സഞ്ജു സാംസന്റെ മിന്നുന്ന ഫോമും ഇന്ത്യയുടെ ടി 20 ലോകകപ്പ് പ്രതീക്ഷകളും | Sanju Samson
ഐപിഎൽ 2024-ൽ രാജസ്ഥാൻ റോയൽസ് നായകൻ സഞ്ജു സാംസൺ തകർപ്പൻ പ്രകടനമാണ് നടത്തിയത്. ബാറ്റിങ്ങിലും വിക്കറ്റ് കീപ്പിങ്ങിലും ക്യാപ്റ്റൻസിയിലും മികച്ച പ്രകടനമാണ് സാംസൺ കാഴ്ചവെച്ചത്. അദ്ദേഹത്തിൻ്റെ പ്രകടനം കണ്ട് ടി20 ലോകകപ്പിനുള്ള ഇന്ത്യൻ ടീമിൽ ഉൾപ്പെടുത്തിയിട്ടുണ്ട്. ഇന്ത്യൻ പ്രീമിയർ ലീഗിലെ മികച്ച പ്രകടനമാണ് സഞ്ജുവിന് ഇന്ത്യൻ ടീമിൽ ഇടം നേടിക്കൊടുത്തത്.
രാജസ്ഥാൻ ക്യാപ്റ്റൻ തൻ്റെ ഐപിഎൽ കരിയറിലെ ഏറ്റവും മികച്ച സീസണാണ് രേഖപ്പെടുത്തിയത്. ഈ വർഷത്തിന് മുമ്പ്, 2021 ൽ 14 മത്സരങ്ങളിൽ നിന്ന് 484 റൺസ് നേടിയതാണ് സാംസണിൻ്റെ ഇതുവരെയുള്ള ഏറ്റവും മികച്ച ഐപിഎൽ സീസൺ. ഇന്നലത്തെ മത്സരത്തിൽ മറികടക്കാൻ 14 റൺസ് കൂടി സഞ്ജുവിന് വേണമായിരുന്നു. അത് സഞ്ജു നേടിയെങ്കിലും തൊട്ടടുത്ത പന്തിൽ തന്നെ അദ്ദേഹം പുറത്തായി.ഈ സീസണിൽ 12 മത്സരങ്ങളിൽ നിന്ന് 67.29 ശരാശരിയിലും 163.54 സ്‌ട്രൈക്ക് റേറ്റിലും 485 റൺസാണ് സാംസണിൻ്റെ സമ്പാദ്യം.
ചെന്നൈ സൂപ്പർ കിങ്‌സിനെതിരെ മികച്ച ഫോം പുറത്തെടുക്കാൻ കഴിയാതെ സിമർജീത് സിങ്ങിൻ്റെ പന്തിൽ പുറത്തായി. 19 പന്തിൽ 15 റൺസാണ് താരം നേടിയത്. ഒരു ബൗണ്ടറി പോലും അടിക്കാനായില്ല. ഈ ഇന്നിംഗ്‌സിൽ പരാജയപ്പെട്ടെങ്കിലും സാംസൺ ഫോമിലല്ലെന്ന് പറയാനാകില്ല. അദ്ദേഹം മികച്ച ഫോമിലാണ്, ടി20 ലോകകപ്പിൽ ടീം ഇന്ത്യക്ക് ഇത് പ്രയോജനപ്പെടുത്താം.ടി20 ലോകകപ്പിൽ സാംസണിൻ്റെ ഫോം ടീം ഇന്ത്യയിൽ ഒരു പ്രധാന ഘടകമായിരിക്കും. തിരിച്ചുവരവ് മുതൽ മികച്ച ഫോമിലുള്ള ഋഷഭ് പന്തുമായി വിക്കറ്റ് കീപ്പർ-ബാറ്റ്സ്മാൻ റോളിനായി അദ്ദേഹം മത്സരിക്കും.
എന്നിരുന്നാലും, ഈ സീസണിൽ സാംസണിൻ്റെ റൺസ് അവഗണിക്കുന്നത് രോഹിത് ശർമ്മയ്ക്ക് ബുദ്ധിമുട്ടായിരിക്കും. 29 കാരനായ താരം ടി20 ലോകകപ്പിൽ വിജയിക്കുമെന്ന് വിശ്വസിക്കുന്ന രാജസ്ഥാൻ ക്രിക്കറ്റ് ഡയറക്ടർ കുമാർ സംഗക്കാരയുടെ പിന്തുണയും സാംസണിന് ലഭിച്ചിട്ടുണ്ട്.” സഞ്ജു ഒരു പ്രത്യേക കളിക്കാരനാണ്. അവൻ ഫ്രഷും ഫോക്കസും ആയിരിക്കുമ്പോൾ ഒന്നും ചെയ്യാൻ കഴിയില്ല. വിനയാന്വിതനും ഡൗൺ ടു എർത്ത് ആയതിനാൽ സോഷ്യൽ മീഡിയയിൽ അതികം കാണാൻ സാധിക്കില്ല.മിലെ മറ്റുള്ളവരുടെ കാര്യം ശ്രദ്ധിക്കുന്നു. കഴിവും നൈപുണ്യവും കൂടാതെ ഇവ മികച്ച ഗുണങ്ങളാണ്. ലോകകപ്പിന് പോകുന്ന ടീമിൽ അദ്ദേഹം പ്രധാനിയായിരിക്കുമെന്ന് ഞാൻ കരുതുന്നു” സംഗക്കാര പറഞ്ഞു.
