ചെന്നൈ സൂപ്പർ കിംഗ്സിനെതിരായ തകർപ്പൻ പ്രകടനത്തിന് യുവരാജ് സിംഗിന് നന്ദി പറഞ്ഞ് അഭിഷേക് ശർമ്മ | IPL2024

ഹൈദരാബാദിലെ രാജീവ് ഗാന്ധി ഇൻ്റർനാഷണൽ സ്റ്റേഡിയത്തിൽ ഇന്നലെ നടന്ന ഇന്ത്യൻ പ്രീമിയർ ലീഗ് മത്സരത്തിൽ ചെന്നൈ സൂപ്പർ കിംഗ്‌സിനെതിരെ ആറു വിക്കറ്റിന്റെ തകർപ്പൻ ജയമാണ് സൺറൈസേഴ്‌സ് ഹൈദരാബാദ് നേടിയത്.ആദ്യം ബാറ്റ് ചെയ്‌ത ചെന്നൈയെ 165 റണ്‍സില്‍ പിടിച്ച് കെട്ടിയ ആതിഥേയര്‍ 18.1 ഓവറില്‍ നാല് വിക്കറ്റ് മാത്രം നഷ്‌ടത്തില്‍ ലക്ഷ്യം നേടിയെടുക്കുകയായിരുന്നു.

37 റൺസ് നേടിയ ഓൾറൗണ്ടർ അഭിഷേക് ശർമ്മയുടെ മിന്നുന്ന പ്രകടനമാണ് ഹൈദരാബാദിന് വിജയമൊരുക്കിയത്. മത്സര ശേഷം അഭിഷേക് ശർമ്മ തൻ്റെ പിതാവിനും ഇന്ത്യയുടെ ഇതിഹാസ ഓൾറൗണ്ടർ യുവരാജ് സിങ്ങിനും പരിശീലകനുമായ ബ്രയാൻ ലാറക്കും നന്ദി പറഞ്ഞിരിക്കുകയാണ്.നേരത്തെ മുംബൈ ഇന്ത്യൻസിനെതിരെ 16 പന്തിൽ അർധസെഞ്ചുറി നേടിയതിന് ശേഷം യുവരാജ് സിംഗ് താരത്തെ അഭിനന്ദിച്ചിരുന്നു.

“ബൗളിംഗിൽ ഇത് കുറച്ച് സ്ലോ വിക്കറ്റാണെന്ന് ഞങ്ങൾക്ക് തോന്നി. പവർപ്ലേ ഓണാക്കിയാൽ അത് കഴിഞ്ഞാൽ ഫ്ലോയുമായി പോകാമെന്ന് ഞങ്ങൾക്കറിയാമായിരുന്നു. ഈ ഐപിഎല്ലിന് മുമ്പ് നന്നായി തയ്യാറെടുക്കാൻ ഞങ്ങൾക്ക് അവസരമുണ്ടായിരുന്നു. വലിയ സ്‌കോറുകൾക്ക് പ്രാധാന്യമുണ്ട് (വ്യക്തിഗത സ്‌കോറുകൾ), എന്നാൽ ഞാൻ ഇന്ന് ഒഴുക്കിനൊപ്പം പോയി. ഇതിന് യുവി പാജിക്കും ബ്രയാൻ ലാറയ്ക്കും എൻ്റെ പിതാവിനും പ്രത്യേക നന്ദി, ”അഭിഷേക് പറഞ്ഞു.

SRH-ന് വേണ്ടി ഏറ്റവും വേഗമേറിയ ഫിഫ്റ്റി നേടിയ ശേഷം അഭിഷേകിൻ്റെ ഈ സീസണിലെ രണ്ടാമത്തെ പ്ലെയർ ഓഫ് ദ മാച്ച് അവാർഡായിരുന്നു ഇത്.SRH-ന് വേണ്ടി ഇതുവരെ 4 മത്സരങ്ങളിൽ നിന്ന് 161 റൺസ് നേടിയ അഭിഷേക് സ്ഥിരതയാർന്ന പ്രകടനങ്ങൾ കാഴ്ചവച്ചു.ഹോം ഗ്രൗണ്ടിൽ SRH ൻ്റെ തുടർച്ചയായ രണ്ടാം വിജയമാണിത്, മുംബൈ ഇന്ത്യൻസിനെതിരായ മത്സരത്തിൽ ഐപിഎൽ ചരിത്രത്തിലെ എക്കാലത്തെയും ഉയർന്ന സ്‌കോറും രേഖപ്പെടുത്തി.

നിലവിലെ ചാമ്പ്യൻമാരായ സിഎസ്‌കെക്ക് ഐപിഎല്ലിലെ തുടർച്ചയായ രണ്ടാം മത്സരവും തോറ്റു, എസ്ആർഎച്ചും സിഎസ്‌കെയും ഇപ്പോൾ പോയിൻ്റ് പട്ടികയിൽ യഥാക്രമം അഞ്ചാം സ്ഥാനത്തും മൂന്നാം സ്ഥാനത്തുമാണ്.ഏപ്രിൽ 9 ന് പഞ്ചാബിലെ മഹാരാജ യാദവീന്ദ്ര സിംഗ് ക്രിക്കറ്റ് സ്റ്റേഡിയത്തിൽ SRH പഞ്ചാബ് കിംഗ്സിനെ നേരിടും.