ഇത് സംഭവിച്ചാൽ ഓസ്‌ട്രേലിയക്കെതിരെയുള്ള മൂന്നാം ടെസ്റ്റിൽ ഇന്ത്യ തോൽവിയിൽ നിന്നും രക്ഷപെടും | India | Australia
ഓസ്‌ട്രേലിയക്കെതിരെയുള്ള അഞ്ച് മത്സരങ്ങളുടെ പരമ്പരയിലെ ആദ്യ രണ്ട് മത്സരങ്ങൾ അവസാനിച്ചപ്പോൾ, ഇരു ടീമുകളും ഓരോ ജയം വീതം നേടി ഒപ്പത്തിനൊപ്പമാണ്. ഇന്ത്യയും ഓസ്‌ട്രേലിയയും തമ്മിലുള്ള മൂന്നാം ടെസ്റ്റ് മത്സരം ഡിസംബർ 14ന് ബ്രിസ്ബേനിൽ ആരംഭിച്ചു.
എന്നാൽ മഴമൂലം മത്സരത്തിന്റെ ഭൂരിഭാഗവും നഷ്ടപെട്ടിരിക്കുകയാണ്.മൂന്നാം ദിനമായ ഇന്ന് ഓസ്‌ട്രേലിയൻ ടീം ഒന്നാം ഇന്നിംഗ്‌സിൽ 445 റൺസിന് പുറത്തായി. ഈ മത്സരത്തിൽ ഓസ്‌ട്രേലിയക്കായി ട്രാവിസ് ഹെഡ് 152 റൺസും സ്റ്റീവ് സ്മിത്ത് 101 റൺസും നേടി.നിലവിൽ ഒന്നാം ഇന്നിംഗ്സ് കളിക്കുന്ന ഇന്ത്യൻ ടീം മൂന്നാം ദിനം കളി അവസാനിക്കുമ്പോൾ നാല് വിക്കറ്റ് നഷ്ടത്തിൽ 48 റൺസ് എന്ന നിലയിൽ ബുദ്ധിമുട്ടുകയാണ്. മത്സരത്തിൻ്റെ മൂന്നാം ദിനവും മഴ തടസ്സപ്പെടുത്തി.ആറ് വിക്കറ്റ് മാത്രം ശേഷിക്കെ ഇന്ത്യ ഇപ്പോഴും ഓസ്‌ട്രേലിയയ്‌ക്ക് 397 റൺസ് പിന്നിലാണ്. ഇതോടെ ഇന്ത്യൻ ടീം ഇപ്പോൾ തോൽവിയുടെ വക്കിലാണ്.
ഈ സാഹചര്യത്തിൽ ഇന്ത്യൻ ടീമിന് ഈ മത്സരത്തിൽ തോൽവി ഒഴിവാക്കണമെങ്കിൽ കളിയുടെ ഇനിയുള്ള ദിനങ്ങളിൽ മഴ തടസ്സപ്പെടുത്തി മത്സരം ഉപേക്ഷിക്കേണ്ടി വരും. നാളെ മഴ പെയ്തില്ലെങ്കിൽ നാലാം ദിനം മുഴുവൻ ഇന്ത്യൻ ടീം ആധിപത്യം സ്ഥാപിച്ച് ബാറ്റ് ചെയ്താൽ മാത്രമേ ഈ മത്സരത്തിന് തോൽവിയിൽ നിന്നും സമനിലയിൽ നിന്നും രക്ഷനേടാനാവൂ.ശേഷിക്കുന്ന ഓരോ ദിവസങ്ങളിലും 98 ഓവറുകൾ എറിയാൻ കഴിയുമെങ്കിലും, കൂടുതൽ മഴ പ്രവചനങ്ങളാൽ ഫലം കൈവരിക്കാൻ പ്രയാസമാണ്.ലോർഡ്‌സിൽ ജൂണിൽ നടക്കുന്ന ലോക ടെസ്റ്റ് ചാമ്പ്യൻഷിപ്പ് ഫൈനലിൽ സ്ഥാനം ഉറപ്പിക്കണമെങ്കിൽ അവസാന മൂന്ന് ടെസ്റ്റുകളിൽ രണ്ടെണ്ണമെങ്കിലും ഇന്ത്യ ജയിച്ചിരിക്കണം.
ശേഷിക്കുന്ന ടെസ്റ്റുകളിൽ രണ്ടെണ്ണം ജയിച്ചാൽ നിലവിലെ ചാമ്പ്യന്മാരായ ഓസ്‌ട്രേലിയ ഫൈനലിലെത്തും.അടുത്ത രണ്ട് ദിവസത്തെ പ്രവചനത്തെ സംബന്ധിച്ചിടത്തോളം, Accuweather അനുസരിച്ച്, ബ്രിസ്ബേൻ ടെസ്റ്റിൻ്റെ 4, 5 ദിവസങ്ങളിൽ മഴ പെയ്യാൻ 100%, 89% സാധ്യതയുണ്ട്. രാത്രിയിൽ ധാരാളം മഴയുണ്ടാകുമെന്നാണ് പ്രവചനം, പ്രാദേശിക സമയം രാവിലെ 11 മണിയോടെ ചാറ്റൽ മഴയ്ക്ക് സാധ്യതയുണ്ട്.
ദിവസം മുഴുവൻ മഴ പെയ്യാൻ ഏകദേശം 20-30% സാധ്യതയുണ്ട്.മത്സരത്തെ സംബന്ധിച്ചിടത്തോളം, ടോസ് നഷ്ടപ്പെട്ട് ഒന്നാം ഇന്നിംഗ്‌സിൽ 445 റൺസ് നേടിയ ഓസ്‌ട്രേലിയയെക്കാൾ 394 റൺസിന് പിന്നിലായ ഇന്ത്യ മൂന്നാം ദിനം 51/4 എന്ന നിലയിലാണ്. കെ എൽ രാഹുൽ 33 റൺസുമായി ബാറ്റ് ചെയ്യുന്നു, ക്യാപ്റ്റൻ രോഹിത് ശർമ്മ ഇതുവരെ അക്കൗണ്ട് തുറന്നിട്ടില്ല.
