‘ലോകകപ്പ് 2023 വരാനിരിക്കെ ഇന്ത്യ ബുദ്ധിമുട്ടുള്ള അവസ്ഥയിലൂടെയാണ് കടന്നു പോകുന്നത്’ : ആകാശ് ചോപ്ര
2023ലെ ഏകദിന ലോകകപ്പിന് രണ്ട് മാസം മാത്രം ബാക്കിനിൽക്കെ ഇന്ത്യൻ ടീം ബുദ്ധിമുട്ടുള്ള അവസ്ഥയിലൂടെയാണ് കടന്നു പോകുന്നതെന്ന് മുൻ ബാറ്റർ ആകാശ് ചോപ്ര.പരിക്കുകൾ കാരണം പ്രധാന കളിക്കാരുടെ ലഭ്യതയെ ചുറ്റിപ്പറ്റിയുള്ള നിരവധി ആശങ്കകളും ഇന്ത്യൻ ടീമിനുണ്ട്. സന്തുലിതമായ മധ്യനിര കണ്ടെത്താൻ സാധിക്കാത്തതും മാനേജ്മെന്റ് വലിയ തലവേദനയാണ് നൽകുന്നത്.
നടന്നു കൊണ്ടിരിക്കുന്ന വിൻഡീസ് പര്യടനത്തിൽ നിരവധി പരീക്ഷണങ്ങൾ നടത്തിയെങ്കിലും ഒന്നും പ്രതീക്ഷിച്ച ഫലം കണ്ടിരുന്നില്ല.കെഎൽ രാഹുലിന്റെയും ശ്രേയസ് അയ്യരുടെയും ലഭ്യതയാണ് പ്രധാന ആശങ്കകളിലൊന്ന്. ഹാംസ്ട്രിംഗ് പരിക്ക് ഭേദമാകാൻ കൂടുതൽ സമയം ആവശ്യമുള്ളതിനാൽ കെഎൽ രാഹുലിന് ശ്രീലങ്കയിൽ നടക്കുന്ന ഏഷ്യാ കപ്പിൽ പങ്കെടുക്കാൻ സാധ്യത കാണുന്നില്ല.നടുവേദനയെ തുടർന്ന് ശസ്ത്രക്രിയ ആവശ്യമായി വന്ന ശ്രേയസ് അയ്യർ ലോകകപ്പിൽ പങ്കെടുക്കുമോ എന്ന കാര്യം വ്യക്തമല്ല.
ഈ താരങ്ങളുടെ തിരിച്ചുവരവിന് വ്യക്തമായ സമയക്രമം ഇല്ലാത്തത് ടീം മാനേജ്മെന്റിനെ പ്രതിസന്ധിയിലാക്കിയിട്ടുണ്ട്. അവരുടെ പങ്കാളിത്തം സംശയാസ്പദമായതിനാൽ, മാനേജ്മെന്റ് മറ്റ് ഓപ്ഷനുകൾ പരീക്ഷിക്കാൻ നിര്ബന്ധിതരായിരിക്കുകയാണ്. ഇത് വെസ്റ്റ് ഇൻഡീസിനെതിരെയുള്ള ഏകദിന പരമ്പരയിൽ സാക്ഷ്യം വഹിച്ച പരീക്ഷണത്തിലേക്ക് നയിച്ചു.പ്രധാന കളിക്കാരുടെ അഭാവത്തിൽ ശരിയായ കോമ്പിനേഷൻ കണ്ടെത്താൻ ശ്രമിക്കുന്ന ഇന്ത്യൻ ക്രിക്കറ്റ് ടീമിന് ശ്രീലങ്കയിൽ നടക്കാനിരിക്കുന്ന ഏഷ്യാ കപ്പ് ഒരു നിർണായക പരീക്ഷണ വേദിയാകും.പരീക്ഷണം കാരണം പലരിൽ നിന്നും വിമര്ശനം ഉയർന്നു വന്നേക്കാം
രാഹുലിന്റെയും അയ്യരുടെയും ലഭ്യതയെ ചുറ്റിപ്പറ്റിയുള്ള അനിശ്ചിതത്വത്തിന്റെ ഫലമായാണ് ഇത് കാണപ്പെടുന്നത്.ഏകദിന ലോകകപ്പ് അടുത്തുവരുമ്പോൾ, പുതിയ കളിക്കാരെ പരീക്ഷിക്കുന്നതിനും ലൈനപ്പിൽ സ്ഥിരത ഉറപ്പാക്കുന്നതിനും ഇടയിൽ ഇന്ത്യൻ ടീം സന്തുലിതാവസ്ഥ കണ്ടെത്തണം. ടൂർണമെന്റിൽ കെഎൽ രാഹുലും ശ്രേയസ് അയ്യരും തിരിച്ചുവരുമെന്ന് പ്രതീക്ഷ അവശേഷിക്കുന്നു. മധ്യനിരയിൽ ഇവർക്ക് പകരം പരീക്ഷിച്ച സഞ്ജുവിനും സുര്യക്കും ഏകദിനത്തിൽ സ്ഥിരതയാർന്ന പ്രകടനം പുറത്തെടുക്കാൻ സാധിച്ചിരുന്നില്ല. ഈയൊരു സാഹച്ചര്യത്തിൽ അയ്യരുടെയും രാഹുലിന്റെയും തിരിച്ചു വരവ് മാത്രമായിരിക്കും വേൾഡ് കപ്പിൽ ആരാധകർ പ്രതീക്ഷിക്കുന്നത്.
