസൺ നിരാശപ്പെടുത്തി. ഒരു റൺസ് മാത്രം നേടിയ സഞ്ജുവിനെ രണ്ടാം ഓവറിൽ സാഖിബ് മഹ്മൂദ് പുറത്താക്കി.സാകിബ് മെഹ്മൂദിന്റെ ഷോര്‍ട്ട് ബോളില്‍ പുള്‍ ഷോട്ടിന് ഷോട്ടിന് ശ്രമിച്ച് സ്‌ക്വയര്‍ ലെഗില്‍ ജോഫ്ര ആര്‍ച്ചര്‍ക്ക് ക്യാച്ച് നല്‍കുകയായിരുന്നു സഞ്ജു.
Suryakumar Yadav and Sanju Samson continue to struggle in the T20I series against England. pic.twitter.com/Nd05286U4h
— CricTracker (@Cricketracker) January 31, 2025
കഴിഞ്ഞ മൂന്ന് മത്സരങ്ങളിലും ഇതേ രീതിയില്‍ തന്നെയാണ് സഞ്ജു പുറത്തായത്. പരമ്പരയിലെ ആദ്യ മൂന്ന് മത്സരങ്ങളിലും ആര്‍ച്ചറുടെ ഷോര്‍ട്ട് ബോളുകള്‍ക്കെതിരെ മറുപടിയില്ലാതെ സഞ്ജു പതറിയിരുന്നു. ഷോര്‍ട്ട് ബോളില്‍ ഹുക്ക് ഷോട്ട് കളിക്കാന്‍ ശ്രമിച്ചാണ് സഞ്ജു വിക്കറ്റ് സമ്മാനിച്ചത്. ഇക്കുറി ബോളര്‍ മാറിയെങ്കിലും ഇംഗ്ലണ്ടിന് ഈസി വിക്കറ്റ് ആയി സഞ്ജു മാറി. ആ ഓവറിൽ തന്നെ പൂജ്യത്തിനു തിലക് വര്മയെയും ഇന്ത്യക്ക് നഷ്ടമായിരുന്നു.തേര്‍ഡ്മാനില്‍ ആര്‍ച്ചര്‍ക്ക് തന്നെ ക്യാച്ച് നല്‍കി.അതേ ഓവറില്‍ തന്നെ സൂര്യകുമാര്‍ യാദവും പൂജ്യത്തിനു പുറത്തായി. ഒന്പതാം ഓവറിൽ സ്കോർ 68 ലെത്തിയപ്പോൾ 29 റൺസ് നേടിയ അഭിഷേക് ശർമയെ ആദി റഷീദ് പുറത്താക്കി.
Team India's top-order batters dismissed for single-digit scores! 🇮🇳👀
— Sportskeeda (@Sportskeeda) January 31, 2025
𝑪𝒐𝒖𝒓𝒕𝒆𝒔𝒚: 𝑺𝒂𝒒𝒊𝒃 𝑴𝒂𝒉𝒎𝒐𝒐𝒅'𝒔 𝒃𝒓𝒊𝒍𝒍𝒊𝒂𝒏𝒕 𝒃𝒐𝒘𝒍𝒊𝒏𝒈 🏴🔥#INDvENG #T20Is #SaqibMahmood #Sportskeeda pic.twitter.com/7IJI57No0Q
ഇന്ത്യ മൂന്ന് മാറ്റങ്ങളുമായാണ് ഇറങ്ങുന്നത്. മുഹമ്മദ് ഷമിയ്ക്ക് പകരം അര്‍ഷ്ദീപ് സിങ് തിരിച്ചെത്തി. ധ്രുവ് ജുറേലിനു പകരം റിങ്കു സിങും വാഷിങ്ടന്‍ സുന്ദറിനു പകരം ശിവം ദുബെയും ടീമിലെത്തി. മലയാളി താരം സഞ്ജു സാംസണ്‍ ടീമിലെ സ്ഥാനം നിലനിര്‍ത്തി.ഇന്ത്യ ഇലവന്‍: സൂര്യകുമാര്‍ യാദവ് (ക്യാപ്റ്റന്‍), സഞ്ജു സാംസണ്‍, അഭിഷേക് ശര്‍മ, തിലക് വര്‍മ, ഹര്‍ദിക് പാണ്ഡ്യ, ശിവം ദുബെ, റിങ്കു സിങ്, അക്ഷര്‍ പട്ടേല്‍, അര്‍ഷ്ദീപ് സിങ്, രവി ബിഷ്‌ണോയ്, വരുണ്‍ ചക്രവര്‍ത്തി.