ഫ്രഞ്ച് ലീഗ് ചാമ്പ്യൻമാരായ പാരിസ് സെന്റ് ജെർമെയ്‌നുമായുള്ള ആറ് വർഷത്തെ ജീവിതത്തിന് ശേഷം സൗദി പ്രോ ലീഗ് ക്ലബ് അൽ-ഹിലാലിനൊപ്പം ചേരാൻ ബ്രസീലിയൻ സ്‌ട്രൈക്കർ നെയ്മർ ജൂനിയർ സൗദി അറേബ്യയിലേക്ക് പോകും. ലാറ്റിനമേരിക്കൻ സൂപ്പർ താരം സൗദി ക്ലബ് അൽ-ഹിലാലുമായി രണ്ട് വർഷത്തെ കരാറിൽ ഒപ്പുവെച്ചു .
ക്രിസ്റ്റ്യാനോ റൊണാൾഡോയ്ക്ക് ശേഷം സൗദി പ്രോ ലീഗിൽ ചേരുന്ന ഏറ്റവും വലിയ താരമാണ് നെയ്മർ.90 മില്യൺ യൂറോക്കാണ് താരത്തെ അൽ ഹിലാൽ സ്വന്തമാക്കിയത്.സൗദി പ്രോ ലീഗിലെ മറ്റ് സ്റ്റാർ സോക്കർ കളിക്കാരുമായി താരതമ്യപ്പെടുത്തുമ്പോൾ നെയ്മർ എത്രമാത്രം സമ്പാദിക്കുമെന്നും അദ്ദേഹത്തിന്റെ പ്രതിഫലം എത്രയാണെന്നും നോക്കാം.നെയ്മറുടെ സാലറി പാക്കേജ് ചരിത്രത്തിലെ തന്നെ ഏറ്റവും ഉയർന്നതാണ്. 320 മില്യൻ ഡോളറാണ് (2600 കോടി) ഫിക്‌സഡ് സാലറി പാക്കേജെങ്കിലും അത് ആഡ് ഓണുകൾ ഉൾപ്പെടുമ്പോൾ നാനൂറു മില്യണിലധികം വരും.രണ്ടുവർഷത്തെ കരാറിൽ 300 മുതൽ 400 വരെ പ്രതിഫലം ലഭിക്കുമെന്ന് ഫാബ്രിസിയോ റൊമാനോ റിപ്പോർട്ട് ചെയ്തു.
അൽ ഹിലാലിലേക്കുള്ള നെയ്മറിന്റെ ട്രാൻസ്ഫർ സൗദി ലീഗിൽ ഏറ്റവും കൂടുതൽ വരുമാനം നേടുന്നവരിൽ ഒരാളായി അദ്ദേഹത്തെ ഉയർത്തി.പ്രതിവർഷം $150 ദശലക്ഷം,പ്രതിമാസം $12.5 ദശലക്ഷം,ആഴ്ചയിൽ ഏകദേശം $2.0548 ദശലക്ഷം
പ്രതിദിനം ഏകദേശം $410,958.90,മണിക്കൂറിന് ഏകദേശം $17,123.29 എന്നിങ്ങനെയാണ് നെയ്മർക്ക് ക്ലബിൽ നിന്നും ലഭിക്കുനന് വരുമാനം.ഒരു സ്വകാര്യ ജെറ്റ്,പേഴ്സണൽ സ്റ്റാഫുള്ള ഒരു മാൻഷൻ ,ഓരോ അൽ ഹിലാൽ വിജയത്തിനും 80,000 യൂറോ ബോണസ് സൗദി അറേബ്യയെ പ്രമോട്ട് ചെയ്യുന്നതിനായി അദ്ദേഹം പോസ്റ്റുചെയ്യുന്ന ഓരോ വാർത്തയ്ക്കും 500,000 യൂറോ എന്നിവ ലഭിക്കും.
നെയ്മറുമായി കരാർ ഒപ്പുവെച്ചതുൾപ്പെടെയുള്ള വിവരങ്ങൾ അൽഹിലാൽ ഔദ്യോഗികമായി ട്വിറ്ററിലൂടെ പുറത്തുവിട്ടു. ഇഷ്ട നമ്പറായ പത്ത് തന്നെയാണ് നെയ്മർക്ക് ലഭിക്കുക. ക്രിസ്റ്റ്യാനോ റൊണാൾഡോ, കരീം ബെൻസേമ, സാദിയോ മാനെ, എൻഗോളോ കാന്‍റെ, റിയാദ് മെഹ്‌റസ് തുടങ്ങിയ പ്രമുഖ താരങ്ങൾ സൗദിയിലേക്ക് ചേക്കേറിയതിന് പിന്നാലെയാണ് നെയ്മറും അവിടെയെത്തുന്നത്. ശനിയാഴ്ച റിയാദിലെ കിങ് ഫഹദ് സ്റ്റേഡിയത്തിലായിരിക്കും താരത്തിന്റെ അരങ്ങേറ്റം.2017ൽ ലോക റെക്കോഡ് തുകയായ 222 ദശലക്ഷം യൂറോക്കാണ് നെയ്മർ ബാഴ്സലോണയിൽ നിന്ന് പി.എസ്.ജിയിൽ എത്തിയത്. ആറു വർഷത്തെ പി.എസ്.ജി കരിയറിൽ 173 മത്സരങ്ങളിൽ നിന്ന് 118 ഗോളുകൾ നേടിയിട്ടുണ്ട്.
