‘400, 501 എന്ന എന്റെ ലോക റെക്കോർഡ് സ്കോറുകൾ ഇന്ത്യൻ താരം തകർക്കുമെന്ന് വെസ്റ്റ് ഇൻഡീസ് ഇതിഹാസം ബ്രയാൻ ലാറ | Brian Lara
ക്രിക്കറ്റ് ലോകത്ത് റെക്കോർഡുകൾ തകർക്കാനുള്ളത് തന്നെയാണ്.എന്നാൽ തകർപ്പെടില്ല എന്ന് തോന്നുന്ന ചില റെക്കോർഡുകളുമുണ്ട്.സച്ചിൻ ടെണ്ടുൽക്കറുടെ 100 അന്താരാഷ്ട്ര സെഞ്ചുറികൾ പോലെ. മുത്തയ്യ മുരളീധരന്റെ 800 ടെസ്റ്റ് വിക്കറ്റുകൾ. ബ്രയാൻ ലാറയുടെ ഏറ്റവും ഉയർന്ന ടെസ്റ്റ് സ്കോർ 400. രോഹിത് ശർമ്മയുടെ ഏറ്റവും ഉയർന്ന ഏകദിന സ്കോർ 264.
എന്നാൽ തന്റെ റെക്കോർഡ് തകർക്കാൻ കഴിയുമെന്ന് ലാറ കരുതുന്നു.ഒരു ടെസ്റ്റ് ഇന്നിംഗ്സിൽ 400-ലധികം ടീം ടോട്ടലുകൾ അസാധാരണമാകാൻ തുടങ്ങിയിരിക്കുന്ന ഒരു കാലഘട്ടത്തിൽ തന്റെ റെക്കോർഡ് മറികടക്കാൻ ഏറ്റവും മികച്ച അവസരമുള്ള ബാറ്ററെ ലാറ തെഞ്ഞെടുക്കുകയും ചെയ്തു.2004ല് സെന്റ് ജോണ്സില് നടന്ന ടെസ്റ്റില് ഇംഗ്ലണ്ടിനെതിരെ ആയിരുന്നു ലാറ 400 റണ്സടിച്ച് റെക്കോര്ഡിട്ടത്.
![](https://sportssify.com/wp-content/uploads/2023/12/FotoJet-2023-12-06T094313.784.jpg)
582 പന്തിലായിരുന്നു ലാറ 43 ബൗണ്ടറികളും നാലു സിക്സുകളും പറത്തി 400 റണ്സിലെത്തി പുറത്താകാതെ നിന്നത്.ഫസ്റ്റ് ക്ലാസ് ക്രിക്കറ്റിലെ ഏറ്റവും ഉയർന്ന വ്യക്തിഗത സ്കോർ എന്ന റെക്കോർഡും ലാറയുടെ പേരിലാണ് . 1994-ൽ ഡർഹാമിനെതിരായ കൗണ്ടി ചാമ്പ്യൻഷിപ്പ് മത്സരത്തിൽ വാർവിക്ഷെയറിനായി ഈ ഇടംകൈയ്യൻ 501 റൺസ് നേടിയിരുന്നു.
ഇന്ത്യൻ ബാറ്റർ ശുഭ്മാൻ ഗില്ലിന് തന്റെ റെക്കോർഡ് തകർക്കാൻ കഴിയുമെന്നാണ് ലാറ പറയുന്നത്.ഗില്ലിന് തന്റെ രണ്ട് മികച്ച നേട്ടങ്ങളും തകർക്കാൻ കഴിയുമെന്ന് ലാറ പറഞ്ഞു. “എന്റെ രണ്ട് റെക്കോർഡുകളും തകർക്കാൻ ശുഭ്മാൻ ഗില്ലിന് കഴിയും,” ലാറ ആനന്ദബസാർ പത്രികയോട് പറഞ്ഞു.മുൻ വെസ്റ്റ് ഇൻഡീസ് ക്യാപ്റ്റൻ ഗില്ലിനെ നിലവിലെ ഏറ്റവും കഴിവുള്ള ബാറ്റർ എന്ന് വിശേഷിപ്പിച്ചു. “ഈ പുതിയ തലമുറയിലെ ഏറ്റവും കഴിവുള്ള ബാറ്ററാണ് ഗിൽ. വരും വർഷങ്ങളിൽ അദ്ദേഹം ക്രിക്കറ്റ് ഭരിക്കും. നിരവധി വലിയ റെക്കോർഡുകൾ ഗിൽ തകർക്കുമെന്ന് ഞാൻ വിശ്വസിക്കുന്നു,” അദ്ദേഹം കൂട്ടിച്ചേർത്തു.
