‘സഞ്ജു സാംസൺ vs ജിതേഷ് ശർമ്മ’: ബംഗ്ലാദേശിനെതിരെയുള്ള ടി20 പരമ്പരയിൽ ഇന്ത്യയുടെ പ്ലേയിംഗ് ഇലവനിൽ ആര് സ്ഥാനം പിടിക്കും | Sanju Samson
ബംഗ്ലാദേശിനെതിരെയുള്ള ടി20 പരമ്പരയിൽ ഇന്ത്യയുടെ പ്ലേയിംഗ് ഇലവനിൽ ഒരു സ്ഥാനത്തിനായി കീപ്പർ-ബാറ്റർമാരായ സഞ്ജു സാംസണും ധ്രുവ് ജുറലും തമ്മിലുള്ള കടുത്ത പോരാട്ടം കാണാൻ സാധിക്കും. ഒക്ടോബർ 6 ന് ആരംഭിക്കുന്ന മൂന്ന് മത്സര ടി20 ഐ പരമ്പരയ്ക്കുള്ള ടീമിൽ രണ്ട് കീപ്പർ-ബാറ്റർമാരെയും ഉൾപ്പെടുത്തിയിട്ടുണ്ട്.
ഫസ്റ്റ് ചോയ്‌സ് കീപ്പർ ഋഷഭ് പന്തിൻ്റെ അഭാവത്തിൽ, സാംസണും ജൂറലും തങ്ങളുടെ മുദ്ര പതിപ്പിക്കാനാണ് ലക്ഷ്യമിടുന്നത്.കേരള താരം സഞ്ജു സാംസണിൻ്റെ ബെഞ്ചിനൊപ്പമുള്ള പ്രണയം പുതിയ കാര്യമല്ല. വാസ്തവത്തിൽ, നിരവധി അവസരങ്ങളിൽ സ്ക്വാഡിൻ്റെ ഭാഗമായിരുന്നിട്ടും അദ്ദേഹം മൈതാനത്തേക്കാൾ കൂടുതൽ സമയം ചിലവഴിച്ചത് ബെഞ്ചിലായിരുന്നു.മുൻകാലങ്ങളിൽ സഞ്ജു അവസരങ്ങൾ പാഴാക്കുന്നത് നമ്മൾ പലപ്പോഴും കണ്ടിട്ടുണ്ട്, ഓരോ തവണയും ബെഞ്ചിലിരിക്കുമ്പോൾ ആരാധകരുടെ ഭാഗത്ത് നിന്നും രോഷം ഉണ്ടാവുകയും ചെയ്തു.
സാംസണിൻ്റെ സമീപകാല ഫോമിനെക്കുറിച്ച് പറയുമ്പോൾ, ജൂലൈയിൽ ശ്രീലങ്കയ്‌ക്കെതിരെ കീപ്പർ-ബാറ്റർ തൻ്റെ അവസാന ടി20 കളിക്കുകയും രണ്ടു തവണ പൂജ്യത്തിനു പുറത്താവുകയും ചെയ്തു.2015-ൽ തന്നെ മെൻ ഇൻ ബ്ലൂ ടീമിനായി അരങ്ങേറ്റം കുറിച്ചപ്പോൾ, ഇതുവരെ 44 മത്സരങ്ങൾ മാത്രമാണ് അദ്ദേഹം കളിച്ചത്. 2024-ലെ ടി20 ലോകകപ്പിനുള്ള ടീമിൽ ഇടംപിടിച്ചെങ്കിലും ടൂർണമെൻ്റിലുടനീളം സാംസൺ ബെഞ്ചിലായിരുന്നു.ഇന്ത്യൻ ടീമിൽ ഇടം പിടിക്കാൻ വേണ്ടിയുള്ള കീപ്പർമാരുടെ നീണ്ട നിരയിൽ സാംസണെപ്പോലെ ജിതേഷ് ശർമ്മയും കാത്തിരിപ്പിൻ്റെ ഇരയാണ്.
ഒരിക്കൽ കൂടി തൻ്റെ എതിരാളിയെപ്പോലെ, തൻ്റെ കഴിവ് തെളിയിക്കാനും ഗെയിമിൻ്റെ ഏറ്റവും ചെറിയ ഫോർമാറ്റിൽ കീപ്പർ സ്ഥാനത്തിനായുള്ള മത്സരത്തിൽ സ്വയം നിലനിർത്താനും അദ്ദേഹത്തിന് ബംഗ്ലാദേശ് പരമ്പരയിൽ അവസരം ലഭിക്കും.ജിതേഷിൻ്റെ ടി20 കരിയറിൻ്റെ കാര്യം പറയുമ്പോൾ, വെറും 9 മത്സരങ്ങൾ മാത്രം കളിച്ച അദ്ദേഹം ഇതുവരെ 100 റൺസ് നേടിയിട്ടുണ്ട്.
IND vs BAN T20I കൾക്കുള്ള ഇന്ത്യൻ ടീം: സൂര്യകുമാർ യാദവ് (C), അഭിഷേക് ശർമ്മ, സഞ്ജു സാംസൺ (Wk), റിങ്കു സിംഗ്, ഹാർദിക് പാണ്ഡ്യ, റിയാൻ പരാഗ്, നിതീഷ് കുമാർ റെഡ്ഡി, ശിവം ദുബെ, വാഷിംഗ്ടൺ സുന്ദർ, രവി ബിഷ്‌ണോയ്, വരുൺ ചകരവർത്തി, ജിതേഷ് ശർമ്മ (wk), അർഷ്ദീപ് സിംഗ്, ഹർഷിത് റാണ, മായങ്ക് യാദവ്
