പഴയ ഫോമിലേക്ക് മടങ്ങണമെങ്കിൽ ഇത് ചെയ്താൽ മതി..മോശം ഫോമിൽ വലയുന്ന വിരാട് കോഹ്‌ലിക്ക് ഉപദേശവുമായി എബി ഡിവില്ലിയേഴ്സ് | Virat Kohli
2024 ഇന്ത്യൻ ബാറ്റ്സ്മാൻ വിരാട് കോഹ്‌ലിക്ക് മോശം വർഷമായിരുന്നു.ഈ വർഷം മുഴുവൻ കോഹ്‌ലി നേടിയത് ഒരു സെഞ്ച്വറി മാത്രമാണ്. വർഷാവസാനം നടന്ന ബോർഡർ ഗവാസ്‌കർ ട്രോഫിയിൽ കോഹ്‌ലി തിരിച്ചുവരവ് നടത്തുമെന്നും ഒരുപാട് റൺസ് സ്‌കോർ ചെയ്യുമെന്നും പ്രതീക്ഷിച്ചിരുന്നെങ്കിലും നിരാശ മാത്രമാണ് ലഭിച്ചത്.
ഈ 5 മത്സരങ്ങളുടെ പരമ്പരയിൽ കോഹ്‌ലി തൻ്റെ ഫോമിൽ എത്തിയില്ല.ഇപ്പോൾ 2025 ആരംഭിച്ചു, വർഷത്തിൻ്റെ തുടക്കത്തിൽ തന്നെ, മോശം ഫോമിനെ മറികടക്കാൻ കോഹ്‌ലിയുടെ സുഹൃത്ത് അദ്ദേഹത്തെ ഉപദേശിച്ചു.ഒപ്പം കരിയറിൻ്റെ അവസാന ഘട്ടത്തിലിരിക്കുന്ന വിരാട് കോഹ്‌ലിക്ക് ഓസ്‌ട്രേലിയൻ പരമ്പരയിലെ പരാജയം കാരണം വരാനിരിക്കുന്ന പരമ്പരയിൽ അവസരം ലഭിക്കുമോ? എന്ന അവസ്ഥയിലേക്കും എത്തിച്ചിരിക്കുകയാണ്.ഈ ബാറ്റിംഗ് പ്രശ്‌നങ്ങളിൽ നിന്ന് കരകയറാൻ വിരാട് കോഹ്‌ലി എന്താണ് ചെയ്യേണ്ടത്? മുൻ ബാംഗ്ലൂർ താരവും വിരാട് കോഹ്‌ലിയുടെ സുഹൃത്തുമായ എബി വില്ലിയേഴ്‌സ് ഇത് സംബന്ധിച്ച് ചില അഭിപ്രായങ്ങൾ പങ്കുവെച്ചിട്ടുണ്ട്.
മൈൻഡ് ‘റീസെറ്റ്’ ചെയ്യാനും മൈതാനത്ത് ഏതെങ്കിലും തരത്തിലുള്ള വിവാദങ്ങളിൽ അകപ്പെടാതിരിക്കാനും അദ്ദേഹം വിരാടിനെ ഉപദേശിച്ചു. കോഹ്‌ലിയും രോഹിത് ശർമ്മയും ഓസ്‌ട്രേലിയൻ പര്യടനത്തിൽ റൺസ് സ്‌കോർ ചെയ്യാൻ പാടുപെടുകയും ഇന്ത്യ അഞ്ച് മത്സരങ്ങളുടെ പരമ്പര 1-3ന് തോൽക്കുകയും ചെയ്തു. ഈ പരമ്പരയിലെ 9 ഇന്നിങ്‌സുകളിൽ നിന്നായി 190 റൺസ് മാത്രമാണ് കോഹ്‌ലി നേടിയത്. ഓഫ് സ്റ്റംപിന് പുറത്തേക്ക് പോകുന്ന പന്ത് കളിക്കാൻ ശ്രമിച്ച് കോലി ആവർത്തിച്ച് പുറത്തായി.
‘എല്ലായ്‌പ്പോഴും നിങ്ങളുടെ മനസ്സ് ‘റീസെറ്റ്’ ചെയ്യുക എന്നതാണ് പ്രധാന കാര്യം എന്ന് ഞാൻ വിശ്വസിക്കുന്നു. വിരാട് ആരുമായും ഏറ്റുമുട്ടാൻ ഇഷ്ടപ്പെടുന്നു, എന്നാൽ നിങ്ങളുടെ കരിയറിലെ ഏറ്റവും മോശം ഫോമിൽ ആയിരിക്കുമ്പോൾ, അത്തരം കാര്യങ്ങളിൽ നിന്ന് വിട്ടുനിൽക്കുന്നതാണ് നല്ലത്. ഒരു ബാറ്റ്സ്മാൻ എന്ന നിലയിൽ സ്വയം പുനർനിർമ്മിക്കുക എന്നത് പ്രധാനമാണ്. ബൗളർ ആരായാലും ഓരോ പന്തും പ്രധാനമാണ്.വിരാട് കോഹ്‌ലിയും ഇപ്പോൾ ഒരു പോരാട്ടത്തിലാണ്. അതാണ് അവൻ്റെ ശക്തി. ഏത് മത്സരത്തെയും അവൻ ഒരു യുദ്ധമായി കണക്കാക്കുകയും പോരാടുകയും ചെയ്യുന്നു. എന്നാൽ ഇനി ആ ചിന്തയിൽ നിൽക്കരുത്. ഓരോ പന്തും പുതിയ പന്തായി കരുതുക, പഴയ പന്ത് മറക്കുക”ഡിവില്ലിയേഴ്സ് പറഞ്ഞു.
ടെസ്റ്റ് ക്രിക്കറ്റിൽ കൂടുതൽ മണിക്കൂറുകൾ ചെലവഴിക്കുകയും മാനസികമായി മാറി ഓരോ പന്തിലും ശ്രദ്ധ കേന്ദ്രീകരിക്കുകയും ചെയ്താൽ ഉറപ്പായും മികച്ച ഫോമിലേക്ക് തിരിച്ചെത്താനാകുമെന്ന് സൗത്ത് ആഫ്രിക്കൻ പറഞ്ഞു.2025ൽ കോഹ്‌ലി ഒരുപാട് റൺസ് സ്‌കോർ ചെയ്യുമെന്ന് ആരാധകർ പ്രതീക്ഷിക്കുന്നത് മാത്രമല്ല, ക്രിക്കറ്റ് ഫീൽഡിൽ ഈ വർഷം തനിക്ക് മികച്ചതായിരിക്കണമെന്നും അദ്ദേഹം ആഗ്രഹിക്കുന്നു. ഇംഗ്ലണ്ടിനെതിരെ നടക്കാനിരിക്കുന്ന ഏകദിന പരമ്പരയിലും തുടർന്ന് ചാമ്പ്യൻസ് ട്രോഫിയിലുമാണ് കോലിയുടെ കണ്ണുകൾ. അതിനു ഇംഗ്ലണ്ടിനെതിരെയുള്ള ടെസ്റ്റ് പാരമ്പരയുണ്ട്.കോലി ആ ടീമിൻ്റെ ഭാഗമാകുമോ എന്ന് കണ്ടറിയണം.
