പ്രതീക്ഷകൾ കൈവിട്ട് കേരളം , രഞ്ജി ഫൈനലിൽ വിദർഭയുടെ ലീഡ് 350 കടന്നു | Ranji Trophy
നാല് വിക്കറ്റിന് 249 റണ്‍സെന്ന ശക്തമായ നിലയില്‍ അഞ്ചാം ദിനം ബാറ്റിംഗ് ആരംഭിച്ച വിദര്ഭക്ക് സ്കോർ 259 ആയപ്പപ്പോൾ കരുൺ നായരേ നഷ്ടമായി. 295 പന്തിൽ നിന്നും 135 റൺസ് നേടിയ കരുൺ നായരേ ആദ്ത്യ സർവാതെ പുറത്താക്കി. പിന്നാലെ വിദര്ഭയുടെ ലീഡ് 300 കടക്കുകയും ചെയ്തു. സ്കോർ 279 ൽവെച്ച് 4 റൺസ് നേടിയ ഹരീഷ് ദുബൈയുടെ വിക്കറ്റ് ഈഡൻ ആപ്പിൾ ടോം സ്വന്തമാക്കി. പിന്നാലെ 25 റൺസ് നേടിയ അക്ഷയ് വാദ്കർ പുറത്തായി. ആദിത്യ സർവാതെയുടെ പന്തിൽ ക്ലീൻ ബൗൾഡായി. വിദര്ഭയുടെ 300 കടക്കുകയും ചെയ്തു. കേരളത്തിന്റെ പ്രതീക്ഷകൾ ഇല്ലാതായികൊണ്ട് വിദര്ഭയുടെ ലീഡ് 350 കടക്കുകയും ചെയ്തു. ലഞ്ചിന്‌ പിരിയുമ്പോൾ വിദർഭ 7 വിക്കറ്റ് നഷ്ടത്തിൽ 314 റൺസ് നേടിയിട്ടുണ്ട്. 351 റൺസിന്റെ ലീഡാണുള്ളത് .
37 റൺസിന്റെ നിർണായക ലീഡുമായി രണ്ടാം ഇന്നിങ്സിൽ ബാറ്റിങ്ങിന് ഇറങ്ങിയ വിദർഭക്ക് രണ്ടാം ഓവറിലെ ആദ്യ പന്തിൽ തന്നെ വിക്കറ്റ് നഷ്ടമായി. ജലജ് സക്സേനയുടെ ആദ്യ പന്തിൽ തന്നെ പാർത്ഥ് രേഖാഡെ പൂജ്യത്തിനു പുറത്തായി. കേരള ബൗളർമാർ സമ്മർദം ചെലുത്തി പന്തെറിഞ്ഞതോടെ വിദർഭ പ്രതിരോധത്തിലായി. മൂന്നാം ഓവറിൽ സ്കോർ ബോർഡിൽ 7 റൺസ് മാത്രമുള്ളപ്പോൾ വിദര്ഭക്ക് രണ്ടാം വിക്കറ്റും നഷ്ടമായി. അഞ്ചു റൺസ് നേടിയ മറ്റൊരു ഓപ്പണർ ധ്രുവ് ഷോറിയെ നിധീഷ് പുറത്താക്കി .
എന്നാൽ മൂന്നാം വിക്കറ്റിൽ ചേർന്ന ആദ്യ ഇന്നിങ്സിലെ സെഞ്ചുറി താരം ഡാനിഷ് മാലേവാർ- കരുൺ നായർ സഖ്യം വിദര്ഭയെ മുന്നോട്ട് കൊണ്ട് പോയി.കരുൺ നായരെ പുറത്താക്കാനുള്ള നിർണായക അവസരം അക്ഷയ് ചന്ദ്രൻ കൈവിടുകയും ചെയ്തു.ഏദൻ ആപ്പിൾ ടോം എറിഞ്ഞ പത്തൊമ്പതാം ഓവറിൽ കരുൺ നായരുടെ ബാറ്റിങ് എഡ്ജിൽ കൊണ്ട പന്ത് ക്യാച്ചായി മാറിയെങ്കിലും താരത്തിന് കൈപ്പിടിയിലൊതുക്കാനായില്ല.
ഇരു താരങ്ങളും അർധസെഞ്ചുറി പൂർത്തിയാക്കുകയും 100 റൺസിന്റെ കൂട്ടുകെട്ട് പടുത്തുയർത്തുകയും ചെയ്തു. ലീഡ് 200 കടത്തുകയും ചെയ്തു. വിദർഭ സ്കോർ 188 ആയപ്പോൾ കരുൺ നായർ സെഞ്ച്വറി പൂർത്തിയാക്കി. 184 പന്തിൽ നിന്നും 7 ബൗണ്ടറിയും രണ്ടു സിക്‌സും അടക്കമാണ് കരുൺ മൂന്നക്കത്തിലെത്തിയത് . സ്കോർ 189 ആയപ്പോൾ 73 റൺസ് നേടിയ ഡാനിഷ് മാലേവാറിനെ അക്ഷയ് ചന്ദ്രൻ പുറത്താക്കി. ചായയ്ക്ക് ശേഷം സ്കോർ 238 ലെത്തിയെപ്പോൾ വിദര്ഭക്ക് നാലാം വിക്കറ്റു നഷ്ടമായി. 24 റൺസ് നേടിയ യാഷ് റാത്തോഡിനെ സർവാതെ പുറത്താക്കി.നേരത്തേ ടോസ് നേടി വിദര്ഭയെ ബാറ്റിങ്ങിനയച്ച കേരളം 379 റണ്‍സിന് പുറത്താക്കിയിരുന്നു. ഡാനിഷ് മാലേവറിന്റെ സെഞ്ചുറിയാണ് വിദര്ഭയെ രക്ഷിച്ചത്. മറുപടി ബാറ്റിങ്ങില്‍ കേരളം 342 റണ്‍സിന് പുറത്തായി.
