‘വീണ്ടും ഒരു അവസരം പാഴാക്കി’ : രണ്ടാം ടെസ്റ്റിലും പരാജയപ്പെട്ട ശ്രേയസ് അയ്യർക്കെതിരെ രൂക്ഷ വിമർശനവുമായി സഹീർ ഖാൻ | IND vs ENG

ഇംഗ്ലണ്ടിനെതിരായ പരമ്പര 1-1ന് സമനിലയിലാക്കാൻ കഴിഞ്ഞതിന് പിന്നാലെ ഇന്ത്യയുടെ ബാറ്റിംഗിനെക്കുറിച്ച് മുൻ താരം സഹീർ ഖാൻ ആശങ്ക ഉന്നയിച്ചു.ആദ്യ രണ്ട് ദിവസങ്ങളിൽ പന്ത് സ്പിന്നാകാതെ ബാറ്റിലേക്ക് മനോഹരമായി വന്നപ്പോൾ ജയ്‌സ്വാളിന് മാത്രമേ അവസരം മുതലാക്കാനും റൺസ് നേടാനും കഴിഞ്ഞുള്ളൂ. രണ്ടാം ഇന്നിഗ്‌സിൽ ശുഭമാൻ വെല്ലുവിളി ഏറ്റെടുത്ത് തൻ്റെ മൂന്നാം ടെസ്റ്റ് സെഞ്ചുറിയിലേക്ക് കുതിക്കുകയും ചെയ്തു.

വിശാഖപട്ടണത്ത് ഇംഗ്ലണ്ടിനെതിരായ രണ്ടാം ടെസ്റ്റിൻ്റെ അവസാനം സഹീർ ഖാൻ ഇന്ത്യയുടെ ബാറ്റിംഗ് പ്രകടനം വിശകലനം ചെയ്തു.യശസ്വി ജയ്‌സ്വാളിൻ്റെയും ശുഭ്മാൻ ഗില്ലിൻ്റെയും വ്യക്തിഗത മികവ് കൊണ്ട് മാത്രമാണ് ഇന്ത്യ രണ്ടാം ടെസ്റ്റിൽ വിജയിച്ചതെന്ന് സഹീർ ഖാൻ പറയുകയും ചെയ്തു. രണ്ടാം ടെസ്റ്റിലും നിരാശപ്പെടുത്തിയതിന് പിന്നാലെ ഇന്ത്യയുടെ മധ്യനിര ബാറ്റര്‍ ശ്രേയസ് അയ്യര്‍ക്കെതിരെ രൂക്ഷവിമര്‍ശനം ഉന്നയിക്കുകയും ചെയ്തു.2023 ക്രിക്കറ്റ് ലോകകപ്പിൽ വലംകൈയ്യൻ മികച്ച പ്രകടനം പുറത്തെടുത്തെങ്കിലും ടെസ്റ്റ് ക്രിക്കറ്റിലെ അദ്ദേഹത്തിൻ്റെ ഫോം തൃപ്തികരമല്ല. രണ്ടാം ഇന്നിംഗ്‌സിൽ അയ്യർക്ക് വീണ്ടും മികച്ച തുടക്കം ലഭിച്ചുവെങ്കിലും 29 റൺസിന് പുറത്തായി.ഇംഗ്ലണ്ട് സ്പിന്നർമാർക്കൊപ്പം മികച്ച സ്‌കോർ ചെയ്യാൻ അയ്യർക്ക് അവസരമുണ്ടായിരുന്നെന്നും എന്നാൽ ഒരു നല്ല അവസരം പാഴാക്കിയെന്നും സഹീർ പറഞ്ഞു.

“സ്പിന്നിനെതിരെ മികച്ച രീതിയില്‍ കളിക്കാന്‍ കഴിവുള്ള താരമാണ് ശ്രേയസ് അയ്യര്‍. എന്നാല്‍ അദ്ദേഹം വീണ്ടും അവസരം പാഴാക്കി. സ്‌പിന്നര്‍മാര്‍ക്കെതിരെ അമിത ആധിപത്യം പുലർത്താൻ ശ്രമിക്കുന്നതിനിടയിൽ തന്‍റെ വിക്കറ്റ് നഷ്‌ടപ്പെടുത്തുകയാണ്. സാഹചര്യത്തിന് അനുസരിച്ചാണ് എപ്പോഴും കളിക്കേണ്ടത്. ടീമിനും വ്യക്തിഗതമായും നിര്‍ണായകമായ സമയം ഏതെന്ന് നിങ്ങള്‍ മനസിലാക്കേണ്ടതുണ്ട്. അതിന് അനുസരിച്ച് പക്വതയോടെ കളിക്കേണ്ടതുണ്ട്” – സഹീർ ഖാന്‍ പറഞ്ഞു.2022 ഡിസംബറിന് ശേഷം അയ്യർ ഒരു അർദ്ധ സെഞ്ച്വറി പോലും നേടിയിട്ടില്ല കെഎൽ രാഹുലിനൊപ്പം വിരാട് കോഹ്‌ലിയും ശേഷിക്കുന്ന മൂന്ന് ടെസ്റ്റ് മത്സരങ്ങളിൽ ടീമിൽ തിരിച്ചെത്താൻ സാധ്യതയുള്ളതിനാൽ സെലക്ടർമാർ അദ്ദേഹത്തെ ഒഴിവാക്കുന്നത് പരിഗണിക്കുമെന്ന് സഹീർ പറഞ്ഞു.

”ടീമിലേക്ക് രണ്ട് പേര്‍ വരുമ്പോള്‍ തീര്‍ച്ചയായും രണ്ട് പേര്‍ പുറത്താവും. അതിനാല്‍ റണ്‍സ് നേടുകയോ സാഹചര്യത്തിന് അനുസരിച്ചുള്ള പക്വത കാണിക്കുകയോ ചെയ്യാതിരുന്നാല്‍ ആ കളിക്കാരൻ പുറത്തിരിക്കേണ്ടിവരും. എന്തുകൊണ്ടും പ്ലെയിങ് ഇലവനില്‍ ഇടം ലഭിക്കാനുള്ള മത്സരത്തില്‍ ശ്രേയസിനേക്കാള്‍ മുന്നിലാണ് ശുഭ്‌മാന്‍ ഗില്‍” അദ്ദേഹം കൂട്ടിച്ചേർത്തു.

190 റൺസിൻ്റെ ഒന്നാം ഇന്നിംഗ്‌സ് ലീഡ് നേടിയ ശേഷം ആധിപത്യം പുലർത്തിയ ഇന്ത്യ, പരമ്പര ഓപ്പണറിൽ 28 റൺസിൻ്റെ ഞെട്ടിക്കുന്ന തോൽവിയിലേക്ക് കൂപ്പുകുത്തുകയും രണ്ടാം ടെസ്റ്റിലേക്ക് തകർപ്പൻ മുന്നേറ്റം നടത്തുകയും ചെയ്തു.കൂടാതെ, വിരാട് കോഹ്‌ലിയും പരിക്കേറ്റ കെഎൽ രാഹുൽ, രവീന്ദ്ര ജഡേജ, മുഹമ്മദ് ഷമി എന്നിവരും വിശാഖപട്ടണത്തിൽ ഇന്ത്യയ്ക്ക് ഇല്ലായിരുന്നു.