‘ഒരു പരമ്പരയിലെ പരാജയംകൊണ്ട് ഗൗതം ഗംഭീറിനെ വിലകുറച്ച് കാണരുത് ‘: റോബിൻ ഉത്തപ്പ | Gautam Gambhir
ശ്രീലങ്കയ്‌ക്കെതിരായ ഏകദിന പരമ്പരയിൽ ഇന്ത്യ 2-0 (3) ന് തോറ്റു . അങ്ങനെ, 27 വർഷമായി ശ്രീലങ്കയ്‌ക്കെതിരായ ഉഭയകക്ഷി ഏകദിന പരമ്പരയിൽ തോൽവിയറിയാതെ നിന്നതിൻ്റെ അഭിമാനകരമായ ഇന്ത്യയുടെ റെക്കോർഡാണ് റെക്കോർഡാണ് തകർന്നു പോയത്.10 വർഷത്തിന് ശേഷം ആദ്യമായാണ് ഇന്ത്യ ശ്രീലങ്കയ്‌ക്കെതിരെ തുടർച്ചയായി ഏകദിനത്തിൽ തോൽക്കുന്നത്.
ആ തോൽവിയുടെ പ്രധാന കാരണം പരിശീലകൻ ഗൗതം ഗംഭീറാണെന്ന് ആരാധകർ വിമർശിച്ചു. കാരണം അദ്ദേഹം ആ പരമ്പരയിൽ ഋതുരാജ് ഗെയ്ക്‌വാദ് ,സഞ്ജു സാംസൺ, രവീന്ദ്ര ജഡേജ തുടങ്ങിയ കളിക്കാരെ തിരഞ്ഞെടുത്തില്ല. കൂടാതെ നാലാമത്തെയും അഞ്ചാമത്തെയും ബാറ്റിംഗ് ഓർഡറിൽ കളിക്കേണ്ട ശ്രേയസ് അയ്യർക്കും കെ എൽ രാഹുലിനും ആ പൊസിഷനിൽ കളിക്കാൻ സാധിച്ചില്ല.
ശ്രീലങ്കൻ പരമ്പരയിലെ തോൽവിക്ക് ശേഷം ഗൗതം ഗംഭീറിൻ്റെ കഴിവിൽ ആരാധകർ സംശയിക്കേണ്ടെന്ന് റോബിൻ ഉത്തപ്പ. ടീമിൽ തങ്ങൾ സുരക്ഷിതരാണെന്ന തോന്നൽ എല്ലാ താരങ്ങൾക്കും ഗംഭീർ നൽകുന്നുണ്ടെന്നും ഉത്തപ്പ പറഞ്ഞു.“ഗംഭീർ എപ്പോഴും സമ്മർദ്ദത്തിൻകീഴിൽ വളരുന്ന ഒരാളാണ്. വലിയ പരമ്പരകളിൽ മതിപ്പുളവാക്കാൻ ആവശ്യമായ ചുവടുകൾ തേടുകയാണ് അദ്ദേഹം. എന്നെ സംബന്ധിച്ചിടത്തോളം, ഈ ടീമിനുള്ളിൽ ഒരു നേതാവാകാനുള്ള ഗുണങ്ങൾ അവനിൽ ഞാൻ കാണുന്നു” ഉത്തപ്പ പറഞ്ഞു.
“അവൻ പ്രധാന അവസരങ്ങൾ തേടുകയും അവ പിടിച്ചെടുക്കാൻ ശ്രമിക്കുകയും ചെയ്യും. ഒരു നേതാവെന്ന നിലയിൽ കളിക്കാർക്ക് മികവ് പുലർത്താൻ കഴിയുന്ന അന്തരീക്ഷം അദ്ദേഹം സൃഷ്ടിക്കുമെന്ന് എനിക്ക് ഉറപ്പ് നൽകാൻ കഴിയും. അത്തരമൊരു നേതാവ് എന്ന നിലയിൽ അദ്ദേഹം ഒരു മികച്ച തന്ത്രശാലിയാണ്. ടീമിനുള്ളിൽ വിജയത്തെ പ്രോത്സാഹിപ്പിക്കുന്ന ഒരു സംസ്കാരം അദ്ദേഹം വളർത്തിയെടുക്കുന്നു” ഉത്തപ്പ കൂട്ടിച്ചേർത്തു.ഇതിന് പിന്നാലെ അടുത്ത മാസം ബംഗ്ലാദേശിനെതിരെ ഇന്ത്യൻ ടീം നാട്ടിൽ ടെസ്റ്റ് പരമ്പര കളിക്കും.
