എന്തുകൊണ്ടാണ് സഞ്ജു സാംസൺ ഇന്ത്യയുടെ ഏകദിന ടീമിന്റെ ഭാഗമാവണം എന്ന് പറയുന്നത് ? |Sanju Samson

2023 ഏകദിന ലോകകപ്പ് അടുക്കുമ്പോൾ ഇന്ത്യയുടെ സാധ്യതാ ടീമിനെക്കുറിച്ചുള്ള ചർച്ചകൾ ശക്തമായിരിക്കുകയാണ്.2015ലും 2019ലും നടന്ന ടൂർണമെന്റുകളിൽ സെമിഫൈനലിൽ പരാജയപ്പെട്ട ഇന്ത്യ ഇത്തവണ സ്വന്തം നാട്ടിൽ കിരീടം നേടാം എന്ന വിശ്വാസത്തിലാണ് ഇറങ്ങുന്നത്.രോഹിത് ശർമ്മ, വിരാട് കോഹ്‌ലി, ശുഭ്മാൻ ഗിൽ, രവീന്ദ്ര ജഡേജ, മുഹമ്മദ് ഷമി തുടങ്ങിയ വമ്പൻ താരങ്ങൾ അണിനിരക്കുന്ന ഇന്ത്യക്ക് വലിയ സാധ്യതയാണ് എല്ലാവരും കൽപ്പിക്കുന്നത്.എന്നാൽ ഇന്ത്യയെ അലട്ടുന്ന ഏറ്റവും വലിയ പ്രശനം ദുരബലമായ മധ്യനിരയാണ്.

കെ എൽ രാഹുലും ശ്രേയസ് അയ്യരും പരിക്കിൽ നിന്നും കരകയറി വരുന്നത് കൊണ്ട് അവരുടെ ഫോമും ഫിറ്റ്‌നസും അനിശ്ചിതത്വത്തിലാണ്. ഈ അനിശ്ചിതത്വം ഏകദിനത്തിൽ ഇന്ത്യയുടെ മധ്യനിരയെ ശക്തിപ്പെടുത്താൻ സാധ്യതയുള്ള താരമായി സഞ്ജു സാംസൺ ഉയർന്നു വരുന്നത്.സാംസണിന്റെ മികച്ച ഏകദിന സ്ഥിതിവിവരക്കണക്കുകൾ കാരണം അദ്ദേഹത്തെ ഇന്ത്യൻ ടീമിൽ ഉൾപ്പെടുത്തണമെന്ന് വാദിക്കുന്നു. 11 ഇന്നിംഗ്‌സുകളിൽ നിന്ന് 66 എന്ന അതിശയിപ്പിക്കുന്ന ശരാശരിയിൽ 330 റൺസ് കേരളാ താരം നേടിയിട്ടുണ്ട്. കൂടാതെ, 104.8 സ്‌ട്രൈക്ക് റേറ്റുമുണ്ട്.ലഖ്‌നൗവിൽ ദക്ഷിണാഫ്രിക്കയ്‌ക്കെതിരെ പുറത്താകാതെ നേടിയ 86 റൺസ് ആണ് അദ്ദേഹത്തിന്റെ ഉയർന്ന സ്‌കോർ.

