❛ഷമി ഹീറോ ആടാ..ഹീറോ..❜ : ലോകകപ്പിൽ ഏറ്റവും വേഗത്തിൽ 50 വിക്കറ്റ് തികയ്ക്കുന്ന താരമായി മുഹമ്മദ് ഷമി | Mohammed Shami
ന്യൂസിലൻഡിനെതിരെ മുബൈയിൽ നടന്നുകൊണ്ടിരിക്കുന്ന സെമിഫൈനലിൽ മിന്നുന്ന പ്രകടനമാണ് ഇന്ത്യൻ പേസർ മുഹമ്മദ് ഷമി പുറത്തെടുത്തു കൊണ്ടിരിക്കുന്നത്.വാങ്കഡെ സ്റ്റേഡിയത്തിൽ ടോം ലാതമിന്റെ വിക്കറ്റ് നേടിയതോടെ ഏകദിന ലോകകപ്പിന്റെ ചരിത്രത്തിൽ ഏറ്റവും വേഗത്തിൽ 50 വിക്കറ്റ് നേടുന്ന ബൗളറായി വലംകൈയ്യൻ പേസർ ഷമി മാറി.
17 മത്സരങ്ങളിൽ നിന്നാണ് ഷമി 50 വിക്കറ്റ് തികച്ചത്.ഓസ്‌ട്രേലിയൻ പേസർ മിച്ചൽ സ്റ്റാർക്ക് 19 മത്സരങ്ങളിൽ നിന്ന് ഏറ്റവും വേഗത്തിൽ 50 വിക്കറ്റ് തികച്ച താരമായിരുന്നു.ലോകകപ്പിൽ 50 വിക്കറ്റ് തികയ്ക്കുന്ന ആദ്യ ഇന്ത്യക്കാരനും മൊത്തത്തിൽ ഏഴാമത്തെ ബൗളറുമായി ഷമി.സ്റ്റാർക്കിനെ കൂടാതെ (59), ന്യൂസിലൻഡിന്റെ ട്രെന്റ് ബോൾട്ട് (52), പാക്കിസ്ഥാന്റെ വസീം അക്രം (55), SL ന്റെ മുത്തയ്യ മുരളീധരൻ (68), SL ന്റെ ലസിത് മലിംഗ (56), ഓസ്‌ട്രേലിയയുടെ ഗ്ലെൻ മഗ്രാത്ത് (71) എന്നിവരും ലോകകപ്പിൽ 50 വിക്കറ്റ് നേട്ടം സ്വന്തമാക്കിയിട്ടുണ്ട്.
ടൂർണമെന്റിൽ ഷമിയുടെ ബൗളിംഗ് ശരാശരി 13 പ്ലസ് ആണ്.കുറഞ്ഞത് 25 WC വിക്കറ്റുകളുള്ള മറ്റൊരു ബൗളർക്കും ശരാശരി 16 പോലും ഇല്ല.ടൂർണമെന്റിലെ ആദ്യ നാല് മത്സരങ്ങളിൽ ബെഞ്ചിലിരുന്ന ഷമി 6 മത്സരങ്ങളിൽ നിന്ന് രണ്ട് അഞ്ച് വിക്കറ്റ് നേട്ടങ്ങൾ ഉൾപ്പെടെ 20 വിക്കറ്റ് നേടിയിട്ടുണ്ട്. ഇന്നത്തെ മത്സരത്തിൽ ഇതുവരെ നാല് വിക്കറ്റുകളാണ്‌ ഷമി നേടിയത്.15 പന്തില്‍ നിന്ന് 13 റണ്‍സെടുത്ത ഡെവോണ്‍ കോണ്‍വെയെയും 22 പന്തില്‍ നിന്ന് 13 റണ്‍സ് നേടിയ രചിന്‍ രവീന്ദ്രയെയും ഷമി തന്നെ പുറത്താക്കി.
എന്നാല്‍ തുടക്കത്തിലെ തകര്‍ച്ചയില്‍ നിന്ന് കെയ്ന്‍ വില്യംസണും ഡാരില്‍ മിച്ചലും ചേര്‍ന്ന് കരകയറ്റി ഇരുവരും ടീമിനെ മെച്ചപ്പെട്ട സ്‌കോറിലേക്ക് എത്തിച്ചു. 33 ആം ഓവറിൽ 69 റൺസ് നേടിയ വില്യംസണെയും പൂജ്യത്തിനു ടോം ലാതത്തെയും പുറത്താക്കി ഷമി ഇരട്ട പ്രഹരം ഏൽപ്പിച്ച ഇന്ത്യയെ മത്സരത്തിലേക്ക് തിരിച്ചു കൊണ്ട് വന്നു.
