‘രക്ഷകൻ’ : കന്നി ടെസ്റ്റ് ഫിഫ്‌റ്റിയുമായി ഇന്ത്യയെ ഫോള്ളോ ഓണിൽ നിന്നും രക്ഷിച്ച നിതീഷ് കുമാർ റെഡ്ഡി | Nitish Kumar Reddy

രോഹിത് ശർമ്മ, വിരാട് കോലി, കെ എൽ രാഹുൽ, ഋഷഭ് പന്ത്, ജഡേജ തുടങ്ങിയ വെറ്ററൻ താരങ്ങൾ റൺസെടുക്കാൻ പാടുപെടുന്ന മെൽബൺ പിച്ചിൽ യുവതാരങ്ങൾ മിന്നുന്ന പ്രകടനമാണ് നടത്തിയത്. 118 പന്തിൽ 82 റൺസ് നേടി യശസ്വി ജയ്‌സ്വാൾ ടീമിന് മികച്ച തുടക്കം നൽകിയപ്പോൾ, പന്തിൻ്റെ പുറത്താകലിന് ശേഷം നിതീഷ് കുമാർ റെഡ്ഡി ടീമിൻ്റെ രക്ഷകന്റെ വേഷം ഏറ്റെടുത്തു.

നിതീഷ് കുമാർ റെഡ്ഡി തൻ്റെ കരിയറിലെ ആദ്യ ഫിഫ്റ്റി അടിച്ചു. ബോർഡർ-ഗവാസ്‌കർ ട്രോഫിക്കുള്ള ടീമിൽ തന്നെ തിരഞ്ഞെടുത്ത് സെലക്ഷൻ കമ്മിറ്റി ശരിയായ തീരുമാനമാണ് എടുത്തതെന്ന് അദ്ദേഹം തെളിയിച്ചു. മെൽബണിൽ നിതീഷിൻറെ അർധസെഞ്ചുറി ഇന്ത്യയെ ഫോള്ളോ ഓണിൽ നിന്നും രക്ഷിക്കുകയും ചെയ്തു. എട്ടാം വിക്കറ്റിൽ വാഷിംഗ്‌ടൺ സുന്ദറിനൊപ്പം ചേർന്ന് 50 റൺസ് കൂട്ടുകെട്ട് പടുത്തുയർത്തുകയും ഇന്ത്യയെ തകർച്ചയിൽ നിന്നും രക്ഷിക്കുകയും ചെയ്തു.

മെൽബൺ ടെസ്റ്റിൽ ഓസ്‌ട്രേലിയയ്‌ക്കെതിരെ നിതീഷ് കുമാർ 80 പന്തുകൾ നേരിട്ട 50 റൺസ് തികച്ചു. ഇതിനിടയിൽ 4 ഫോറും 1 സിക്സും അടിച്ചു. ഓസ്‌ട്രേലിയയിൽ പിറന്ന അദ്ദേഹത്തിൻ്റെ ആദ്യ ടെസ്റ്റ് അർധസെഞ്ചുറിയാണിത്. ബോർഡർ-ഗവാസ്‌കർ ട്രോഫിയുടെ ആദ്യ ടെസ്റ്റിനിടെയാണ് നിതീഷ് ഇന്ത്യൻ ടെസ്റ്റ് ടീമിൽ അരങ്ങേറ്റം കുറിച്ചത്. ഇതുവരെ 4 ടെസ്റ്റ് മത്സരങ്ങൾ കളിച്ച അദ്ദേഹം ബാറ്റുകൊണ്ട് 222 റൺസ് നേടിയിട്ടുണ്ട്. ടീമിലെ മുതിർന്ന കളിക്കാർ സ്വാധീനം ചെലുത്തുന്നതിൽ പരാജയപ്പെട്ടപ്പോഴും, ഓസ്‌ട്രേലിയയുടെ ലോകോത്തര ബൗളർമാർക്കെതിരായ നിർഭയമായ സമീപനത്തിൽ അദ്ദേഹം മതിപ്പുളവാക്കി.

ഒരു വിക്കറ്റ് മാത്രമേ അദ്ദേഹം നേടിയിട്ടുള്ളൂവെങ്കിലും നാലാമത്തെ സീം ബൗളിംഗ് ഓപ്ഷനായി അദ്ദേഹം ഉയർന്നു. ടെസ്റ്റിൽ ഇന്ത്യയ്ക്ക് ആവശ്യമായ ഓൾറൗണ്ടറായാണ് റെഡ്ഡി ഇപ്പോൾ അറിയപ്പെടുന്നത്.അഞ്ച് മത്സരങ്ങളുടെ ടെസ്റ്റ് പരമ്പരയിൽ നിതീഷ് മികച്ച പ്രകടനം പുറത്തെടുത്തിട്ടുണ്ട്. ആദ്യ രണ്ട് ടെസ്റ്റുകളിൽ മൂന്ന് ഇന്നിംഗ്‌സുകളിലായി ഇന്ത്യ 150, 180, 175 റൺസിന് പുറത്തായപ്പോൾ അദ്ദേഹം 41, 42, 42 എന്നിങ്ങനെ സ്‌കോർ ചെയ്തു.ബാറ്റർമാർ മികച്ച പ്രകടനം പുറത്തെടുക്കുകയും ബോർഡിൽ 487/6 റൺസ് നേടുകയും ചെയ്തപ്പോൾ യുവ ക്രിക്കറ്റ് താരം 27 പന്തിൽ പുറത്താകാതെ 38 റൺസ് നേടി.