രോഹിത് ശർമ്മക്ക് പകരം ഹാർദിക് പാണ്ഡ്യ ക്യാപ്റ്റനായി വരുന്നത് മുംബൈ ഇന്ത്യൻസിന് ഗുണം ചെയ്യുമെന്ന് സുനിൽ ഗവാസ്കർ | IPL 2024
ഇന്ത്യൻ പ്രീമിയർ ലീഗ് 2024 ൽ ഫ്രാഞ്ചൈസിയുടെ ക്യാപ്റ്റനായി ഹാർദിക് പാണ്ഡ്യയെ നിയമിക്കാനുള്ള മുംബൈ ഇന്ത്യൻസിന്റെ തീരുമാനത്തെ ഇതിഹാസതാരം സുനിൽ ഗവാസ്കർ പിന്തുണച്ചു.ഒരു പുതിയ നായകന്റെ കീഴില്‍ പുതിയ ചിന്താഗതി ആവശ്യമാണെന്ന മാനേജ്മെന്റിനന്റെ തോന്നലാകാം തീരുമാനത്തിന് പിന്നിലെന്നാണ് ഗാവസ്‌കര്‍പറയുന്നത്. ഏറെ ചര്‍ച്ചകള്‍ക്ക് ശേഷമായിരിക്കം ടീം മാനേജ്‌മെന്റ് തീരുമാനമെടുത്തതെന്നും ഗാവസ്‌കര്‍ പറഞ്ഞു.
രോഹിത് ശർമ്മയെ മാറ്റിയാണ് ഐപിഎൽ 2024 ലെ തങ്ങളുടെ പുതിയ ക്യാപ്റ്റനായി ഹാർദിക് പാണ്ഡ്യയെ മുംബൈ ഇന്ത്യൻസ് തിരഞ്ഞെടുത്തത്.2022-ൽ നിലവിൽ വന്ന പുതുമുഖ ഫ്രാഞ്ചൈസിയായ ഗുജറാത്ത് ടൈറ്റൻസിനെ നയിക്കാനായിട്ടാണ് 2022-ൽൽ പാണ്ട്യ മുംബൈ ഇന്ത്യൻസ് വിട്ടത്.2022 ൽ ഗുജറാത്തിന്റെ കിരീടത്തിലേക്കും 2023 ൽ ഫൈനലിലേക്കും നയിച്ചതിനാൽ ഐപിഎൽ ക്യാപ്റ്റനെന്ന നിലയിൽ തന്റെ കഴിവ് തെളിയിച്ചു.കഴിഞ്ഞ രണ്ട് സീസണുകളിൽ മുംബൈ ഇന്ത്യൻസിനെ നയിച്ച രോഹിത് ശർമ്മ അൽപ്പം ക്ഷീണിതനായി കാണപ്പെട്ടു, 2022 ന്റെ തുടക്കം മുതൽ മൂന്ന് ഫോർമാറ്റുകളിലും അദ്ദേഹം ഇന്ത്യയെ നയിക്കുകയായിരുന്നുവെന്നും സ്റ്റാർ സ്‌പോർട്‌സിനോട് സംസാരിച്ച സുനിൽ ഗവാസ്കർ പറഞ്ഞു.
”നമ്മള്‍ ശരികളിലേക്കും തെറ്റുകളിലേക്കും പോകരുത്, അവര്‍ എടുത്ത തീരുമാനം ടീമിന്റെ നേട്ടത്തിന് വേണ്ടിയുള്ളതാണ്. കഴിഞ്ഞ രണ്ട് വര്‍ഷമായി രോഹിത്തിന്റെ സംഭാവന ബാറ്റിങ്ങില്‍ പോലും അല്‍പ്പം കുറഞ്ഞു. എന്നാല്‍ കഴിഞ്ഞ രണ്ട് വര്‍ഷങ്ങളില്‍ അവര്‍ കഴിഞ്ഞ വര്‍ഷം 9 അല്ലെങ്കില്‍ 10 ആം സ്ഥാനങ്ങളിലാണ് ഫിനിഷ് ചെയ്തത്. അതിന് മുമ്പുള്ള വര്‍ഷങ്ങളില്‍ അവര്‍ പ്ലേ ഓഫിലേക്ക് യോഗ്യത നേടിയിരുന്നു,” ഗവാസ്കർ പറഞ്ഞു.
