‘സഞ്ജു സാംസണേക്കാൾ മികച്ച വിക്കറ്റ് കീപ്പറാണ് ഋഷഭ് പന്ത്’: സുനിൽ ഗവാസ്‌കർ | Sanju Samson
2024ലെ ടി20 ലോകകപ്പിൽ അയർലൻഡിനെതിരായ ഓപ്പണിംഗ് മത്സരത്തിൽ റിഷഭ് പന്ത് ഇന്ത്യയുടെ ആദ്യ ഇലവനിൽ ഇടംപിടിക്കുമെന്ന് മുൻ ഇന്ത്യൻ ക്രിക്കറ്റ് താരം സുനിൽ ഗവാസ്‌കർ അഭിപ്രായപ്പെടുന്നു. പന്തും സാംസണും വിക്കറ്റ് കീപ്പർമാരായി വേൾഡ് കപ്പ് ടീമിൽ ഇടം നേടിയിട്ടുണ്ട്.ബംഗ്ലാദേശിനെതിരെയുള്ള സന്നാഹ മത്സരത്തിൽ ഓപ്പണറായി ഇറങ്ങിയ സഞ്ജു പരാജയപ്പെട്ടപ്പോൾ അർദ്ധ സെഞ്ചുറിയുമായി പന്ത് മികച്ച പ്രകടനം പുറത്തെടുത്തു.
തൻ്റെ ഇന്നിംഗ്‌സിൽ നാല് ഫോറുകളും അത്രയും സിക്‌സറുകളും അടിച്ചു.രോഹിത് ശർമ്മയ്‌ക്കൊപ്പം ഓപ്പൺ ചെയ്തപ്പോൾ 1 (6) മാത്രം സ്‌കോർ ചെയ്‌ത സാംസൺ ബാറ്റിംഗിൽ മതിപ്പുളവാക്കുന്നതിൽ പരാജയപ്പെട്ടു. പന്ത് സാംസണേക്കാൾ മികച്ച വിക്കറ്റ് കീപ്പറായതിനാൽ ഇന്ത്യക്ക് കളിക്കാൻ സാധ്യതയുണ്ടെന്ന് കളിയ്ക്ക് ശേഷം സുനിൽ ഗവാസ്‌കർ പറഞ്ഞു.സാംസണിൻ്റെ സമീപകാല കുറഞ്ഞ സ്‌കോറുകൾ പന്തിന് അനുകൂലമായി ബാലൻസ് മാറ്റുന്നുണ്ടെന്നും മുൻ താരം പറഞ്ഞു.
“വിക്കറ്റ് കീപ്പിംഗ് കഴിവുകൾ താരതമ്യം ചെയ്താൽ ഋഷഭ് പന്ത് സാംസണേക്കാൾ മികച്ച വിക്കറ്റ് കീപ്പറാണെന്ന് ഞാൻ കരുതുന്നു. ഞങ്ങൾ ഇവിടെ ബാറ്റിംഗിനെക്കുറിച്ചല്ല സംസാരിക്കുന്നത് .കഴിഞ്ഞ കുറച്ച് മത്സരങ്ങളിൽ ഋഷഭ് പന്ത് മികച്ച ബാറ്റിംഗ് പുറത്തെടുത്തു. മറുവശത്ത്, സഞ്ജു സാംസൺ ഐപിഎൽ സീസൺ മികച്ച രീതിയിൽ ആരംഭിച്ചു,ഇഷ്ടാനുസരണം റൺസ് നേടി “ഗാവസ്‌കർ പറഞ്ഞു.
“അവസാന രണ്ട്-മൂന്ന് മത്സരങ്ങളിൽ, സഞ്ജുവിന് വേണ്ടത്ര റൺസ് ലഭിച്ചില്ല. അതിനാൽ ബംഗ്ലാദേശിനെതിരായ മത്സരത്തിൽ ഇത് അദ്ദേഹത്തിന് ഒരു അവസരമായിരുന്നു. അദ്ദേഹം 50-60 സ്‌കോർ ചെയ്‌തിരുന്നെങ്കിൽ ചോദ്യം ഉണ്ടാകുമായിരുന്നില്ല, എന്നാൽ ഇന്ത്യൻ സെലക്ഷൻ കമ്മിറ്റി ഋഷഭ് പന്തിനെ കീപ്പറായി നിയമിക്കുമെന്ന് എനിക്ക് തോന്നുന്നു,” അദ്ദേഹം കൂട്ടിച്ചേർത്തു.അടുത്തിടെ സമാപിച്ച ഇന്ത്യൻ പ്രീമിയർ ലീഗ് 2024ൽ പന്തും സാംസണും മികച്ച ഫോമിലായിരുന്നു.
15 ഇന്നിംഗ്‌സുകളിൽ നിന്ന് 48.27 ശരാശരിയിലും 153.46 സ്‌ട്രൈക്ക് റേറ്റിലും അഞ്ച് അർധസെഞ്ചുറികൾ നേടിയ 531 റൺസുമായി ടൂർണമെൻ്റിലെ ഏറ്റവും ഉയർന്ന സ്‌കോറർമാരിൽ അഞ്ചാമനായിരുന്നു സാംസൺ.സന്നാഹ മത്സരത്തിൽ പന്ത് അർധസെഞ്ചുറിയുമായി അവസരം മുതലെടുത്തു. വിക്കറ്റ് കീപ്പറായി നിൽക്കുകയും മികവ് പുലർത്തുകയും ചെയ്തു.
