ഇന്ത്യൻ ക്രിക്കറ്റിൻ്റെ ഭാവി താരമാകാനുള്ള കഴിവ് ശുഭം ദുബെക്കുണ്ടെന്ന് രാജസ്ഥാൻ റോയൽസ് ക്യാപ്റ്റൻ സഞ്ജു സാംസൺ | IPL2024

വർഷങ്ങളായി, അന്താരാഷ്ട്ര മത്സരങ്ങളിൽ രാജ്യത്തെ പ്രതിനിധീകരിക്കുന്ന മികച്ച കളിക്കാരെ രാജസ്ഥാൻ റോയൽസ് സൃഷ്ടിച്ചു.യശസ്വി ജയ്‌സ്വാളും ധ്രുവ് ജുറലും ദേശീയ ടീമിനെ മികച്ച രീതിയിൽ സേവിക്കുന്ന റോയൽസിൻ്റെ ഏറ്റവും പുതിയ ഉൽപ്പന്നങ്ങളാണ്.റിയാൻ പരാഗ് തൻ്റെ സമീപകാല ശ്രദ്ധേയമായ പ്രകടനത്തിന്റെ അടിസ്ഥാനത്തിൽ ടീം ഇന്ത്യയുടെ പടിവാതിലിലാണുള്ളത്.ഇന്ത്യൻ ക്രിക്കറ്റിൻ്റെ ഭാവി താരങ്ങളാകാൻ സാധ്യതയുള്ള ശുഭം ദുബെ ഉൾപ്പെടെ കുറച്ച് യുവാക്കൾ സഞ്ജു സാംസൺ നായകനായ രാജസ്ഥാൻ റോയൽസിലുണ്ട്.

“രണ്ട് സീസണുകൾക്ക് മുമ്പ്, യശസ്വി ഉയർന്നു വരുന്ന ഒരു കളിക്കാരൻ മാത്രമായിരുന്നു, എന്നാൽ ഇപ്പോൾ ക്രിക്കറ്റിൻ്റെ എല്ലാ തലങ്ങളിലും ടൺ കണക്കിന് റൺസ് സ്‌കോർ ചെയ്‌ത് അദ്ദേഹം സ്വയം ഒന്നാമതെത്തിയിരിക്കുന്നു. ശുഭം പുതിയവനും കഴിവുള്ളവനുമാണ്. ഈ ഐപിഎൽ സീസൺ അവസാനിക്കുമ്പോൾ ശുഭമും യശസ്വിയെയും ധ്രുവിനെയും പോലെ ഒരു താരമാകുമെന്ന് ഉറപ്പാക്കാൻ ഞാൻ ശ്രമിക്കും.ഉയരങ്ങളിൽ എത്താനുള്ള കഴിവ് അദ്ദേഹത്തിനുണ്ട് അതിനാലാണ് ഞങ്ങൾ അവനെ തിരഞ്ഞെടുത്തത്, ”സാംസൺ പറഞ്ഞു.

ഇതുവരെ ശുഭം കളിച്ചത് ഒരു മത്സരം മാത്രമാണ്,പ്രിൽ ഒന്നിന് മുംബൈയിലെ വാങ്കഡെ സ്റ്റേഡിയത്തിൽ റോയൽസ് മുംബൈ ഇന്ത്യൻസിനെ 6 വിക്കറ്റിന് പരാജയപ്പെടുത്തിയപ്പോലാണത്.ഒരു ഇംപാക്റ്റ് പ്ലെയറായി അരങ്ങേറ്റം കുറിച്ച 29-കാരനായ ശുഭം, ആറ് പന്തിൽ 8 റൺസുമായി പുറത്താകാതെ നിന്നു.“ഈ ഫോർമാറ്റിൽ മികവ് പുലർത്താൻ ശുഭമിന് കഴിവുണ്ടെന്ന് ഞങ്ങൾ വിശ്വസിക്കുന്നു. അതാണ് കഴിഞ്ഞ ലേലത്തിൽ ഞങ്ങൾ അവനെ വാങ്ങിയത്. നാഗ്പൂരിനടുത്തുള്ള ഞങ്ങളുടെ ഹൈ-പെർഫോമൻസ് സെൻ്ററിൽ നടന്ന പ്രീ-ടൂർണമെൻ്റ് ക്യാമ്പുകളിൽ ഞങ്ങളുടെ പരിശീലകരും സപ്പോർട്ട് സ്റ്റാഫും കഴിഞ്ഞ കുറച്ച് മാസങ്ങളായി അദ്ദേഹത്തിൻ്റെ ബാറ്റിംഗിൽ വളരെ കഠിനാധ്വാനം ചെയ്തിട്ടുണ്ട്. അദ്ദേഹത്തിൻ്റെ ബാറ്റിംഗ് മെച്ചപ്പെടുത്താൻ ഞങ്ങൾ ധാരാളം സമയവും ഊർജവും ചെലവഴിച്ചു. ഞങ്ങൾക്ക് ആവശ്യമുള്ളപ്പോൾ ഞങ്ങൾ അവനെ ഉപയോഗിക്കും, ”സാംസൺ പറഞ്ഞു.

കഴിഞ്ഞ സയ്യിദ് മുഷ്താഖ് അലി ടി20 ട്രോഫിയിൽ വിദർഭയ്‌ക്കായി 190 സ്‌ട്രൈക്ക് റേറ്റിൽ ഏഴ് ഇന്നിംഗ്‌സുകളിൽ നിന്ന് 221 റൺസാണ് ശുഭം നേടിയത്. ബംഗാളിനെതിരായ വിദർഭയുടെ എക്കാലത്തെയും ഉയർന്ന വിജയമായ 213 റൺസ് ചേസിംഗിൽ അദ്ദേഹം വെറും 20 പന്തിൽ 58 റൺസ് അടിച്ചെടുത്തു.