വിരാട് കോഹ്‌ലിയെ എല്ലാ ഫോർമാറ്റുകളിലും “ഈ തലമുറയിലെ ഏറ്റവും മികച്ച ബാറ്റർ” എന്ന് വിശേഷിപ്പിച്ച് ഇന്ത്യയുടെ മുൻ സ്റ്റാർ ഓൾറൗണ്ടർ യുവരാജ് സിംഗ്.ഏകദിന ക്രിക്കറ്റ് ലോകകപ്പ് 2023-ൽ കോഹ്‌ലി റൺ ചാർട്ടിൽ ഒന്നാമതെത്തുകയും ഏറ്റവും കൂടുതൽ റൺസ് നേടിയതിൻ്റെ റെക്കോർഡ് തകർത്തു.
ടി20 ലോകകപ്പ് അടുത്തിരിക്കെ ആറാം തവണയും കളിക്കാനിറങ്ങുന്ന കോഹ്‌ലിയുടെ ലക്ഷ്യം കൊതിപ്പിക്കുന്ന ട്രോഫിയിലേക്കാണ്.ടി20 ലോകകപ്പ് മെഡൽ സ്വന്തമാക്കാൻ താരത്തേക്കാൾ യോഗ്യരായ മറ്റാരുമില്ലെന്നാണ് യുവരാജ് പറയുന്നത്.മറ്റൊരു ലോകകപ്പ് ട്രോഫി വീട്ടിലേക്ക് കൊണ്ടുപോകാൻ കോഹ്‌ലി അർഹനാണെന്നും 2011 ലോകകപ്പിലെ മാൻ ഓഫ് ദ ടൂർണമെൻ്റായ യുവരാജ് പറഞ്ഞു.
“ഈ കാലഘട്ടത്തിലെ എല്ലാ റെക്കോഡുകളും അദ്ദേഹം തീർച്ചയായും തകർത്തിട്ടുണ്ട്. എല്ലാ ഫോർമാറ്റുകളിലും ഈ തലമുറയിലെ ഏറ്റവും മികച്ച ബാറ്റർ ആണ് കോലി.കൂടാതെ അദ്ദേഹം ഒരു ലോകകപ്പ് മെഡൽ ആവശ്യമുള്ള ഒരാളാണെന്ന് ഞാൻ കരുതുന്നു.അദ്ദേഹത്തിന് ഒന്ന് ഉണ്ടെങ്കിലും ഒന്നിൽ തൃപ്തനല്ല, അദ്ദേഹം തീർച്ചയായും ആ മെഡലിന് അർഹനാണെന്ന് ഞാൻ കരുതുന്നു, ”യുവരാജ് ഐസിസിയുമായുള്ള ഒരു ചാറ്റിൽ പറഞ്ഞു.ടി20 ലോകകപ്പിനിടെയാണ് കോഹ്‌ലിയുടെ ഏറ്റവും പ്രശസ്തമായ ഇന്നിങ്സ് കളിച്ചത്.രണ്ട് വർഷം മുമ്പ് മെൽബൺ ക്രിക്കറ്റ് ഗ്രൗണ്ടിൽ വെച്ച് ചിരവൈരികളായ പാകിസ്ഥാനെതിരെ മികച്ച ഫിനിഷിങ് നടത്തി ഇന്ത്യയെ വിജയതിലെത്തിച്ച് 90,000-ത്തിലധികം കാണികളെ അമ്പരപ്പിച്ചു.
വരാനിരിക്കുന്ന ഐസിസി ടി20 ലോകകപ്പിനുള്ള 15 കളിക്കാരുടെ ഇന്ത്യൻ ടീമിനെ ഈ മാസം ആദ്യം ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) വെളിപ്പെടുത്തിയിരുന്നു.ഗ്രൂപ്പ് എയിൽ യുണൈറ്റഡ് സ്റ്റേറ്റ്‌സ് ഓഫ് അമേരിക്ക, അയർലൻഡ്, പാകിസ്ഥാൻ, കാനഡ എന്നിവർക്കൊപ്പമാണ്‌ ഇന്ത്യ.ഇന്ത്യയുടെ ടി20 ലോകകപ്പ് കാമ്പയിൻ ജൂൺ 5ന് ന്യൂയോർക്കിലെ നാസൗ കൗണ്ടി ഇൻ്റർനാഷണൽ ക്രിക്കറ്റ് സ്റ്റേഡിയത്തിൽ അയർലൻഡിനെതിരെ ആരംഭിക്കും. തുടർന്ന്, ജൂൺ 9 ന്, ടീം പാകിസ്ഥാനെതിരെ അതേ സ്റ്റേഡിയത്തിൽ കളിക്കും.