ഇന്ത്യക്ക് വലിയ തിരിച്ചടി , ബംഗ്ലാദേശിനെതിരായ ടി20 പരമ്പരയിൽ നിന്ന് സൂപ്പർ താരം പുറത്ത് | India | Bangladesh
ബംഗ്ലാദേശിനെതിരായ മൂന്ന് മത്സര ടി20 ഐ പരമ്പരയിൽ നിന്ന് ഓൾറൗണ്ടർ ശിവം ദുബെയെ പുറം പരിക്കിനെ തുടർന്ന് ഒഴിവാക്കി. ദുബെയുടെ പകരക്കാരനായി തിലക് വർമ്മയെ അജിത്-അഗാർക്കർ സെലക്ഷൻ കമ്മിറ്റി തിരഞ്ഞെടുത്തു. ഞായറാഴ്ച രാവിലെ ഗ്വാളിയോറിൽ തിലക് ടീമിനൊപ്പം ചേരും.
ഏറ്റവും ചെറിയ ഫോർമാറ്റിൽ മെൻ ഇൻ ബ്ലൂയിലെ പ്രധാന അംഗമാണ് ശിവം ദുബെ, അദ്ദേഹത്തിൻ്റെ അഭാവം ഇന്ത്യക്ക് വലിയ തിരിച്ചടിയാവും. വെസ്റ്റ് ഇൻഡീസിലും യുണൈറ്റഡ് സ്റ്റേറ്റ്സ് ഓഫ് അമേരിക്കയിലും നടന്ന ഐസിസി ടി20 ലോകകപ്പ് 2024 നേടിയ ടീം ഇന്ത്യയുടെ ടീമിൻ്റെ ഭാഗമായിരുന്നു അദ്ദേഹം.രോഹിത് ശർമ്മയുടെ നേതൃത്വത്തിലുള്ള ടീമിന് വേണ്ടി അദ്ദേഹം രണ്ട് സുപ്രധാന ഇന്നിംഗ്‌സുകൾ കളിച്ചു. വേൾഡ് കപ്പിന് ശേഷം ശ്രീലങ്കയ്‌ക്കെതിരെ ശിവം മൂന്ന് ഏകദിന മത്സരങ്ങൾ കളിച്ചു. നാല് അമ്പത് ഓവർ മത്സരങ്ങളിൽ നിന്ന് 10.75 ശരാശരിയിൽ 43 റൺസ് നേടിയിട്ടുണ്ട്.
🚨BREAKING🚨: Shivam Dube is ruled out of the three-match T20I series owing to a back injury.
— CricTracker (@Cricketracker) October 5, 2024
Tilak Varma has been named as his replacement.#ShivamDube #TilakVarma pic.twitter.com/m9Fqzy8Dq3
33 ടി20യിൽ 29.86 ശരാശരിയിലും 134.93 സ്‌ട്രൈക്ക് റേറ്റിലും 448 റൺസ് അദ്ദേഹം നേടിയിട്ടുണ്ട്. മൂന്ന് അർധസെഞ്ചുറികളും 27 ബൗണ്ടറികളും 24 സിക്‌സറുകളും ഡ്യൂബെ നേടിയിട്ടുണ്ട്. 31-കാരൻ ഏറ്റവും കുറഞ്ഞ ഫോർമാറ്റിൽ 11 വിക്കറ്റും നേടിയിട്ടുണ്ട്.അദ്ദേഹത്തിന് പകരക്കാരനായ തിലക് വർമ്മ 16 ടി20യിൽ 33.60 ശരാശരിയിലും 139.41 സ്‌ട്രൈക്ക് റേറ്റിലും 336 റൺസ് നേടിയിട്ടുണ്ട്. രണ്ട് അർധസെഞ്ചുറികളും 29 ഫോറുകളും 16 സിക്‌സറുകളും തിലക് നേടിയിട്ടുണ്ട്.നാല് ഏകദിനങ്ങളിൽ ഇന്ത്യയുടെ ദേശീയ ടീമിനെ പ്രതിനിധീകരിച്ച വർമ്മ 22.66 ശരാശരിയിൽ 68 റൺസ് നേടിയിട്ടുണ്ട്.
ബംഗ്ലാദേശിനെതിരായ ടി20 ഐ പരമ്പരയ്ക്കുള്ള ഇന്ത്യയുടെ പുതുക്കിയ സ്ക്വാഡ് : സൂര്യകുമാർ യാദവ് (C), അഭിഷേക് ശർമ്മ, സഞ്ജു സാംസൺ (WK), റിങ്കു സിംഗ്, ഹാർദിക് പാണ്ഡ്യ, റിയാൻ പരാഗ്, നിതീഷ് കുമാർ റെഡ്ഡി, വാഷിംഗ്ടൺ സുന്ദർ, രവി ബിഷ്‌ണോയ്, വരുൺ ചക്രവർത്തി, ജിതേഷ് ശർമ്മ (wk), അർഷ്ദീപ് സിംഗ്, ഹർഷിത് റാണ, മായങ്ക് യാദവ്, തിലക് വർമ്മ
