ദയവായി ജസ്പ്രീത് ബുംറയെ എന്നോട് താരതമ്യം ചെയ്യരുത്.. കാരണം വിശദീകരിച്ച് ഇതിഹാസ താരം കപിൽ ദേവ് | Kapil Dev | Jasprit Bumrah
ഇന്ത്യയുടെ സ്റ്റാർ ബൗളർ ജസ്പ്രീത് ബുംറ വരാനിരിക്കുന്ന ചാമ്പ്യൻസ് ട്രോഫിയിൽ കളിക്കുമെന്ന് ഉറപ്പില്ല. ഓസ്‌ട്രേലിയൻ പര്യടനത്തിനിടെ പരിക്കേറ്റതിനെ തുടർന്ന് പുറത്താണ്. ബോർഡർ-ഗവാസ്‌കർ ട്രോഫിയിൽ 151.2 ഓവറാണ് ബുംറ എറിഞ്ഞത്. നട്ടെല്ലിന് പ്രശ്‌നമായതിനാൽ സിഡ്‌നി ടെസ്റ്റിൻ്റെ രണ്ടാം ഇന്നിംഗ്‌സിൽ അദ്ദേഹത്തിന് ബൗൾ ചെയ്യാൻ കഴിഞ്ഞില്ല. ഇതോടെ മത്സരവും പരമ്പരയും ടീം ഇന്ത്യക്ക് തോൽക്കേണ്ടി വന്നു.
ബുംറയുടെ ജോലിഭാരം ഇപ്പോൾ ചർച്ച ചെയ്യപ്പെടുകയാണ്, ഇതിനെതിരെ മുൻ ക്യാപ്റ്റൻ കപിൽ ദേവ് പ്രതികരിക്കുകയും ചെയ്തു.മികച്ച ബൗളറായി കാണുന്ന ജസ്പ്രീത് ബുംറയെ ആരും എന്നോട് താരതമ്യം ചെയ്യരുതെന്ന് കപിൽ ദേവ് അഭിപ്രായപ്പെട്ടു.തലമുറകൾക്കിടയിലുള്ള ക്രിക്കറ്റ് കളിക്കാരെ താരതമ്യം ചെയ്യുന്നത് അന്യായമാണെന്ന് കപിൽ ദേവ് കരുതുന്നു.തൻ്റെ കളിദിനങ്ങളും ആധുനിക ക്രിക്കറ്റും തമ്മിലുള്ള പ്രധാന വ്യത്യാസങ്ങളെക്കുറിച്ച് മുൻ ഇന്ത്യൻ ക്യാപ്റ്റൻ തുറന്നുപറഞ്ഞു.
“ദയവായി എന്നെ (ബുമ്രയുമായി) താരതമ്യം ചെയ്യരുത്. നിങ്ങൾക്ക് ഒരു തലമുറയെ മറ്റൊന്നുമായി താരതമ്യം ചെയ്യാൻ കഴിയില്ല. ഇന്നത്തെ കളിക്കാർ ഒരു ദിവസം 300 റൺസ് നേടുന്നു, അത് നമ്മുടെ കാലത്ത് ഇല്ലായിരുന്നു. അതുകൊണ്ട് താരതമ്യം ചെയ്യരുത്. മുൻ ഫാസ്റ്റ് ബൗളറും 1983 ലോകകപ്പ് നേടിയ ടീമിലെ അംഗവുമായ ബൽവീന്ദർ സന്ധു ബുംറയുടെ ജോലിഭാരത്തെക്കുറിച്ച് ഒരു പ്രസ്താവന നടത്തിയിരുന്നു. അദ്ദേഹത്തിൻ്റെ അഭിപ്രായത്തിൽ, ഒരു ടെസ്റ്റ് ഇന്നിംഗ്‌സിൽ 15-20 ഓവർ ബൗൾ ചെയ്യുന്നത് ഉയർന്ന തലത്തിലുള്ള ഒരു ഫാസ്റ്റ് ബൗളർക്ക് വലിയ വെല്ലുവിളിയാകേണ്ടതില്ല” കപിൽ ദേവ് പറഞ്ഞു.
