‘സുൽത്താൻ ഓഫ് സീം’: വേൾഡ് കപ്പിൽ മുഹമ്മദ് ഷമി പുറത്തെടുക്കുന്ന അവിശ്വസനീയമായ പ്രകടനം |World Cup 2023 |Mohammed Shami
മൂന്ന് എഡിഷനുകളിലായി 13 ഐസിസി ക്രിക്കറ്റ് ഏകദിന ലോകകപ്പ് മത്സരങ്ങളിൽ നിന്ന് 40 വിക്കറ്റ് എന്നത് അതിശയകരമാണ്.അതായത് ഒരു കളിയിൽ ശരാശരി മൂന്നിൽ കൂടുതൽ വിക്കറ്റുകൾ. ഓരോ 16.9 പന്തിലും മുഹമ്മദ് ഷമി ഏകദിന ലോകകപ്പ് വിക്കറ്റ് വീഴ്ത്തി.
ഷമിയുടെ ബൗളിങ്ങിൽ ഒരിക്കലും ആർക്കും സംശയമുണ്ടായിരുന്നില്ല. ഇന്ത്യയുടെ ഏറ്റവും പരിചയസമ്പന്നനായ സ്വിംഗ് ബൗളർമാരിൽ ഒരാളും മാച്ച് വിന്നറുമായ 33 കാരനായ ഷമി ഈ ഐസിസി ലോകകപ്പിൽ ഇതുവരെ രണ്ട് മത്സരങ്ങളിൽ നിന്ന് ഒമ്പത് വിക്കറ്റുകൾ നേടിയിട്ടുണ്ട്. ന്യൂസിലൻഡിനെതിരെ 54 റൺസിന് അഞ്ച് വിക്കറ്റ് വീഴ്ത്തിയ അദ്ദേഹം ഇംഗ്ലണ്ടിനെതിരെ ഏഴ് ഓവറിൽ 22 റൺസിന് 4 വിക്കറ്റ് വീഴ്ത്തി ഇന്ത്യയുടെ വിജയത്തിൽ നിർണായക വിജയം നേടിക്കൊടുത്തു. ഇംഗ്ലണ്ടിനെതിരെ 229 റൺസിന്റെ മിതമായ സ്‌കോർ പ്രതിരോധിക്കുന്നതിനിടയിൽ ലഖ്‌നൗവിൽ ഇന്ത്യ 100 റൺസിന്റെ വിജയത്തിലേക്ക് കുതിച്ചപ്പോൾ ഷമി ബൗളിംഗ് ഹീറോയായിരുന്നു.
Mohammed Shami's performance in ODI World Cups has been exceptional; he has gone wicketless in only one of his 13 matches. pic.twitter.com/rhk3DDRs6Q
— CricTracker (@Cricketracker) October 30, 2023
ഒരാഴ്ച മുമ്പ് ന്യൂസിലൻഡിനെതിരെ ചെയ്തതുപോലെ ഷമി ഇംഗ്ലീഷുകാരോട് ചെയ്തു.അപകടകാരിയായ ബെൻ സ്റ്റോക്‌സിനെ പൂജ്യത്തിന് ക്ലീൻ ബൗൾഡാക്കിയ രീതി ടൂർണമെന്റിലെ ഏറ്റവും മികച്ച പുറത്താക്കലുകളിൽ ഒന്നായിരിക്കണം.കാരണം അത് മൈൻഡ് ഗെയിമിന്റെ വിജയം കൂടിയായിരുന്നു. മത്സരത്തിൽ 7 ഓവറുകൾ ബൗൾ ചെയ്ത ഷമി 22 റൺസ് വഴങ്ങി നാല് വിക്കറ്റു വീഴ്ത്തി.2 മെയ്ഡനുകളും അദ്ദേഹത്തിന്റെ കണക്കുകളായിരുന്നു,ലോകകപ്പിലെ തന്റെ ആറാമത്തെ നാല് വിക്കറ്റ് നേട്ടമായിരുന്നു ഷമി ഇന്നലെ ആഘോഷിച്ചത്.നടന്നുകൊണ്ടിരിക്കുന്ന ടൂർണമെന്റിൽ പവർ പാക്ക്ഡ് ഇന്ത്യൻ ബൗളിംഗ് നിരയിൽ ആദ്യ ചോയ്സ് സ്റ്റാർട്ടർ ആയിരുന്നില്ല ഷമി.
Mohammed Shami's World Cup record is simply incredible 🌟 #CWC23 pic.twitter.com/pWjgOnAzjO
— ESPNcricinfo (@ESPNcricinfo) October 29, 2023
ആദ്യ മൂന്ന് മത്സരങ്ങളിൽ മൂന്നാം സീമറായി ഷാർദുൽ താക്കൂറിനെ ഇന്ത്യ തിരഞ്ഞെടുത്തു. കണങ്കാലിന് പരിക്കേറ്റ് ഹാർദിക് പാണ്ഡ്യ കളിക്കളത്തിൽ നിന്ന് വിട്ടുനിന്നപ്പോഴാണ് ഷമി രംഗത്തെത്തിയത്.ലോകകപ്പിലെ എക്കാലത്തെയും മികച്ച 10 വിക്കറ്റ് വേട്ടക്കാരുടെ പട്ടികയിൽ ഷമിയെക്കാൾ മികച്ച ബൗളിംഗ് ശരാശരി (14.07) മറ്റാരുമില്ല. ലോകകപ്പിൽ വെറും 13 മത്സരങ്ങളിൽ നിന്നാണ് 33 കാരൻ 40 വിക്കറ്റ് നേടിയത്.
1996-2007 വരെ 39 ലോകകപ്പ് മത്സരങ്ങളിൽ നിന്ന് 71 വിക്കറ്റുകൾ നേടിയ ഓസ്‌ട്രേലിയൻ ഇതിഹാസം ഗ്ലെൻ മഗ്രാത്താണ് ലോകകപ്പിൽ ഏറ്റവും കൂടുതൽ വിക്കറ്റ് നേടിയത്.ഷമി നിലവിൽ 11-ാം സ്ഥാനത്താണ്.സഹീർ ഖാനും ജവഗൽ ശ്രീനാഥിനും ശേഷം ലോകകപ്പിലെ ഏറ്റവും മികച്ച മൂന്നാമത്തെ ഇന്ത്യൻ ബൗളറായ മുഹമ്മദ് ഷമി.