'Gill will break my world record scores of 400* and 501*. He's the most talented batter of new generation': Brian Lara#ShubmanGill #TeamIndia #BrianLara https://t.co/Ns2wd1fxIP
— HT Sports (@HTSportsNews) December 6, 2023
കളിയുടെ എല്ലാ ഫോർമാറ്റുകളിലും സെഞ്ച്വറി നേടുന്ന ഏറ്റവും പ്രായം കുറഞ്ഞ ഇന്ത്യൻ താരവും ഏകദിനത്തിൽ ഇരട്ട സെഞ്ച്വറി നേടുന്ന ഏറ്റവും പ്രായം കുറഞ്ഞ കളിക്കാരനുമായ ഗില്ലിന് തന്റെ ടെസ്റ്റ് കരിയറിന് മികച്ച തുടക്കം ലഭിച്ചിട്ടില്ല. 18 മത്സരങ്ങളിൽ നിന്ന് 32 ശരാശരിയിൽ 966 റൺസ് മാത്രമാണ് അദ്ദേഹത്തിന്റെ പേരിലുള്ളത്. എന്നാൽ അദ്ദേഹത്തിന് 24 വയസ്സ് വയസ്സ് മാത്രമാണ് ആയിട്ടുള്ളത്, മികച്ച വർഷങ്ങളാണ് മുന്നിലുള്ളത്.
തന്റെ ഏകദിന കരിയറിന് മികച്ച തുടക്കമാണ് ഗില്ലിന് ലഭിച്ചത്. 50 ഓവർ ക്രിക്കറ്റിൽ 38 ഇന്നിങ്സുകളിൽ ഏറ്റവും വേഗത്തിൽ 2000 റൺസ് തികച്ച താരമാണ് അദ്ദേഹം. വലംകൈയ്യൻ ഇതിനകം ആറ് സെഞ്ചുറികൾ നേടിയിട്ടുണ്ട്, ഫോർമാറ്റിൽ 61.37 ശരാശരിയുണ്ട്.എന്നാൽ അടുത്തിടെ സമാപിച്ച ഏകദിന ലോകകപ്പിൽ അത്ര മികവ് പുലർത്താൻ സാധിച്ചില്ല.എന്നാൽ വരും വർഷങ്ങളിൽ ഗിൽ ഇന്ത്യക്കായി നിരവധി ഐസിസി ടൂർണമെന്റുകൾ നേടുമെന്ന് ലാറ പറഞ്ഞു.
Shubman Gill & Ishan Kishan with the legend of West Indies cricket Brian Lara.
— CricTracker (@Cricketracker) August 2, 2023
📸: BCCI pic.twitter.com/h5lzHfS8yq
“ഗിൽ ലോകകപ്പിൽ ഒരു സെഞ്ച്വറി നേടിയില്ല, പക്ഷേ അദ്ദേഹം ഇതിനകം പുറത്തെടുത്ത പ്രകടനം നോക്കു.അദ്ദേഹത്തിന് എല്ലാ ഫോർമാറ്റുകളിലും സെഞ്ച്വറികളുണ്ട്, ഏകദിനത്തിൽ ഇരട്ട സെഞ്ച്വറി നേടിയിട്ടുണ്ട്, കൂടാതെ ഐപിഎല്ലിൽ നിരവധി മാച്ച് വിന്നിങ് ഇന്നിംഗ്സും കളിച്ചിട്ടുണ്ട്.ഭാവിയിൽ അദ്ദേഹം നിരവധി ഐസിസി ടൂർണമെന്റുകൾ നേടുമെന്ന് എനിക്കുറപ്പുണ്ട്” ലാറ പറഞ്ഞു.