രോഹിത് ശർമ്മയ്ക്കും വിരാട് കോഹ്‌ലിക്കും ടെസ്റ്റ് ക്രിക്കറ്റിൽ ഭാവി തീരുമാനിക്കാൻ സമയം നൽകണമെന്ന് അദ്ദേഹം പറഞ്ഞു.”ജസ്പ്രീത് ബുംറയ്ക്ക് ക്യാപ്റ്റന്റെ സ്ഥാനം ലഭിക്കുകയാണെങ്കിൽ, സ്വയം തെളിയിക്കാൻ അദ്ദേഹത്തിന് കുറച്ച് സമയം നൽകുക,” അദ്ദേഹം പറഞ്ഞു.”വിരാട് കോഹ്‌ലിയും രോഹിത് ശർമ്മയും വലിയ കളിക്കാരാണ്, കളിയിൽ നിന്ന് എപ്പോൾ വിരമിക്കണമെന്ന് അവർക്കറിയാം,” കപിൽ കൂട്ടിച്ചേർത്തു.
ഓസ്‌ട്രേലിയയില്‍ ഏറ്റവും കൂടുതല്‍ വിക്കറ്റുകള്‍ വീഴ്ത്തുന്ന ഇന്ത്യന്‍ ബൗളറെന്ന റെക്കോര്‍ഡും ബുമ്ര സ്വന്തമാക്കിയിരുന്നു. 51 വിക്കറ്റുകളാണ് കപില്‍ ഓസ്‌ട്രേലിയയില്‍ വീഴ്ത്തിയത്. ബുമ്രയുടെ അക്കൗണ്ടില്‍ 64 വിക്കറ്റുകളുണ്ട്. 12 മത്സരങ്ങളില്‍ നിന്നാണ് ഇത്രയും വിക്കറ്റുകള്‍. 17.15 ശരാശരിയുണ്ട് താരത്തിന്. നാല് തവണ അഞ്ച് വിക്കറ്റ് നേട്ടവും സ്വന്തമാക്കി. 86 റണ്‍സ് വിട്ടുകൊടുത്ത് ഒമ്പത് വിക്കറ്റ് വീഴ്ത്തിയതാണ് മികച്ച പ്രകടനം.
Kapil Dev said, "please don't compare me with Jasprit Bumrah. You cannot compare one gen with another. The boys today score 300 runs in a single day, which wasn't the case in our time, so it's worthless comparing". pic.twitter.com/Ivmy7TttfK
— Mufaddal Vohra (@mufaddal_vohra) January 13, 2025
ഇക്കഴിഞ്ഞ ബോര്‍ഡര്‍ ഗവാസ്‌കര്‍ ട്രോഫിയില്‍ അഞ്ച് ടെസ്റ്റുകളിലെ ഒമ്പത് ഇന്നിംഗ്സുകളില്‍ നിന്ന് 13.06 ശരാശരിയില്‍ 32 വിക്കറ്റാണ് ബുമ്ര വീഴ്ത്തിയത്. മൂന്ന് അഞ്ച് വിക്കറ്റ് നേട്ടങ്ങളും ഇതില്‍ ഉള്‍പ്പെടും. ഏറ്റവും കൂടുതല്‍ വിക്കറ്റ് വീഴ്ത്തിയ ബുമ്രയാണ് പരമ്പരയിലെ താരമായി തിരഞ്ഞെടുക്കപ്പെട്ടത്. ഓസ്‌ട്രേലിയയില്‍ ഒരു പരമ്പരയില്‍ മാത്രം ഏറ്റവും കൂടുതല്‍ വിക്കറ്റുകള്‍ വീഴ്ത്തുന്ന താരവും ബുമ്ര തന്നെ. 1977-78ല്‍ 31 വിക്കറ്റ് നേടിയിട്ടുള്ള ബിഷന്‍ സിംഗ് ബേദിയുടെ റെക്കോര്‍ഡാണ് ബുമ്ര മറികടന്നത്.
