‘പൂരന്റെ പവർ-ഹിറ്റിംഗ് മാസ്റ്റർക്ലാസ് ‘: എൽഎസ്ജിയെ കൂറ്റൻ സ്കോറിലെത്തിച്ച് ഇടം കയ്യൻ പവർ ഹിറ്റർ | IPL2025

കൊൽക്കത്ത നൈറ്റ് റൈഡേഴ്‌സിനെതിരെ ലഖ്‌നൗ സൂപ്പർ ജയന്റ്‌സിന് 20 ഓവറിൽ 238/3 എന്ന കൂറ്റൻ സ്‌കോർ പടുത്തുയർത്താൻ നിക്കോളാസ് പൂരന്റെ മികവ് മറ്റൊരു പവർ-ഹിറ്റിംഗ് മാസ്റ്റർക്ലാസ് ആയി മാറി.ഈഡൻ ഗാർഡൻസിലെ ജനക്കൂട്ടം വലിയ വെടിക്കെട്ട് ബാറ്റിഗിന് സാക്ഷ്യം വഹിച്ചു. ബൗണ്ടറികൾ ഒഴുകിയെത്തി. ഐപിഎൽ ചരിത്രത്തിൽ എൽഎസ്ജിയുടെ രണ്ടാമത്തെ ഉയർന്ന ആദ്യ ഇന്നിംഗ്‌സ് സ്കോറാണിത്.

കഴിഞ്ഞ വർഷം ഇതേ വേദിയിൽ പിബികെഎസ് നേടിയ 262/2 ന് പിന്നിൽ, കെകെആറിനെതിരെയുള്ള രണ്ടാമത്തെ ഉയർന്ന ടീം സ്കോർ കൂടിയാണിത്. ആദ്യം ബാറ്റ് ചെയ്ത ശേഷം എൽഎസ്ജി അവരുടെ ഇന്നിംഗ്‌സിൽ 15 സിക്‌സറുകൾ അടിച്ചു, ഇത് ടൂർണമെന്റിന്റെ ചരിത്രത്തിലെ അവരുടെ രണ്ടാമത്തെ ഏറ്റവും ഉയർന്ന സ്‌കോറാണ്. 2023 ൽ ലഖ്‌നൗവിൽ ഡിസിക്കെതിരെയും ഈ സീസണിന്റെ തുടക്കത്തിൽ വിശാഖപട്ടണത്ത് ഡിസിക്കെതിരെയും അവർ 16 സിക്‌സറുകൾ വീതം അടിച്ചു.വെറും 36 പന്തിൽ ഏഴ് ഫോറും എട്ട് സിക്സും സഹിതം 87 റൺസ് നേടി പൂരൻ പുറത്താകാതെ നിന്നു. വെറും 21 പന്തിൽ നിന്ന് അർദ്ധശതകം നേടി.

മിച്ചൽ മാർഷ് 48 പന്തിൽ ആറ് ഫോറും അഞ്ച് കൂറ്റൻ സിക്സറും സഹിതം 81 റൺസ് നേടി.ലഖ്‌നൗവിനായി ഐഡൻ മാർക്രാമും മിച്ചൽ മാർഷും ചേർന്ന് ആദ്യ വിക്കറ്റ് കൂട്ടുകെട്ട് സൃഷ്ടിച്ചു,പവർപ്ലേയ്ക്ക് ശേഷവും ആക്രമണാത്മകമായി കളിച്ച ഈ ജോഡി 10 ഓവറിൽ 99 റൺസിന്റെ കൂട്ടുകെട്ട് പടുത്തുയർത്തി മികച്ച തുടക്കം നൽകി.നിക്കോളാസ് പൂരൻ – മാർഷ് സഖ്യം മധ്യ ഓവറുകളിൽ മികച്ച പ്രകടനം കാഴ്ചവെച്ച ഈ ജോഡി രണ്ടാം വിക്കറ്റിൽ 71 റൺസിന്റെ കൂട്ടുകെട്ട് പടുത്തുയർത്തി. തുടർന്ന് റസ്സൽ മാർഷിനെ 81 റൺസിന് പുറത്താക്കി (48). എന്നാൽ മറുവശത്ത്, സമയം കഴിയുന്തോറും തീവ്രത വർദ്ധിപ്പിച്ച നിക്കോളാസ് പൂരൻ 18-ാം ഓവറിൽ 4, 0, 4, 6, 4, 6 എന്നിങ്ങനെ സ്കോർ ചെയ്ത് 24 റൺസ് നേടി തന്റെ സെഞ്ച്വറിക്ക് അടുത്തെത്തി.

സ്ഥിരതയാർന്ന പ്രകടനം കാഴ്ചവയ്ക്കുന്ന പൂരൻ സെഞ്ച്വറി നേടുമെന്ന് പ്രതീക്ഷിച്ചിരുന്നെങ്കിലും, 19-ാം ഓവറിലും 20-ാം ഓവറിലും ഹർഷൽ പട്ടേലും വൈഭവ് അറോറയും കുറച്ച് നിയന്ത്രണത്തോടെ പന്തെറിഞ്ഞു. അങ്ങനെ, അവസാന 2 ഓവറിൽ 11 റൺസ് മാത്രം നേടിയ പൂരന് ഒരു സെഞ്ച്വറി നഷ്ടമായി.പൂരൻ 1198 പന്തുകളിൽ നിന്ന് 2000 റൺസ് നേടിയിട്ടുണ്ട്. ഇതോടെ, ഐപിഎൽ ചരിത്രത്തിൽ ഏറ്റവും വേഗത്തിൽ 2000 റൺസ് നേടുന്ന രണ്ടാമത്തെ കളിക്കാരനെന്ന വീരേന്ദർ സേവാഗിന്റെ റെക്കോർഡ് അദ്ദേഹം മറികടന്നു.1. ആന്ദ്രേ റസ്സൽ: 1120 2. നിക്കോളാസ് പൂരൻ: 1198* 3. വീരേന്ദർ സെവാഗ്: 1211 4. ക്രിസ് ഗെയ്ൽ: 1251 5. ഋഷഭ് പന്ത്: 1306

എൽഎസ്ജിയുടെ ഏറ്റവും ഉയർന്ന ഒന്നാം ഇന്നിംഗ്സ് സ്കോറുകൾ :-
257/5 പിബികെഎസിനെതിരെ, മൊഹാലി, 2023
238/3 കെകെആറിനെതിരെ, കൊൽക്കത്ത, 2025
214/6 എംഐ, മുംബൈ വെസ്റ്റ് ഇൻഡീസ്, 2024
210/0 കെകെആറിനെതിരെ, മുംബൈ ഡിവൈപി, 2022
209/8 ഡിസിക്കെതിരെ, വിശാഖപട്ടണം, 2025