‘100 ടെസ്റ്റുകള്‍ കളിച്ചിട്ടുള്ള ചേതേശ്വര്‍ പൂജാരക്ക് പോലും കിട്ടാത്ത പരിഗണനയാണ് ഗില്ലിന് കിട്ടുന്നത്’ : അനിൽ കുംബ്ലെ

വെറ്ററൻ താരം ചേതേശ്വർ പൂജാരയ്ക്ക് ഒരിക്കലും ലഭിക്കാത്ത തരത്തിലുള്ള പിന്തുണയാണ് ശുഭ്മാൻ ഗില്ലിന് ലഭിച്ചതെന്ന് മുൻ ഇന്ത്യൻ ക്യാപ്റ്റൻ അനിൽ കുംബ്ലെ അഭിപ്രായപ്പെട്ടു.24 കാരനായ ഗിൽ തൻ്റെ അവസാന 11 ടെസ്റ്റ് ഇന്നിംഗ്‌സുകളിൽ അർദ്ധ സെഞ്ച്വറി നേടിയിട്ടില്ല. കഴിഞ്ഞ വർഷം മാർച്ചിൽ അഹമ്മദാബാദിൽ ഓസ്‌ട്രേലിയയ്‌ക്കെതിരെ ഇന്ത്യയുടെ ആദ്യ ഇന്നിംഗ്‌സിൽ അദ്ദേഹം 128 റൺസ് നേടിയിരുന്നു.

എന്നാൽ അതിനുശേഷം ടെസ്റ്റിൽ അദ്ദേഹത്തിൻ്റെ ഉയർന്ന സ്‌കോർ 36 ആയിരുന്നു.39 ടെസ്റ്റ് ഇന്നിംഗ്‌സുകളിൽ നിന്ന് 30ന് താഴെയാണ് 24-കാരൻ്റെ ശരാശരി.ഇന്ത്യ 28 റൺസിന് തോറ്റ ഇംഗ്ലണ്ടിനെതിരായ ആദ്യ ടെസ്റ്റിൻ്റെ രണ്ട് ഇന്നിംഗ്‌സുകളിൽ അദ്ദേഹം 23 ഉം 0 ഉം നേടി. 100 ടെസ്റ്റുകള്‍ കളിച്ചിട്ടുള്ള ചേതേശ്വര്‍ പൂജാരക്ക് പോലും കിട്ടാത്ത ആനുകൂല്യമാണ് ഇന്ത്യൻ ടെസ്റ്റ് ടീമില്‍ ഗില്ലിന് കിട്ടുന്നതെന്നും കുംബ്ലെ ‘ജിയോസിനിമ’യിൽ പറഞ്ഞു.36-കാരനായ പൂജാര അവസാനമായി ഒരു ടെസ്റ്റ് കളിച്ചത് 2023 ജൂണിലാണ്, ഓസ്‌ട്രേലിയയ്‌ക്കെതിരായ ലോക ടെസ്റ്റ് ചാമ്പ്യൻഷിപ്പ് ഫൈനലിലായിരുന്നു കളിച്ചത്.

അതിനുശേഷം അദ്ദേഹത്തെ അവഗണിക്കപ്പെട്ടു. ഈ മാസം ആദ്യം നടന്ന രഞ്ജി മത്സരത്തിൽ അദ്ദേഹം ഇരട്ട സെഞ്ച്വറി (243 നോട്ടൗട്ട്) നേടിയിരുന്നു. എന്നാൽ ഇംഗ്ലണ്ട് പരമ്പര ആരംഭിക്കുന്നതിന് മുമ്പ് ക്യാപ്റ്റൻ രോഹിത് ശർമ്മ ഇന്ത്യൻ ക്രിക്കറ്റിൽ മുന്നോട്ട് നോക്കാനുള്ള ശ്രമത്തിൽ യുവതാരങ്ങൾക്ക് മുൻഗണന നല്കണമെന്ന് പറയുകയും ചെയ്തു.ടെസ്റ്റില്‍ ഫോമിലാവണമെങ്കില്‍ ഗില്‍ തന്‍റെ ബാറ്റിംഗ് ശൈലിയിലും ടെക്നിക്കിലും മാറ്റം വരുത്തിയെ മതിയാവൂവെന്നും കുംബ്ലെ പറഞ്ഞു.

ഇന്ത്യന്‍ പിച്ചുകളില്‍ മൂന്നാം നമ്പറില്‍ തിളങ്ങണമെങ്കില്‍ പ്രതിഭാധനനായിരിക്കണം. ഗിൽ കൂടുതൽ സ്വതന്ത്രനായിരിക്കണം, റൺസ് സ്കോർ ചെയ്യണം. സ്പിന്നിനെ നേരിടാൻ അയാൾക്ക് സ്വന്തം പ്ലാൻ കൊണ്ടുവരേണ്ടതുണ്ട് എന്നും കുംബ്ലെ പറഞ്ഞു.