വിരാട് കോഹ്‌ലിയുടെ റെക്കോർഡ് തകർത്ത് കെ എൽ രാഹുൽ, ടി20യിൽ വമ്പൻ നേട്ടം സ്വന്തമാക്കി | IPL2025

ഐ.പി.എല്ലിൽ ഇന്ത്യൻ സ്റ്റാർ ബാറ്റ്സ്മാൻ കെ.എൽ. രാഹുൽ വീണ്ടും സെഞ്ച്വറി നേടി. ഐപിഎൽ കരിയറിലെ അദ്ദേഹത്തിന്റെ അഞ്ചാം സെഞ്ച്വറിയാണിത്. ഗുജറാത്ത് ടൈറ്റൻസിനെതിരായ ഐപിഎൽ 2025 ലെ 60-ാം മത്സരത്തിൽ, ഡൽഹി ക്യാപിറ്റൽസിന്റെ ഈ സ്ഫോടനാത്മക ബാറ്റ്സ്മാൻ 60 പന്തിൽ ഈ സെഞ്ച്വറി തികച്ചു. ഒരു ഫോറോടെയാണ് അദ്ദേഹം ഈ സെഞ്ച്വറി പൂർത്തിയാക്കിയത്. മത്സരത്തിൽ കെ എൽ രാഹുൽ പുറത്താവാതെ നിന്നു.65 പന്തുകൾ നേരിട്ട അദ്ദേഹം 112 റൺസ് നേടി.

ഈ ഇന്ത്യൻ ബാറ്റ്സ്മാൻ 172 എന്ന മാരകമായ സ്ട്രൈക്ക് റേറ്റിലാണ് ബാറ്റ് ചെയ്തത്.ഇത് രാഹുലിന്റെ അഞ്ചാമത്തെ ഐപിഎൽ സെഞ്ച്വറിയും 2022 സീസണിന് ശേഷമുള്ള ടൂർണമെന്റിലെ ആദ്യ സെഞ്ച്വറിയും ആയിരുന്നു. ഐപിഎൽ ചരിത്രത്തിൽ ഏറ്റവും കൂടുതൽ സെഞ്ച്വറികൾ നേടിയ ബാറ്റ്സ്മാൻമാരുടെ പട്ടികയിൽ രാഹുൽ ഇപ്പോൾ നാലാം സ്ഥാനത്താണ്. നാല് സെഞ്ച്വറികൾ നേടിയ ശുഭ്മാൻ ഗില്ലിനെയാണ് അദ്ദേഹം മറികടന്നത്. പ്രിയാൻഷ് ആര്യ, ഇഷാൻ കിഷൻ, വൈഭവ് സൂര്യവൻഷി, അഭിഷേക് ശർമ എന്നിവർക്കൊപ്പം ഐപിഎൽ 2025ൽ സെഞ്ച്വറി നേടുന്ന അഞ്ചാമത്തെ ബാറ്റ്സ്മാനാണ് കെഎൽ രാഹുൽ.

ഇന്ത്യൻ പ്രീമിയർ ലീഗിന്റെ ചരിത്രത്തിൽ മൂന്ന് വ്യത്യസ്ത ടീമുകൾക്കായി സെഞ്ച്വറി നേടിയ ഏക കളിക്കാരനായി അദ്ദേഹം മാറി. പഞ്ചാബ് കിംഗ്സിനും ലഖ്‌നൗ സൂപ്പർ ജയന്റ്സിനും വേണ്ടി രാഹുൽ നേരത്തെ സെഞ്ച്വറി നേടിയിട്ടുണ്ട്, ഡി.സി.ക്ക് വേണ്ടി ഇത് അദ്ദേഹത്തിന്റെ ആദ്യ സെഞ്ച്വറിയാണിത്.ടി20യിൽ ഏറ്റവും വേഗത്തിൽ 8000 റൺസ് നേടുന്ന ഇന്ത്യൻ കളിക്കാരൻ എന്ന വിരാട് കോഹ്‌ലിയുടെ റെക്കോർഡ് തകർത്തു.33 കാരനായ രാഹുൽ ടി20യിൽ ഏറ്റവും വേഗത്തിൽ ഈ നേട്ടം കൈവരിക്കുന്ന ഇന്ത്യൻ താരമായി മാറി. 224 ഇന്നിംഗ്‌സുകളിൽ നിന്നാണ് രാഹുൽ 8000 റൺസ് തികച്ചത്, അതേസമയം 243 ഇന്നിംഗ്‌സുകളിൽ നിന്നാണ് കോഹ്‌ലി ഈ നേട്ടം കൈവരിച്ചത്.ക്രിസ് ഗെയ്‌ലിനും (213 ഇന്നിംഗ്‌സുകൾ) ബാബർ അസമിനും (218 ഇന്നിംഗ്‌സ്) പിന്നിൽ മൊത്തത്തിൽ ഏറ്റവും വേഗത്തിൽ ഈ നേട്ടം കൈവരിക്കുന്ന മൂന്നാമത്തെ കളിക്കാരനാണ് രാഹുൽ.

ഏറ്റവും ചെറിയ ഫോർമാറ്റിൽ വമ്പൻ മുന്നേറ്റങ്ങൾ തുടരുന്ന രാഹുലിന്റെ ഏഴാമത്തെ ടി20 സെഞ്ച്വറിയാണിത്. ടി20യിൽ ഏറ്റവും കൂടുതൽ സെഞ്ച്വറികൾ നേടിയ ഇന്ത്യൻ താരങ്ങളുടെ പട്ടികയിൽ സൂര്യകുമാർ യാദവ്, സഞ്ജു സാംസൺ എന്നിവരെ മറികടന്നാണ് രാഹുൽ ഇപ്പോൾ ഒന്നാമതെത്തിയത്. ടി20യിൽ യഥാക്രമം ഒമ്പതും എട്ട് സെഞ്ച്വറികൾ നേടിയിട്ടുള്ള വിരാട് കോഹ്‌ലി, രോഹിത് ശർമ്മ എന്നിവരുടെ റെക്കോർഡാണ് രാഹുൽ ഇപ്പോൾ മറികടന്നിരിക്കുന്നത്.20 ഓവർ ഫോർമാറ്റിൽ രാഹുൽ ഇപ്പോൾ 8,079 റൺസ് നേടിയിട്ടുണ്ട്. 42.74 ശരാശരിയിലാണ് അദ്ദേഹത്തിന്റെ റൺസ്. 7 സെഞ്ച്വറികൾ കൂടാതെ, 68 അർദ്ധ സെഞ്ച്വറികളും അദ്ദേഹത്തിനുണ്ട്. 333 സിക്സറുകളും 687 ഫോറുകളും അദ്ദേഹം നേടിയിട്ടുണ്ട്. ഐപിഎല്ലിൽ അദ്ദേഹത്തിന്റെ 5,176 റൺസും 46 സെഞ്ച്വറി പ്ലസ് സ്കോറും നേടിയിട്ടുണ്ട്.