ജൂൺ ഒന്നിന് യുഎസിലും വെസ്റ്റ് ഇൻഡീസിലും ആരംഭിക്കുന്ന ടി20 ലോകകപ്പിനുള്ള ഇന്ത്യൻ ടീമിൽ ഹാർദിക് പാണ്ഡ്യയ്ക്കും ശിവം ദുബെയ്ക്കും ഇടം ലഭിക്കുമെന്ന് താൻ വിശ്വസിക്കുന്നതായി മുൻ ഇന്ത്യൻ പേസർ സഹീർ ഖാൻ പറഞ്ഞു. അഫ്ഗാനിസ്ഥാനെതിരായ 3 മത്സരങ്ങളുടെ ടി20 പരമ്പരയിൽ ഇന്ത്യയുടെ പരമ്പര തൂത്തുവാരുന്നതിൽ ശിവം ദുബെ പ്രധാന പങ്കുവഹിച്ചു. ഓൾറൗണ്ട് പ്രകടനത്തിന് ദുബെയെ ‘പ്ലയർ ഓഫ് ദി സീരീസ്’ ആയി തിരഞ്ഞെടുത്തു.
2023 ഒക്ടോബറിൽ ബംഗ്ലാദേശിനെതിരായ ഏകദിന ലോകകപ്പ് മത്സരത്തിൽ കണങ്കാലിന് പരിക്കേറ്റ് സുഖം പ്രാപിക്കുന്നതിനാൽ ഹാർദിക്കിന് അഫ്ഗാനിസ്ഥാനെതിരായ പരമ്പര നഷ്ടമായി.ഹാർദിക്കിന്റെ അഭാവത്തിൽ ഇന്ത്യയുടെ വളർന്നുവരുന്ന പേസ് ബൗളിംഗ് ഓൾറൗണ്ടറായ ദുബെ കിട്ടുന്ന അവസരം നന്നായി ഉപയോഗിച്ചു.ഇന്ത്യയുടെ ടി20 ലോകകപ്പ് ടീമിന്റെ ഭാഗമാകാൻ തൻ തയ്യാറാണെന്ന് അറിയിക്കുകയും ചെയ്തു. ഓസ്‌ട്രേലിയയ്‌ക്കെതിരായ 5 മത്സരങ്ങളുടെ ടി20 ഐ പരമ്പരയിൽ ബെഞ്ചിലിരിക്കുകയും ദക്ഷിണാഫ്രിക്കയ്‌ക്കെതിരായ 3 മത്സര ടി20 ഐ പരമ്പരയിലേക്ക് തിരഞ്ഞെടുക്കപ്പെടാതിരിക്കുകയും ചെയ്‌ത ദുബെ ടി 20 യിൽ ഇന്ത്യയ്‌ക്കായി ശ്രദ്ധേയമായ തിരിച്ചുവരവ് നടത്തി.
ടി20 ലോകകപ്പിന് മുന്നോടിയായുള്ള ഇന്ത്യയുടെ അവസാന അന്താരാഷ്ട്ര അസൈൻമെന്റായിരുന്നു ഇത്, കൃത്യ സമയത്ത് ദുബെ ഫോമിലേക്ക് ഉയർന്നു. 2 അർധസെഞ്ചുറിl അടക്കം 124 റൺസ് നേടിയ പരമ്പരയിലെ ടോപ് സ്‌കോറർ ആയി മാറുകയും ചെയ്തു.പരുക്കുകളാൽ ബുദ്ധിമുട്ടുന്ന ഹാർദിക്കിന് മികച്ച ബാക്കപ്പ് ഓപ്ഷനായി ക്രിക്കറ്റ് പണ്ഡിതന്മാർ ഇതിനകം തന്നെദുബെയെ കണക്കാക്കിയിട്ടുണ്ട്. ഇന്ത്യ ഒരു വിക്കറ്റ് കീപ്പറെ മാത്രം ഉൾപ്പെടുത്തിയാൽ രണ്ട് ഓൾറൗണ്ടർമാരെയും ഉൾക്കൊള്ളാൻ കഴിയുമെന്ന് സഹീർ കരുതുന്നു.
Zaheer Khan feels both Shivam Dube and Hardik Pandya can seal spots in India’s T20 World Cup squadhttps://t.co/degVA9Wppu
— InsideSport (@InsideSportIND) January 18, 2024
” ആറാമത്തെ ബൗളിംഗ് ഓപ്ഷൻ ആവശ്യമാണെന്ന് പറഞ്ഞാൽ ഇന്ത്യക്ക് ഒരു ബാക്കപ്പും ആവശ്യമാണ്.രണ്ട് വിക്കറ്റ് കീപ്പർമാർക്ക് പകരം ഒരു വിക്കറ്റ് കീപ്പറെ എടുത്താൽ മാത്രമേ ഹാർദിക്കിനെയും ശിവം ദുബെയെയും ഒരുമിച്ച് ടീമിൽ കാണാൻ കഴിയൂ,” സഹീർ കൂട്ടിച്ചേർത്തു.ഇന്ത്യയുടെ ടി20 ഐ വൈസ് ക്യാപ്റ്റൻ ഹാർദിക് ഐപിഎൽ 2024 ൽ മടങ്ങിവരുമെന്ന് പ്രതീക്ഷിക്കുന്നു, അവിടെ രോഹിത് ശർമ്മയിൽ നിന്ന് ചുമതലയേറ്റ ശേഷം അദ്ദേഹം മുംബൈ ഇന്ത്യൻസിനെ നയിക്കും.