ഉറപ്പിച്ചു !! നവംബർ 15ന് വാങ്കഡെ സ്റ്റേഡിയത്തിൽ 2023 ലോകകപ്പിന്റെ ആദ്യ സെമിയിൽ ഇന്ത്യ ന്യൂസിലൻഡിനെ നേരിടും |World Cup 2023
മുംബൈയിൽ ബുധനാഴ്ച നടക്കുന്ന ഐസിസി പുരുഷ ഏകദിന ലോകകപ്പ് 2023-ന്റെ ആദ്യ സെമിയിൽ ടേബിൾ ടോപ്പർമാരായ ഇന്ത്യ ന്യൂസിലൻഡിനെ നേരിടും എന്ന്നുറപ്പായിരിക്കുകയാണ്. നടന്നു കൊണ്ടിരിക്കുന്ന ഇംഗ്ലണ്ടും പാകിസ്ഥാനും തമ്മിലുള്ള മത്സരത്തിൽ എന്ത് സംഭവിച്ചാലും ന്യൂസിലൻഡ് പോയിന്റ് പട്ടികയിൽ നാലാം സ്ഥാനത്തെത്തുമെന്ന് ഉറപ്പായി.
287 റൺസിന് ഇംഗ്ലണ്ടിനെ തോൽപ്പിക്കാൻ കഴിഞ്ഞിരുന്നെങ്കിൽ ബാബർ അസമിന്റെ നേതൃത്വത്തിലുള്ള ടീം അവസാന നാലിൽ ഇടം നേടുമായിരുന്നു.എന്നാൽ ഇംഗ്ലണ്ട് ആദ്യം ബാറ്റ് ചെയ്യാൻ തീരുമാനിച്ചതിനാൽ, പാകിസ്ഥാൻ സെമിഫൈനലിലെത്താനുള്ള സാധ്യതകൾ എല്ലാം അവസാനിച്ചിരിക്കുന്നു. ഇംഗ്ലണ്ടിനെതിരെ ടോസ് നഷ്ടപ്പെട്ട് ബൗൾ ചെയ്യാനെത്തിയ പാകിസ്താന് പോയിന്റ് പട്ടികയിൽ ന്യൂസിലൻഡിന് മുകളിൽ ഫിനിഷ് ചെയ്യാനായി 100 റൺസ് വിജയലക്ഷ്യം 2.5 ഓവറിൽ മറികടക്കണം ,200 റൺസ് വിജയലക്ഷ്യം 4.3 ഓവറിലും 300 റൺസ് വിജയലക്ഷ്യം 6.1 ഓവറിലും മറികടക്കണം.
2.5 ഓവറിൽ 100 റൺസ് സ്‌കോർ ചെയ്യാൻ പാക്കിസ്ഥാനോ ലോകത്തിലെ മറ്റേതെങ്കിലും ടീമിനോ ഒരിക്കലും സാധിക്കാത്തതിനാൽ പാകിസ്ഥാൻ സെമി ഫൈനലിലേക്ക് യോഗ്യത നേടാനുള്ള മത്സരത്തിന് പുറത്താണ്.ഇതുവരെ കളിച്ച എട്ട് മത്സരങ്ങളും വിജയിച്ച ഇന്ത്യ, ഞായറാഴ്ച ബെംഗളുരുവിൽ നെതർലാൻഡ്‌സിനെതിരെയുള്ള ലീഗ് സ്റ്റേജ് കാമ്പെയ്‌ൻ അവസാനിപ്പിക്കും, തുടർന്ന് വാങ്കഡെ സ്റ്റേഡിയത്തിൽ നടക്കുന്ന ആദ്യ സെമിയിൽ കിവിസിനെ നേരിടാൻ മുംബൈയിലേക്ക് പോകും.
2023ലെ ലോകകപ്പിലെ ആദ്യ സെമി 2019ലെ സെമിഫൈനലിന്റെ ആവർത്തനമാകും. ആ പതിപ്പിലും ഇന്ത്യ പോയിന്റ് പട്ടികയിൽ ഒന്നാമതെത്തി, കിവീസ് നാലാം സ്ഥാനം ഉറപ്പിച്ചു. എന്നാൽ മഴ കാരണം മാഞ്ചസ്റ്ററിൽ രണ്ട് ദിവസങ്ങളിലായി നടന്ന ആദ്യ സെമിയിൽ ന്യൂസിലൻഡ് ഇന്ത്യയെ പരാജയപ്പെടുത്തി ഇംഗ്ലണ്ടിനെതിരെ ഫൈനലിൽ ഇടം നേടി.രോഹിത് ശർമ്മയുടെ നേതൃത്വത്തിലുള്ള ടീം നവംബർ 15 ന് ഹോം ആരാധകർക്ക് മുന്നിൽ 2019 ലെ തോൽവിക്ക് പ്രതികാരം ചെയ്യാൻ ആഗ്രഹിക്കുന്നു.
2023 ലോകകപ്പിൽ ഇന്ത്യ ഒരു മത്സരം വാങ്കഡെ സ്റ്റേഡിയത്തിൽ കളിച്ചിട്ടുണ്ട്, ആ മത്സരത്തിൽ ശ്രീലങ്കയെ 302 റൺസിന് തകർത്തു. 2023 ഏകദിന ലോകകപ്പിന്റെ രണ്ടാം സെമി ഫൈനൽ നവംബർ 16 ന് കൊൽക്കത്തയിലെ ഈഡൻ ഗാർഡനിൽ നടക്കും, ആ മത്സരത്തിൽ അഞ്ച് തവണ ചാമ്പ്യൻമാരായ ഓസ്‌ട്രേലിയ ദക്ഷിണാഫ്രിക്കയെ നേരിടും.2023 ഏകദിന ലോകകപ്പിന്റെ ഫൈനൽ ഞായറാഴ്ച (നവംബർ 19) അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടക്കും.
