‘സെൻസേഷണൽ തിരിച്ചുവരവുമായി റിചാലിസൺ’ : ഗോളും അസിസ്റ്റുമായി ടോട്ടൻഹാമിനെ വിജയത്തിലെത്തിച്ച് ബ്രസീലിയൻ സ്‌ട്രൈക്കർ|Richarlison

ഇംഗ്ലീഷ് പ്രീമിയർ ലീഗിൽ ഇന്നലെ ഷെഫീൽഡ് യുണൈറ്റഡിനെതിരെ ടോട്ടൻഹാം ഹോട്സ്പർ എഡ്ജ് ഓഫ് ദി സീറ്റ് ത്രില്ലറിൽ വിജയം കരസ്ഥമാക്കിയിരുന്നു.കളിയുടെ ഭൂരിഭാഗവും പിന്നിൽ നിന്ന ശേഷം ടോട്ടൻഹാം സ്റ്റോപ്പേജ് ടൈമിൽ രണ്ട് ഗോളുകൾ നേടി ഷെഫീൽഡ് യുണൈറ്റഡിനെ 2-1 ന് പരാജയപ്പെടുത്തി.

റിച്ചാർലിസൺ സമനില ഗോൾ നേടിയപ്പോൾ ഡെജാൻ കുലുസെവ്‌സ്‌കി കളിയുടെ അവസാന നിമിഷങ്ങളിൽ വിജയ ഗോൾ നേടി.പ്രീമിയർ ലീഗിൽ തുടർച്ചയായി നാല് മത്സരങ്ങളും സ്പർസ് വിജയിച്ചിട്ടുണ്ട്.80 ആം മിനിറ്റിൽ പകരക്കാരനായി വന്ന് കളിയുടെ ഗതി തിരിച്ചു വിടുകയായിരുന്നു റിച്ചാർലിസൺ. ഇഞ്ചുറി ടൈമിൽ ടോട്ടൻഹാമിന്റെ സമനില ഗോൾ നേടിയ റിച്ചാർലിസൺ കുലുസേവസ്‌കിയുടെ വിജയ ഗോളിന് അസിസ്റ്റ് നൽകുകയും ചെയ്തു.ഈ സീസണിൽ ഇതിന് മുൻപ് കേവലം ഒരു ഗോൾ മാത്രമാണ് ബ്രസീലിയൻ താരത്തിന് നേടാൻ കഴിഞ്ഞത്.

കരബാവോ കപ്പിലായിരുന്നു ഏക ഗോൾ. ബ്രസീലിനായി അടുത്തിടെ നടന്ന രണ്ട് മത്സരങ്ങളിലും താരത്തിനി ഗോൾ നേടാൻ സാധിച്ചിരുന്നില്ല.ഇന്നലത്തെ ഗോളോടെ 50-ലധികം പ്രീമിയർ ലീഗ് ഗോളുകൾ നേടുന്ന മൂന്നാമത്തെ ബ്രസീലിയൻ താരമായി റിച്ചാർലിസൺ.ഷെഫീൽഡ് യുണൈറ്റഡിനെതിരായ അദ്ദേഹത്തിന്റെ സ്ട്രൈക്ക് അദ്ദേഹത്തിന്റെ 50-ാമത്തെ പ്രീമിയർ ലീഗ് ഗോളായിരുന്നു, കൂടാതെ റോബർട്ടോ ഫിർമിനോയ്ക്കും ഗബ്രിയേൽ ജീസസിനും പിന്നിൽ ഈ നേട്ടം കൈവരിക്കുന്ന മൂന്നാമത്തെ ബ്രസീലിയൻ താരമായി.ബ്രസീലുകാർക്കിടയിൽ, 256 PL മത്സരങ്ങളിൽ നിന്ന് 82 ഗോളുകൾ ഫിർമിനോ നേടിയിട്ടുണ്ട്. 70 ലീഗ് ഗോളുകളുമായി (187 മത്സരങ്ങൾ) ആഴ്സണലിന്റെ ജീസസ് രണ്ടാമതാണ്.

