‘ഡൽഹിക്കെതിരായ മത്സരത്തിൽ എംഎസ് ധോണി സിക്സർ പറത്തി സിഎസ്‌കെയെ വിജയിപ്പിക്കും’ : പ്രവചനവുമായി മൈക്കൽ ഹസി | MS Dhoni | IPL 2024

ഐപിഎൽ 2024ലെ തങ്ങളുടെ മൂന്നാം മത്സരത്തിൽ ഡൽഹി ക്യാപിറ്റൽസ് ചെന്നൈ സൂപ്പർ കിംഗ്‌സിനെ നേരിടും. ഡൽഹി തങ്ങളുടെ ആദ്യ ജയം തേടുമ്പോൾ 17-ാം സീസണിൽ തോൽവി അറിയാതെ മുന്നേറുകയാണ് ചെന്നൈ.റിക്കി പോണ്ടിംഗ് ഡൽഹി ക്യാപിറ്റൽസിൻ്റെ മുഖ്യ പരിശീലകനാണ്, അദ്ദേഹത്തിൻ്റെ മുൻ ഓസ്‌ട്രേലിയൻ സഹതാരം മൈക്കൽ ഹസി ബാറ്റിംഗ് കോച്ചായി സിഎസ്‌കെയിലുണ്ട്.

ഇന്ന് വിശാഖപട്ടണത്തി നടക്കുന്ന മത്സരത്തിൽ എംഎസ് ധോണി സിക്സർ പറത്തി സിഎസ്‌കെയെ വിജയിപ്പിക്കുമെന്ന് മൈക്കൽ ഹസി പറഞ്ഞു.“എംഎസ് ധോണി ഇന്ന് ബാറ്റിംഗിന് ഇറങ്ങുമെന്ന് എനിക്ക് ഉറപ്പുണ്ട്. കാണികൾ അവനുവേണ്ടി ആരവമുയർത്തും.മത്സരം പൂർത്തിയാക്കാൻ അദ്ദേഹം ഒരു സിക്‌സ് അടിക്കും,” മൈക്കൽ ഹസി ഐപിഎല്ലിൻ്റെ ഔദ്യോഗിക സോഷ്യൽ മീഡിയ പേജ് പുറത്തുവിട്ട വീഡിയോയിൽ പറഞ്ഞു.ഇന്ത്യൻ പ്രീമിയർ ലീഗിൻ്റെ നിലവിലെ സീസണിൽ ധോണി ഇതുവരെ ചെന്നൈയ്‌ക്കായി ബാറ്റ് ചെയ്‌തിട്ടില്ല.ആരാധകർ ആകാംക്ഷയോടെ തങ്ങളുടെ പ്രിയപ്പെട്ട “തല” മൈതാനത്തിറങ്ങി ബാറ്റു വീശുന്ന നിമിഷം കാത്തിരിക്കുകയാണ്.

ക്യാപ്റ്റൻ ഋഷഭ് പന്ത് ഡൽഹിക്ക് വിജയം നേടികൊടുക്കുമെന്ന് റിക്കി പോണ്ടിംഗ് പറഞ്ഞു.”അവസാന ഓവറിൽ ഋഷഭ് പന്ത് ബാറ്റ് ചെയ്യുന്നത് കാണാൻ ഞാൻ ആഗ്രഹിക്കുന്നു. ഡൽഹിക്ക് ജയിക്കാൻ 12 റൺസ് ബാക്കിയിരിക്കെ, അവസാന പന്തിൽ ഋഷഭ് പന്ത് ബൗണ്ടറി പറത്തി വിജയം നേടിക്കൊടുത്തു. ആരാധകർ കാണാൻ ആഗ്രഹിക്കുന്ന കഥയാണിത്. ചെന്നൈ സൂപ്പർ കിംഗ്‌സിൻ്റെ പിന്തുണക്കാർക്ക് വിപരീതമായ കഥയുണ്ടെന്ന് എനിക്ക് ഉറപ്പുണ്ട്,” പോണ്ടിംഗ് പറഞ്ഞു.

ലീഗിൽ സിഎസ്‌കെ വിജയക്കുതിപ്പ് തുടരുമെന്നും ഹസി പറഞ്ഞു. “മത്സരം ജയിക്കാൻ ഡൽഹിക്ക് അതിയായ ആഗ്രഹമുണ്ട്. അവർ അവരുടെ അക്കൗണ്ട് തുറക്കാൻ ആഗ്രഹിക്കുന്നു. എന്നിരുന്നാലും, ഞങ്ങളുടെ ശ്രദ്ധ വൈദഗ്ധ്യത്തിലും അവ എങ്ങനെ നിർവഹിക്കാം എന്നതിലും ആയിരിക്കും. ആഗ്രഹിച്ച ഫലം ലഭിക്കുമെന്ന് ഞാൻ കരുതുന്നു,” ഹസി പറഞ്ഞു.