അസാധാരണമായ വേഗതയും ഉയരവും കൊണ്ട് ഇന്ത്യൻ ക്രിക്കറ്റ് ലോകത്തേക്ക് കടന്നു വന്ന താരമാണ് കേരളത്തിൽ ജനിച്ച അബി കുരുവിള.മൈക്കൽ ഹോൾഡിംഗിനെ അനുസ്മരിക്കുന്ന ആക്ഷനായിരുന്നു അദ്ദേഹത്തിന് ഉണ്ടായിരുന്നത്. യോർക്കറുകറുകളും ബൗൺസറുകളും എറിയാൻ കഴിവുള്ള താരമായിരുന്നു . ബോംബെയ്ക്കു വേണ്ടി രഞ്ജി ട്രോഫി കളിച്ചു തുടങ്ങിയതോടെയാണ് അബി കുരുവിളയെ എല്ലാവരും ശ്രദ്ധിക്കാൻ തുടങ്ങിയത്.
1990 അവസാനത്തോടെ അദ്ദേഹം ഫ്രാങ്ക് ടൈസന്റെ ബോംബെ ക്രിക്കറ്റ് അസോസിയേഷൻ-മഫത്‌ലാൽ ഫാസ്റ്റ് ബൗളിംഗ് സ്കീമിൽ ചേർന്നു, കൂടുതൽ നിയന്ത്രിതമായ ആക്ഷനും എന്നാൽ അതേ കൃത്യതയുമുള്ള ഒരു ഫാസ്റ്റ്-മീഡിയം ബൗളറായി ഉയർന്നുവന്നു. 1991-92 ലെ തന്റെ ആദ്യ മുഴുവൻ സീസണിൽ അമ്പത്തിയൊന്ന് ഫസ്റ്റ് ക്ലാസ് വിക്കറ്റുകൾ – രഞ്ജിയിൽ മാത്രം 35 വിക്കറ്റുകൾ നേടിയതോടെ ഏത് നിമിഷവും അദ്ദേഹം ഇന്ത്യൻ ടീമിലേക്ക് കടന്നുവരുമെന്ന് കരുതി.ഇന്ത്യയുടെ ദക്ഷിണാഫ്രിക്കൻ പര്യടനം വന്നു പോയി, ഒരു വിളി പോലും ലഭിച്ചില്ല.
1992-93 ൽ, ഗുജറാത്തിനെതിരെ 61 റൺസിന് 6 വിക്കറ്റ് വീഴ്ത്തി അദ്ദേഹം തന്റെ ഏറ്റവും മികച്ച ബൗളിംഗ് പ്രകടനം കാഴ്ചവച്ചു. 1993-94 ലും 1994-95 ലും വിജയിച്ച രഞ്ജി ടീമുകളുടെ ഭാഗമായിരുന്നു അദ്ദേഹം. എന്നിട്ടും വിളി വന്നില്ല. 1997 ആയപ്പോഴേക്കും കുരുവിള 30 കളോട് അടുക്കുകയായിരുന്നു.പിന്നീട്, അപ്രതീക്ഷിതമായി അത് സംഭവിച്ചു. ജവഗൽ ശ്രീനാഥിന് പരിക്കുപറ്റി, വെസ്റ്റ് ഇൻഡീസിനെതിരായ ഇന്ത്യയുടെ പരമ്പരയിലേക്ക് കുരുവിളയെ വിളിച്ചു.
Happy Birthday Abey Kuruvilla
— Cricketopia (@CricketopiaCom) August 8, 2025
10 Tests, 25 Wickets
25 ODIs, 25 Wickets
On his short career Kuruvilla said:-
"At least I played for a year. There are so many good cricketers who don't get to play even one game for India. I can't complain on that count."pic.twitter.com/LglbZLawDT
1997 കാലഘട്ടത്തിലാണ് അബി കുരുവിള ഇന്ത്യക്ക് വേണ്ടി കളിക്കുന്നത്. ജവഗല്‍ ശ്രീനാഥിനേറ്റ പരിക്കേറ്റതിനെ തുടര്‍ന്നായിരുന്നു അവസരം ലഭിച്ചത്.വെസ്റ്റ് ഇന്‍ഡീസ് പര്യടനത്തോടെയായിരുന്നു കുരുവിളയുടെ അരങ്ങേറ്റം.. ആ പരമ്പരയില്‍ ജമൈക്കയില്‍ വെച്ച് നടന്ന ആദ്യ ടെസ്റ്റിലൂടെയായിരുന്നു ഇന്ത്യക്ക് വേണ്ടി കുരുവിളയുടെ അരങ്ങേറ്റം.അരങ്ങേറ്റ ടെസ്റ്റിൽ അദ്ദേഹം നാല് വിക്കറ്റുകൾ വീഴ്ത്തി , അതിൽ ബ്രയാൻ ലാറയും കാൾ ഹൂപ്പറും ഉൾപ്പെടുന്നു തുടര്‍ന്ന് ബാര്‍ബഡോസില്‍ നടന്ന രണ്ടാം ടെസ്റ്റില്‍ 68 റണ്‍സുകള്‍ വിട്ട് കൊടുത്ത് 5 വിക്കറ്റ് നേടി.
ശ്രീനാഥ് തിരിച്ച് വരുന്നത് വരെ ആ വര്ഷം ഇന്ത്യയുടെ എല്ലാ ടെസ്റ്റ്, ഏകദിന മത്സരങ്ങളിലും കുരുവിള കളിച്ചു.ശ്രീനാഥ് മടങ്ങിയെത്തിയതോടെ ഇന്ത്യക്ക് വേണ്ടിയുള്ള കുരുവിളയുടെ കരിയറും അവസാനിച്ചു., പിന്നീട് അദ്ദേഹത്തെ ഒരിക്കലും ഇന്ത്യന്‍ ടീമില്‍ കളിപ്പിച്ചതുമില്ല.അജിത് അഗാർക്കറും ഉയർച്ചയും അദ്ദേഹത്തിന്റെ വീണ്ടും അവസരം ലഭിക്കാത്തതിന്റെ കാരണമായി.ഇതിനിടെ മൊത്തം 10 ടെസ്റ്റ് മത്സരങ്ങളിലും, 25 ഏകദിന മത്സരങ്ങളിലും അബി കുരുവിള ഇന്ത്യക്ക് വേണ്ടി കളിച്ചു.ഇരു ഫോര്‍മാറ്റിലുമായി 25 വിക്കറ്റുകള്‍ വീതം നേടി.