ആ ഇന്നിങ്സ് സാങ്കേതികതയുടെയും ആക്രമണ ബാറ്റിംഗിന്റെയും തെളിവാണ്. ഇന്ത്യയുടെ ദുർബലമായ മധ്യനിരയെ ഫലപ്രദമായി ശക്തിപ്പെടുത്താൻ അദ്ദേഹത്തിന് കഴിയുമെന്നാണ് ഏകദിനത്തിലെ അദ്ദേഹത്തിന്റെ ഇതുവരെയുള്ള പ്രകടനം സൂചിപ്പിക്കുന്നത്.ബാറ്റിംഗ് ഓർഡറിലെ ഏത് റോളുമായും പൊരുത്തപ്പെടാൻ കഴിവുള്ള താരമാണ് സഞ്ജു.ടീമിന്റെ ആവശ്യകതകൾക്കനുസരിച്ച് തന്റെ ഗെയിം മോഡുലേറ്റ് ചെയ്യാനുള്ള സഞ്ജുവിന്റെ കഴിവ് എടുത്തു പറയേണ്ടതാണ്.ഇന്ത്യൻ ഏകദിന ടീമിൽ അദ്ദേഹത്തെ ഉൾപ്പെടുത്തുന്നത് ടീമിന് ആവശ്യമെങ്കിൽ ബാറ്റിംഗ് ഓർഡർ മാറ്റാനുള്ള ഒരു ഓപ്ഷൻ നൽകും.

28 അന്താരാഷ്‌ട്ര, 152 ഐ‌പി‌എൽ ഗെയിമുകളിലെയും 115 ലിസ്റ്റ്-എ ഗെയിമുകൾക്കൊപ്പം 3000-ലധികം റൺസ് നേടിയ അദ്ദേഹത്തിന്റെ അനുഭവം ഇന്ത്യക്ക് ഗുണം ചെയ്യുമെന്നുറപ്പാണ്.സാംസൺ ഒരു വിക്കറ്റ് കീപ്പിംഗ് ഓപ്ഷനായി വേറിട്ടുനിൽക്കുന്നു. ഋഷഭ് പന്ത് കളിക്കാനുള്ള സാധ്യതയില്ലാത്തതിനാൽ ഇഷാൻ കിഷനും സാംസണും ബാക്കപ്പ് വിക്കറ്റ് കീപ്പിംഗിന്റെ പ്രധാന സ്ഥാനാർത്ഥികളാകുന്നു. എങ്കിലും, കിഷൻ കളിക്കുന്നത് തന്റെ പതിവ് പൊസിഷനിൽ നിന്ന് ബാറ്റ് ചെയ്യേണ്ടി വരും, ഇത് വിവേകപൂർണ്ണമായ ഒരു നീക്കമായിരിക്കില്ല. ഈ സാഹചര്യത്തിൽ സാംസണിന് ഉചിതമായ പകരക്കാരനായി മാറാൻ സാധിക്കും. സഞ്ജുവിന്റെ സാനിധ്യം മധ്യ-ലോവർ-മിഡിൽ ഓർഡറിന് കരുത്ത് നൽകുകയും ഗെയിമുകൾക്ക് ഫിനിഷിംഗ് ടച്ചുകൾ നൽകുകയും ചെയ്യും.

സ്പിൻ ബൗളിംഗിനെതിരെ സാംസൺ സ്ഥിരതയാർന്ന പ്രകടനം പുറത്തെടുത്തിട്ടുണ്ട്. അനായാസമായി ബൗണ്ടറികൾ സ്‌കോർ ചെയ്യാനും സ്‌ട്രൈക്കുകൾ കാര്യക്ഷമമായി റൊട്ടേറ്റ് ചെയ്യാനുമുള്ള രാജസ്ഥാൻ റോയൽസിന്റെ ക്യാപ്റ്റന്റെ കഴിവ് വലിയ സവിശേഷതയാണ്.4 അല്ലെങ്കിൽ 5 സ്ഥാനങ്ങളിൽ ബാറ്റ് ചെയ്യുമ്പോൾ, സാഹചര്യത്തിനനുസരിച്ച് ക്രമീകരിച്ചുകൊണ്ട് കളി നിയന്ത്രിക്കാനുമുള്ള കഴിവും 28 കാരനുണ്ട്. ഇതെല്ലം സഞ്ജുവിനെ ഇന്ത്യൻ ഏകദിന ടീമിന് അനുയോജ്യമായ തിരഞ്ഞെടുപ്പാക്കി മാറ്റുന്നു.