ഷെഫീൽഡ് യുണൈറ്റഡിനെതിരായ മത്സരത്തിന്റെ 80-ാം മിനിറ്റിലാണ് റിച്ചാർലിസൺ അവതരിപ്പിച്ചത്.റിച്ചാർലിസണിന് ഒമ്പത് ടച്ചുകൾ ഉണ്ടായിരുന്നു, കൂടാതെ അഞ്ച് ഏരിയൽ ഡ്യുവലുകളിൽ മൂന്നെണ്ണം വിജയിച്ചു. 26 മിനിറ്റിനുള്ളിൽ അദ്ദേഹം ഒരു പ്രധാന പാസ് പൂർത്തിയാക്കി ഒരു ഗോളും അസിസ്റ്റും നൽകി.205 പ്രീമിയർ ലീഗ് മത്സരങ്ങളിൽ നിന്ന് 50 ഗോളുകളും 20 അസിസ്റ്റുകളും റിച്ചാർലിസൺ നേടിയിട്ടുണ്ട്.എവർട്ടണിനായി 135 മത്സരങ്ങളിൽ നിന്ന് 43 ലീഗ് ഗോളുകൾ രജിസ്റ്റർ ചെയ്തപ്പോൾ 36 മത്സരങ്ങളിൽ നിന്ന് വാറ്റ്ഫോർഡിനായി അഞ്ച് ഗോളുകൾ അദ്ദേഹം നേടിയിട്ടുണ്ട്.

സ്പർസിനായി രണ്ട് തവണ വലകുലുക്കി.മൊത്തത്തിൽ 3,974 പാസുകൾ പൂർത്തിയാക്കിയ അദ്ദേഹം പ്രീമിയർ ലീഗിൽ 33 വലിയ അവസരങ്ങൾ സൃഷ്ടിച്ചു.13 ഹെഡറുകളും 13 ഇടങ്കാൽ ഗോളുകളും അദ്ദേഹം നേടിയിട്ടുണ്ട്.2022-23 പ്രീമിയർ ലീഗ് സീസണിൽ 27 മത്സരങ്ങളിൽ നിന്നും ഒരു ഗോൾ മാത്രമാണ് നിസാം സാധിച്ചത്.16 അവസരങ്ങൾ സൃഷ്ടിച്ചപ്പോൾ അദ്ദേഹം മൂന്ന് അസിസ്റ്റുകൾ നേടി.ലോകകപ്പ് യോഗ്യതയിലെ ആദ്യ മത്സരത്തിൽ ബ്രസീൽ ബൊളീവിയയെ 5-1 ന് പരാജയപ്പെടുത്തിയിരുന്നു. മത്സരത്തിൽ ഗോൾ നേടാൻ സാധിക്കാത്ത ഏക ബ്രസീലിയൻ മുന്നേറ്റ നിര താരമായ റിചാലിസനെ 71 മിനിറ്റിനുള്ളിൽ പരിശീലകൻ സബ്സ്റ്റിറ്റൂട്ട് ചെയ്തു.

അതിന് ശേഷം 26 കാരനായ ബ്രസീലിയൻ ബെഞ്ചിലിരുന്ന് കരയുന്ന കാഴ്ചയാണ് കാണാൻ സാധിച്ചത്.ഗോൾ നേടാൻ കഴിയാത്തതിന്റെ നിരാശ പലപ്പോഴും പരസ്യമായി പ്രകടിപ്പിച്ച റിച്ചാർലിസൻ മനശാസ്ത്ര വിദഗ്ധനെ കാണുന്ന കാര്യം ആലോചിക്കുന്നതായി പറഞ്ഞിരുന്നു.“ഞാൻ ഇംഗ്ലണ്ടിലേക്ക് മടങ്ങുകയും ഒരു മനശാസ്ത്രജ്ഞനിൽ നിന്ന് മനഃശാസ്ത്രപരമായ സഹായം തേടുകയും ചെയ്യും .ശക്തമായി തിരിച്ചുവരാൻ ഒരുങ്ങുകയാണ് “അദ്ദേഹം പറഞ്ഞു.ഇന്നലത്തെ ഗോളോടെ പരിശീലകൻ മാനേജർ ആംഗെ പോസ്റ്റെകോഗ്ലോ തന്നിലർപ്പിച്ച വിശ്വാസം കാത്ത് സൂക്ഷിക്കാനും താരത്തിന്റെ ആത്മവിശ്വാസം വർധിപിക്കാനും സഹായിച്ചു.