“പക്ഷേ, കഴിഞ്ഞ കുറച്ച് വർഷങ്ങളായി ഞങ്ങൾ കണ്ടിരുന്ന രോഹിത് ശർമ്മയിലെ മോജോ നഷ്ടമായി. തുടർച്ചയായ ക്രിക്കറ്റ് കളിച്ചതിനാൽ അദ്ദേഹം അൽപ്പം ക്ഷീണിച്ചിരിക്കാം, ക്യാപ്റ്റനും ഇന്ത്യയെയും ഫ്രാഞ്ചൈസിയെയും നയിക്കുന്നത് കാരണം അദ്ദേഹം അൽപ്പം തളർന്നിരിക്കാം.” അദ്ദേഹം കൂട്ടിച്ചേർത്തു.”ഹര്‍ദിക് ഒരു യുവ ക്യാപ്റ്റന്‍ ആണെന്ന് അവര്‍ മനസ്സില്‍ കരുതിയാണ് തീരുമാനം എടുത്തതെന്ന് എനിക്ക് തോന്നുന്നു. ഹര്‍ദിക് രണ്ട് തവണ ഗുജറാത്തിനെ ഫൈനലിലേക്ക് നയിച്ചു, 2022 ല്‍ അവരെ കിരീടത്തിലേക്ക് നയിച്ചു. ഇതെല്ലാം പരിഗണിച്ചായിരിക്കും തീരുമാനം” ഗാവസ്‌കര്‍ പറഞ്ഞു.
2020ലാണ് മുംബൈ ഇന്ത്യൻസ് അവസാനമായി ഐപിഎൽ കിരീടം നേടിയത്. 2021ലും 2022ലും പ്ലേഓഫിൽ കടക്കുന്നതിൽ പരാജയപ്പെട്ട മുംബൈ ഇന്ത്യൻസ് 2023ലെ ആദ്യ എലിമിനേഷൻ മത്സരത്തിൽ പുറത്തായി.ക്യാപ്റ്റൻസി മാറ്റത്തിൽ നിന്ന് മുംബൈക്ക് പ്രയോജനം ലഭിക്കൂ എന്നും മുംബൈ ഇന്ത്യൻസിൽ ധാരാളം വിജയങ്ങൾ കൊണ്ടുവരാൻ ഹാർദിക് പാണ്ഡ്യക്ക് സാധിക്കുമെന്നും ഗവാസ്കർ പറഞ്ഞു.
Sunil Gavaskar opens up on #HardikPandya replacing #RohitSharma as #MumbaiIndians captain.
— India Today Sports (@ITGDsports) December 18, 2023
Here's what he has to say…https://t.co/o5jqChofjE
രോഹിത് ശർമ്മ ഐപിഎൽ 2024 ൽ മുംബൈ ഇന്ത്യൻസിന്റെ ഭാഗമാകുമെന്ന് പ്രതീക്ഷിക്കുന്നു.ഡിസംബർ 26-ന് ആരംഭിക്കുന്ന 2-ടെസ്റ്റ് പരമ്പരയ്ക്കുള്ള തയ്യാറെടുപ്പിനായി രോഹിത് ശർമ്മ ദക്ഷിണാഫ്രിക്കയിലേക്ക് പുറപ്പെട്ടു.ലോകകപ്പിൽ ബംഗ്ലാദേശിനെതിരായ മത്സരത്തിനിടെ പരിക്കേറ്റതിനെ തുടർന്ന് ഹാർദിക് പാണ്ഡ്യ കളിക്കളത്തിന് പുറത്തായിരുന്നു. 2024 ജനുവരിയിൽ അഫ്ഗാനിസ്ഥാനെതിരായ ടി20 ഐ പരമ്പരയ്ക്കായി ഓൾറൗണ്ടർ തിരിച്ചെത്തുമെന്ന് പ്രതീക്ഷിക്കുന്നു.
