മിച്ചൽ സ്റ്റാർക്കിനെ പിന്നിലാക്കി ഏകദിനത്തിൽ ഏറ്റവും വേഗത്തിൽ 100 വിക്കറ്റ് തികയ്ക്കുന്ന ഫാസ്റ്റ് ബൗളറായി ഷഹീൻ അഫ്രീദി |World Cup 2023

കൊൽക്കത്തയിലെ ഈഡൻ ഗാർഡൻസിൽ ബംഗ്ലാദേശിനെതിരായ ഐസിസി ലോകകപ്പ് 2023 ലീഗ് മത്സരത്തിനിടെ പാകിസ്ഥാൻ യുവ പേസർ ഷഹീൻ ഷാ അഫ്രീദി വമ്പൻ റെക്കോർഡ് സ്വന്തമാക്കിയിരിക്കുകയാണ്.ഏറ്റവും വേഗത്തിൽ 100 ഏകദിന വിക്കറ്റുകൾ തികയ്ക്കുന്ന ഫാസ്റ്റ് ബൗളറായി അഫ്രിഡി മാറി.

51 മത്സരങ്ങളിൽ നിന്നാണ് അഫ്രീദി നാഴികക്കല്ലിലെത്തിയത്.ബംഗ്ലാദേശിനെതിരെ തന്റെ ആദ്യ വിക്കറ്റ് നേടിയാണ് അദ്ദേഹം ഈ നാഴികക്കല്ലിൽ എത്തിയത്.2018ൽ ഏകദിനത്തിൽ അരങ്ങേറ്റം കുറിച്ച ഷഹീൻ വിക്കറ്റ് വീഴ്ത്തുന്ന യന്ത്രമായി മാറിയിരിക്കുകയാണ്.52 മത്സരങ്ങളിൽ നിന്നും 100 വിക്കറ്റ് എടുത്ത ഓസ്‌ട്രേലിയയുടെ മിച്ചൽ സ്റ്റാർക്കിനെയാണ് ഇടങ്കയ്യൻ സ്പീഡ്സ്റ്റർ മറികടന്നത്.മുൻ ഓഫ് സ്പിന്നർ സഖ്‌ലെയ്ൻ മുഷ്താഖാണ് ഏറ്റവും വേഗത്തിൽ ഈ നേട്ടം സ്വന്തമാക്കിയ മുൻ പാകിസ്ഥാൻ ബൗളർ (53 മത്സരങ്ങൾ).

ഏറ്റവും വേഗത്തിൽ 100 ഏകദിന വിക്കറ്റുകൾ തികയ്ക്കുന്ന മൂന്നാമത്തെ ബൗളറാണ് ഷഹീൻ. യഥാക്രമം 42, 44 മത്സരങ്ങൾ നേടിയ നേപ്പാൾ ലെഗ് സ്പിന്നർ സന്ദീപ് ലാമിച്ചനെ, അഫ്ഗാനിസ്ഥാൻ ലെഗ് സ്പിന്നർ റാഷിദ് ഖാൻ എന്നിവർക്ക് മാത്രമാണ് അദ്ദേഹത്തിന് മുന്നിലുള്ളത്.സ്റ്റാർക്ക് ഇപ്പോൾ നാലാം സ്ഥാനത്തേക്ക് പിന്തള്ളപ്പെട്ടു.പാകിസ്ഥാന് വേണ്ടി ഏകദിന വിക്കറ്റുകളിൽ സെഞ്ച്വറി തികയ്ക്കുന്ന 21-ാമത്തെ ബൗളറായി ഷഹീൻ മാറി. ഏകദിനത്തിൽ ആറ് നാല് വിക്കറ്റുകളും മൂന്ന് ഫിഫറുകളും ഷഹീൻ നേടിയിട്ടുണ്ട്.

ഏകദിനത്തിൽ ഏറ്റവും വേഗത്തിൽ 100 വിക്കറ്റ് തികച്ച പാകിസ്ഥാൻ ബൗളർ :-

1) ഷഹീൻ അഫ്രീദി – 51 മത്സരങ്ങൾ
2) സഖ്‌ലെയ്ൻ മുഷ്താഖ് – 53 മത്സരങ്ങൾ
3) വഖാർ യൂനിസ് – 59 മത്സരങ്ങൾ
4) ഷോയിബ് അക്തർ – 60 മത്സരങ്ങൾ
5) നവേദ്-ഉൽ-ഹസൻ – 65 മത്സരങ്ങൾ

ഏകദിനത്തിൽ ഏറ്റവും വേഗത്തിൽ 100 വിക്കറ്റ് തികച്ച ഫാസ്റ്റ് ബൗളർ :-

1) ഷഹീൻ അഫ്രീദി – 51 മത്സരങ്ങൾ
2) മിച്ചൽ സ്റ്റാർക്ക് – 52 മത്സരങ്ങൾ
3) ഷെയ്ൻ ബോണ്ട് – 54 മത്സരങ്ങൾ
4) മുസ്തഫിസുർ റഹ്മാൻ – 54 മത്സരങ്ങൾ
5) ബ്രെറ്റ് ലീ – 55 മത്സരങ്ങൾ