‘ഇന്ത്യ പാകിസ്ഥാനിൽ കളിച്ചിരുന്നെങ്കിങ്കിലും ചാമ്പ്യൻസ് ട്രോഫി കിരീടം നേടിയേനെ’: വസീം അക്രം | ICC Champions Trophy
2025 ലെ ചാമ്പ്യൻസ് ട്രോഫിയിൽ നിലവിലെ ഇന്ത്യൻ ടീം എല്ലാ മത്സരങ്ങളും പാകിസ്ഥാനിൽ കളിച്ചിരുന്നെങ്കിൽ പോലും അവർ കിരീടം നേടുമായിരുന്നുവെന്ന് പേസ് ഇതിഹാസം വസീം അക്രം അവകാശപ്പെട്ടു. സുരക്ഷാ കാരണങ്ങളാൽ പാകിസ്ഥാനിലേക്ക് പോകേണ്ടതില്ലെന്ന് തീരുമാനിച്ചതിനാൽ ഇന്ത്യ ന്യൂസിലൻഡിനെതിരായ ഫൈനൽ ഉൾപ്പെടെ എല്ലാ മത്സരങ്ങളും ദുബായിൽ കളിച്ചു.
ഒരു വേദിയിൽ കളിക്കുന്നതിലൂടെ ഒരു ‘നേട്ടം’ ഉണ്ടെന്ന അവകാശവാദങ്ങൾ ഉണ്ടായിരുന്നിട്ടും, ഇന്ത്യൻ ടീം എല്ലാ മത്സരങ്ങളും ജയിച്ച് ചാമ്പ്യൻസ് ട്രോഫി കിരീടം സ്വന്തമാക്കി. ഡ്രസ്സിംഗ് റൂം ഷോയിൽ സംസാരിക്കവെ, ലോകത്തെവിടെയും ഇന്ത്യയ്ക്ക് കിരീടം നേടാമായിരുന്നുവെന്ന് അക്രം പറഞ്ഞു. കഴിഞ്ഞ രണ്ട് ഐസിസി ടൂർണമെന്റുകളിലെയും ഇന്ത്യയുടെ വിജയനിര അവരുടെ ആഴവും നേതൃത്വവും കാണിക്കുന്നുവെന്ന് ഇതിഹാസ പേസർ വിശ്വസിക്കുന്നു.
“ലോകത്ത് എവിടെ പോയാലും ഇന്ത്യൻ ടീം ജയിക്കുമായിരുന്നു. അതെ, ഒരുപാട് ചർച്ചകൾ നടന്നിരുന്നു, പക്ഷേ ഇന്ത്യ എല്ലാ മത്സരങ്ങളും ദുബായിൽ കളിക്കുമെന്ന് ഒരിക്കൽ തീരുമാനിച്ചിരുന്നു, പാകിസ്ഥാനിൽ കളിച്ചിരുന്നെങ്കിൽ അവിടെയും ജയിക്കുമായിരുന്നു. ഒരു കളി പോലും തോൽക്കാതെ അവർ 2024 ലെ ടി20 ലോകകപ്പ് നേടി, ഒരു കളി പോലും തോൽക്കാതെ അവർ ചാമ്പ്യൻസ് ട്രോഫി നേടി, അത് അവരുടെ ക്രിക്കറ്റിലെ ആഴം കാണിക്കുന്നു, അത് നേതൃത്വത്തെ കാണിക്കുന്നു,” അക്രം പറഞ്ഞു.
കഴിഞ്ഞ കുറച്ച് മാസങ്ങളായി വ്യത്യസ്തത ഫലങ്ങൾ ലഭിച്ചിട്ടും രോഹിത് ശർമ്മയെയും പരിശീലകൻ ഗൗതം ഗംഭീറിനെയും പിന്തുണച്ചതിന് ബിസിസിഐയെയും അക്രം പ്രശംസിച്ചു. ബോർഡർ-ഗവാസ്കർ ട്രോഫി തോൽവിയും മറ്റ് മോശം ഫലങ്ങളും ഉണ്ടായിട്ടും ഒടുവിൽ വിവേകം വിജയിച്ചുവെന്ന് ഇതിഹാസ പേസർക്ക് തോന്നി, അത് ദുബായിൽ ഇന്ത്യക്ക് കിരീടം നേടാൻ സഹായിച്ചു.
“ന്യൂസിലൻഡിനോട് സ്വന്തം നാട്ടിൽ നടന്ന ടെസ്റ്റ് പരമ്പരയിൽ അവർ 3-0 ന് തോറ്റതും, ബോർഡർ-ഗവാസ്കർ ട്രോഫി തോറ്റതും, ശ്രീലങ്കയിൽ നടന്ന പരമ്പര തോറ്റതും നിങ്ങൾക്ക് ഓർമ്മയുണ്ടെങ്കിൽ, ക്യാപ്റ്റനെ മാറ്റാൻ അവർ സമ്മർദ്ദത്തിലായിരുന്നു, പരിശീലകനെ നീക്കം ചെയ്തില്ല , പക്ഷേ വിവേകം വിജയിച്ചു.ബിസിസിഐ അവരെ പിന്തുണച്ചു, ഇതാണ് ഞങ്ങളുടെ ക്യാപ്റ്റൻ, ഇതാണ് ഞങ്ങളുടെ പരിശീലകൻ, ഇപ്പോൾ അവർ ചാമ്പ്യന്മാരാണ്,” അക്രം പറഞ്ഞു.
