‘സർഫറാസ് ഖാന് ജിം ബോഡി ഇല്ലെങ്കിലും മണിക്കൂറുകളോളം ബാറ്റ് ചെയ്യാൻ കഴിയും’ : മുഹമ്മദ് കൈഫ് | Sarfaraz Khan
ന്യൂസിലൻഡിനെതിരായ ആദ്യ ടെസ്റ്റിൻ്റെ രണ്ടാം ഇന്നിംഗ്സിൽ തൻ്റെ കന്നി ടെസ്റ്റ് സെഞ്ച്വറി നേടിയ സർഫറാസ് ഖാനെ മുഹമ്മദ് കൈഫ് അഭിനന്ദിച്ചു. 150 റൺസെടുത്ത സർഫറാസ് ഖാൻ കിവീസിൻ്റെ 356 റൺസിൻ്റെ ലീഡ് മറികടക്കാൻ ഇന്ത്യയെ സഹായിച്ചു മത്സരത്തിൽ ഇന്ത്യ 8 വിക്കറ്റിന് പരാജയപ്പെട്ടെങ്കിലും സർഫ്രാസിന്റെ ഇന്നിംഗ്സ് ഏറെ കയ്യടി നേടി.
ന്യൂസിലൻഡ് ആദ്യ ഇന്നിംഗ്സിൽ 402 റൺസ് നേടി, രച്ചിൻ രവീന്ദ്രയുടെ 134 റൺസിന്റെ പിൻബലത്തിൽ 356 റൺസിൻ്റെ ലീഡ് നേടി. മൂന്നാം ദിനത്തിലെ അവസാന പന്തിൽ 70 റൺസിന് വിരാട് കോഹ്‌ലിയെ നഷ്ടമായ ഇന്ത്യ ഓവർനൈറ്റ് സ്‌കോറായ 231-3ൽ നിന്ന് തുടങ്ങിയിരുന്നു. പരിക്കേറ്റ ശുഭ്മാൻ ഗില്ലിന് പകരക്കാരനായി രണ്ടാം ടെസ്റ്റിനിറങ്ങിയ ഖാൻ നാലാം ടെസ്റ്റിൽ മാത്രമാണ് തൻ്റെ കന്നി സെഞ്ച്വറി നേടിയത്. 18 ബൗണ്ടറികളും 3 സിക്‌സറുകളും അദ്ദേഹത്തിൻ്റെ ഇന്നിംഗ്സ്.
“ഫിറ്റ്നസ് കാരണം സർഫ്രാസിനെ പുറത്താക്കരുതെന്ന് ഞാൻ എപ്പോഴും വാദിച്ചിരുന്നു. അദ്ദേഹത്തിന് ജിം ബോഡി ഇല്ലെങ്കിലും മണിക്കൂറുകളോളം ബാറ്റ് ചെയ്യാൻ കഴിയും. ക്രിക്കറ്റ് എല്ലാവരെയും ഉൾക്കൊള്ളുന്ന ഒരു കളിയാണ്” കൈഫ് പറഞ്ഞു.”സർഫ്രാസ് തൻ്റെ ജീവിതത്തിൽ നിരവധി പ്രയാസകരമായ സാഹചര്യങ്ങൾ നേരിട്ടിട്ടുണ്ട്. ഫിറ്റ്നസിൻ്റെ കാര്യത്തിലും കടുത്ത വിമർശനങ്ങൾ നേരിടേണ്ടി വന്നിരുന്നു. എന്നിരുന്നാലും, ആഭ്യന്തര ക്രിക്കറ്റിൽ അദ്ദേഹം നന്നായി കളിക്കുകയും തുടർച്ചയായ സെഞ്ച്വറികൾ നേടുകയും ചെയ്തു. എന്നെ സംബന്ധിച്ചിടത്തോളം ഫിറ്റ്നസ് ഒരിക്കലും അദ്ദേഹത്തിന് ഒരു പ്രശ്‌നമാകില്ലെന്ന് ഞാൻ കരുതുന്നു” കൈഫ് കൂട്ടിച്ചേർത്തു.
“എന്നെ സംബന്ധിച്ചിടത്തോളം, അവൻ ടെസ്റ്റ് ക്രിക്കറ്റിന് അനുയോജ്യമായ കളിക്കാരനാണ്, കാരണം ഈ ഫിറ്റ്നസ് ഉണ്ടെങ്കിലും ഒരു ദിവസം മുഴുവൻ ഫീൽഡിൽ തുടരാനും ബാറ്റ് ചെയ്യാനും അദ്ദേഹത്തിന് കഴിയും. അവൻ ബാറ്റ് ചെയ്യുന്ന രീതി അതിശയകരമാണ്. എന്നെ സംബന്ധിച്ചിടത്തോളം ടെസ്റ്റ് ടീമിൽ തുടർച്ചയായി കളിക്കേണ്ട കളിക്കാരനാണെന്നാണ് താൻ കരുതുന്നു” കൈഫ് പറഞ്ഞു.
I have always maintained Sarfraz shouldn't be kept out because of fitness. He doesn't have a gym body but can bat for hours. Cricket is a game that accomodates all. https://t.co/NBpC7ewpO3
— Mohammad Kaif (@MohammadKaif) October 19, 2024
ഇന്ത്യൻ ടീമിൻ്റെ ബാറ്റിംഗ് കരുത്ത് കാരണം, കഴിഞ്ഞ നിരവധി പരമ്പരകളിൽ സ്ഥിരമായി ടെസ്റ്റ് ടീമിൽ ഇടം നേടാൻ അദ്ദേഹത്തിന് സാധിച്ചിരുന്നില്ല. കിവീസിനെതിരെ ഗില്ലിന് പരിക്കേറ്റതിനെ തുടർന്ന് സർഫ്രാസിനു കളിക്കാൻ അവസരം ലഭിച്ചു. ഇപ്പോൾ ആ അവസരം വളരെ ദൃഢമായി മുറുകെ പിടിക്കുകയും സ്ഥിരം സ്ഥാനം ഉറപ്പിക്കുകയും ചെയ്തു എന്ന് പറയണം.ആദ്യ ഇന്നിംഗ്സിൽ നാലാമനായി കളത്തിൽ ഇറങ്ങി റണ്ണൊന്നുമെടുക്കാതെ ഔട്ടായെങ്കിലും രണ്ടാം ഇന്നിംഗ്സിൽ മിന്നുന്ന പ്രകടനമാണ് പുറത്തെടുത്തത് .195 പന്തിൽ 18 ഫോറും മൂന്ന് സിക്സും സഹിതം 150 റൺസെടുത്തു. ഇന്നിംഗ്സ് തോൽവിയെ അതിജീവിച്ച ഇന്ത്യൻ ടീം അദ്ദേഹത്തിൻ്റെ മികച്ച പ്രകടനത്തിൻ്റെ ബലത്തിൽ 107 റൺസിൻ്റെ ലീഡ് നേടാനും സാധിച്ചു.
