‘വളരെ മോശം പിച്ചായിരുന്നു’ : പിച്ചിന്‍റെ ഗുണനിലവാരത്തെക്കുറിച്ച് ഇന്ത്യ ഒരിക്കലും പരാതിപ്പെട്ടിട്ടില്ല |ആകാശ് ചോപ്ര | SA vs IND
മോശം പിച്ചുകളിൽ രോഹിത് ശർമയുടെ നേതൃത്വത്തിലുള്ള ഇന്ത്യൻ ടീം ടെ മികച്ച പ്രകടനമാണ് പുറത്തെടുത്തതെന്ന് ആകാശ് ചോപ്ര അഭിപ്രായപ്പെട്ടു.കഠിനമായ പിച്ചുകളിൽ കളിക്കുന്നതിനെക്കുറിച്ച് പരാതിപ്പെടാൻ ഇന്ത്യൻ ടീമിന് ഒരിക്കലും താൽപ്പര്യമില്ലെന്നും ചോപ്ര പറഞ്ഞു.
സെഞ്ചൂറിയനിൽ മൂന്ന് ദിവസത്തിനുള്ളിൽ ദക്ഷിണാഫ്രിക്കയ്‌ക്കെതിരെ ഇന്നിംഗ്‌സിനും 32 റൺസിനും തോറ്റ ശേഷം രണ്ടാം ടെസ്റ്റിൽ ഏഴ് വിക്കറ്റിന്റെ വിജയത്തോടെ ഇന്ത്യ തിരിച്ചുവന്നു.കേപ്ടൗണിൽ ഏഴ് ശ്രമങ്ങൾക്കുള്ളിൽ ഇന്ത്യയുടെ ആദ്യ വിജയം കൂടിയാണ് ഇത്.കൂടാതെ രണ്ട് മത്സരങ്ങളുടെ പരമ്പര 1-1 ന് സമനിലയിലാക്കാനും കഴിഞ്ഞു.
“ഒരു ടെസ്റ്റ് മത്സരം ഒന്നര ദിവസം മാത്രം നീണ്ടു നില്‍ക്കുമ്പോള്‍ തീര്‍ച്ചയായും അതില്‍, എന്തോ കുഴപ്പമുണ്ട്. പിച്ചിനെ ചുറ്റിപ്പറ്റി ചില ചർച്ചകൾ നടന്നിട്ടുണ്ട്. ചില ചോദ്യങ്ങും ഉയര്‍ന്നിട്ടുണ്ട്. എന്നാല്‍ പിച്ചിന്‍റെ ഗുണനിലവാരത്തെക്കുറിച്ച് ഇന്ത്യ ഒരിക്കലും പരാതിപ്പെട്ടിട്ടില്ല.കഴിഞ്ഞ തവണ വാണ്ടറേഴ്സ് പിച്ച് വളരെ മോശമായിരുന്നു. സത്യസന്ധമായി, ഏതെങ്കിലും കളിക്കാരന് അതിൽ പരിക്കേൽക്കാമായിരുന്നു. കേപ്ടൗണിലെ ഈ പിച്ചും മോശമായിരുന്നു” ചോപ്ര പറഞ്ഞു.
“ഇന്ത്യ ഇപ്പോഴും കളിയിൽ ശ്രദ്ധ കേന്ദ്രീകരിച്ചു, പരാതിപ്പെട്ടില്ല. പെർത്തിലെ (ഓസ്‌ട്രേലിയ) പിച്ചും ഞാൻ ഓർക്കുന്നു. അത് ശരിക്കും മോശമായിരുന്നു. ഗുഡ് ലെങ്ത് നിന്ന് ഒരു പന്ത് ഉയർന്ന് കീപ്പറുടെ തലയ്ക്ക് മുകളിലൂടെ പോകുന്ന ഒരു പിച്ചിനെ ന്യായീകരിക്കാനാവില്ല. അവിടെയും ഇന്ത്യ ഒന്നും പറഞ്ഞില്ല” ചോപ്ര കൂട്ടിച്ചേർത്തു.“അവർ മത്സരിക്കുകയും പോരാട്ടവീര്യം കാണിക്കുകയും ചെയ്തു. വാസ്തവത്തിൽ, പിച്ച് മോശമാകുമ്പോൾ അത് ഇന്ത്യയുടെ മികച്ച പ്രകടനം പുറത്തെടുപ്പിക്കുകയാണ് ചെയ്യുന്നത്” ആകാശ് ചോപ്ര പറഞ്ഞു.
രണ്ടാം ടെസ്റ്റിന് ശേഷം ക്യാപ്റ്റൻ രോഹിത് ശർമ്മ പിച്ചുകളെക്കുറിച്ച് വിമര്ശനം ഉന്നയിച്ചിരുന്നു.”ഈ മത്സരത്തില്‍ നിങ്ങള്‍ കണ്ടു എങ്ങനെ പിച്ച് മത്സരം മാറ്റിയെന്ന്. ഇതുപോലത്തെ പിച്ചുകളിലാണ് കളിക്കാന്‍ ആഗ്രഹിക്കുന്നത്. എന്നാല്‍ ഇന്ത്യയില്‍ ഇത്തരം പിച്ചുകള്‍ ഉണ്ടാക്കിയാല്‍ വന്‍ വിമര്‍ശനങ്ങള്‍ ഉണ്ടാവും. ” രോഹിത് ശർമ പറഞ്ഞു.ഇന്ത്യയിലെ പിച്ചുകളെ മാത്രം കുറ്റപ്പെടുത്തി സംസാരിക്കരുത്. ദക്ഷിണാഫ്രിക്കയിൽ കളിക്കുവാൻ ഇന്ത്യയ്ക്ക് ബുദ്ധിമുട്ടാണ്.
അതുപോലെ ഇന്ത്യയിൽ എത്തുമ്പോൾ വിദേശ ടീമുകളും ബുദ്ധിമുട്ടുമെന്നും അദ്ദേഹം കൂട്ടിച്ചേർത്തു.” ഇന്ത്യയിൽ എല്ലാവരും വായ അടച്ച് ഇന്ത്യൻ പിച്ചുകളെക്കുറിച്ച് പരാതിപ്പെടാത്തിടത്തോളം കാലം ഇതുപോലുള്ള പിച്ചുകളിൽ കളിക്കുന്നതിൽ എനിക്ക് പ്രശ്‌നമില്ല. ഞങ്ങള്‍ ഇവിടെ വന്നത് വെല്ലുവിളികള്‍ സ്വീകരിക്കാന്‍ തന്നെയാണ്. ഇന്ത്യയില്‍ എത്തുമ്പോഴും ഇത്തരത്തില്‍ വെല്ലുവിളികളുണ്ടാവും. ടെസ്റ്റ് മത്സരങ്ങള്‍ എന്നും വെല്ലുവിളി നിറഞ്ഞതാണ്.” ക്യാപ്റ്റൻ കൂട്ടിച്ചേർത്തു.
