രോഹിത് ശർമ്മ നായകൻ , വിരാട് കോലിയും സഞ്ജു സാംസണും തിരിച്ചെത്തി : അഫ്ഗാനെതിരായ ടി20 മത്സരങ്ങൾക്കുള്ള ഇന്ത്യൻ ടീമിനെ പ്രഖ്യാപിച്ചു |India vs Afghanistan

അഫ്ഗാനിസ്ഥാനെതിരെ നടക്കാനിരിക്കുന്ന ടി20 ഐ പരമ്പരയ്ക്കുള്ള ടീമിനെ പ്രഖ്യാപിച്ച് ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ).വിരാട് കോഹ്‌ലിയും രോഹിത് ശർമ്മയും 14 മാസത്തെ ഇടവേളയ്ക്ക് ശേഷം ടി20 ഐ ടീമിൽ ഇടംനേടി.നീണ്ട നാളത്തെ കാത്തിരിപ്പ് ശേഷം സഞ്ജു സാംസൺ ടി :20 ടീമിലേക്ക് എത്തുമ്പോൾ സീനിയർ താരങ്ങൾ എല്ലാം തന്നെ ടി :20 ടീമിലേക്ക് തിരികെ എത്തി.

അഫ്‌ഘാൻ എതിരായ ടി :20 പരമ്പരക്കുള്ള ഈ ടീം ഏറെക്കുറെ അടുത്ത ലോകക്കപ്പ് മുൻപായിട്ടുള്ള ഫൈനൽ സ്‌ക്വാഡ് കൂടിയാണ്. യുവ താരങ്ങൾ കൂടിയായ ജൈസ്വാൾ, ഗിൽ, റിങ്കു സിംഗ് അടക്കം ടീമിലേക്ക് എത്തി വിക്കെറ്റ് കീപ്പർ റോളിൽ സഞ്ജു, ജിതേഷ് ശർമ്മ എന്നിവർ വരുമ്പോൾ പരിക്ക് കാരണം പ്രധാന താരങ്ങൾക്ക് ടീമിൽ ഇടം നഷ്ടമായി.അടുത്തിടെ നടന്ന പരമ്പര നഷ്ടമായതിന് ശേഷം വിക്കറ്റ് കീപ്പർ ബാറ്റർ സഞ്ജു സാംസണും ടി20യിലേക്ക് തിരിച്ചുവരുന്നു.

ഹാർദിക് പാണ്ഡ്യ പരിക്ക് കാരണം ടീമിൽ ഇല്ലാത്തതിനാൽ പേസ് ഓൾറൗണ്ടർ ശിവം ദുബെയ്ക്ക് വീണ്ടും ടീമിൽ അവസരം ലഭിച്ചു.ഓസ്‌ട്രേലിയയ്ക്കും ദക്ഷിണാഫ്രിക്കയ്‌ക്കുമെതിരായ അവസാന രണ്ട് ടി 20 ഐ അസൈൻമെന്റുകളിൽ സൂര്യകുമാർ യാദവ് ഇന്ത്യയെ നയിച്ചെങ്കിലും ജോഹന്നാസ്ബർഗിൽ നടന്ന മൂന്നാം ടി 20 ഐ മത്സരത്തിൽ കണങ്കാലിന് പരിക്കേറ്റതിനാൽ അഫ്ഗാനിസ്ഥാൻ പരമ്പര നഷ്ടമായി. രവീന്ദ്ര ജഡേജ, കെ എൽ രാഹുൽ, ശ്രേയസ് അയ്യർ എന്നിവർ ലോകകപ്പിന് മുന്നോടിയായി ടീമിൽ ഇടം പിടിക്കാത്ത ശ്രദ്ധേയ താരങ്ങളാണ്.

അക്‌സർ പട്ടേൽ, വാഷിംഗ്ടൺ സുന്ദർ, രവി ബിഷ്‌ണോയ്, കുൽദീപ് യാദവ് എന്നിവരെ ഉൾപ്പെടുത്തിയെങ്കിലും മൂന്ന് പേസർമാരായ അർഷ്ദീപ് സിംഗ്, അവേഷ് ഖാൻ, മുകേഷ് കുമാർ എന്നിവർ മാത്രമാണ് 16 അംഗ ടീമിൽ ഉള്ളത്.രോഹിതും വിരാടും അവസാനമായി ടി20 കളിച്ചത് 2022ലെ ടി20 ലോകകപ്പിന്റെ സെമിയിൽ ഇംഗ്ലണ്ടിനെതിരെ ഇന്ത്യ തോറ്റ സമയത്താണ്.

രോഹിത് ശർമ്മ (c), ശുഭ്മാൻ ഗിൽ, യശസ്വി ജയ്‌സ്വാൾ, വിരാട് കോലി, തിലക് വർമ്മ, റിങ്കു സിംഗ്, ജിതേഷ് ശർമ്മ (WK), സഞ്ജു സാംസൺ (WK), ശിവം ദുബെ, വാഷിംഗ്ടൺ സുന്ദർ, അക്സർ പട്ടേൽ, രവി ബിഷ്ണോയ്, കുൽദീപ് യാദവ്, അർഷ്ദീപ് സിംഗ് , അവേഷ് ഖാൻ, മുകേഷ് കുമാർ