ടി20 സെഞ്ചുറികളിൽ സഞ്ജു സാംസണെ മറികടന്ന് ഇംഗ്ലീഷ് ഓപ്പണർ ഫിൽ സാൾട്ട് | Phil Salt | Sanju Samson

വെസ്റ്റ് ഇൻഡീസിനെതിരായ അഞ്ച് മത്സരങ്ങളുടെ പരമ്പര ഞായറാഴ്ച ബ്രിഡ്ജ്ടൗണിൽ നടന്ന ആദ്യ ടി20യിൽ എട്ട് വിക്കറ്റിൻ്റെ തകർപ്പൻ വിജയത്തോടെ ഇംഗ്ലണ്ട് ആരംഭിച്ചു. ട്വൻ്റി-20യിൽ ഒരു ടീമിനെതിരെ മൂന്ന് സെഞ്ച്വറി നേടുന്ന ലോകത്തിലെ ആദ്യത്തെ കളിക്കാരനായി ഇംഗ്ലണ്ട് ബാറ്റർ ഫിൽ സാൾട്ട് ചരിത്രം സൃഷ്ടിച്ചു.

2023 ഡിസംബർ 16-ന് സെൻ്റ് ജോർജിൽ 56 പന്തിൽ 109* റൺസുമായി പുറത്താകാതെ നിന്നപ്പോൾ വിൻഡീസിനെതിരെ സാൾട്ട് തൻ്റെ ആദ്യ T20I സെഞ്ച്വറി നേടി.അദ്ദേഹത്തിൻ്റെ രണ്ടാമത്തെ ടൺ 2023 ഡിസംബർ 19-ന് തരൗബയിലായിരുന്നു.v അവിടെ അദ്ദേഹം 57 പന്തിൽ 119 റൺസെടുത്തു.കേവലം 32 ഇന്നിംഗ്‌സുകളിൽ നിന്ന് ഏറ്റവും വേഗത്തിൽ 1000 ടി20 റൺസ് തികയ്ക്കുന്ന രണ്ടാമത്തെ ഇംഗ്ലണ്ട് താരമെന്ന നേട്ടം കെവിൻ പീറ്റേഴ്‌സണുമായി സാൾട്ട് പങ്കിടുകയും ചെയ്തു.

183 റൺസ് വിജയലക്ഷ്യം പിന്തുടർന്ന ഇംഗ്ലണ്ട് 16.5 ഓവറിൽ 183/2 എന്ന സ്‌കോറിലെത്തിയപ്പോൾ, ഓപ്പണർ സാൾട്ട് 54 പന്തിൽ ഒമ്പത് ഫോറുകളും ആറ് സിക്‌സറുകളും സഹിതം 190.74 സ്‌ട്രൈക്ക് റേറ്റിൽ 103* റൺസെടുത്തു. അതേസമയം, ജേക്കബ് ബെഥേൽ 36 പന്തിൽ 58 റൺസുമായി പുറത്താകാതെ നിന്നു.ടി20യിൽ ഏറ്റവും കൂടുതൽ സെഞ്ചുറി നേടിയ താരമെന്ന റെക്കോഡിൽ സഞ്ജു സാംസണെ മറികടന്നാണ് സാൾട്ട് ഈ നേട്ടം സ്വന്തമാക്കിയത്. സാംസൺ രണ്ട് സെഞ്ച്വറികൾ നേടിയിട്ടുണ്ട്.

അഞ്ച് ടി20 സെഞ്ചുറികൾ നേടിയ രോഹിത് ശർമ്മയാണ് ഒന്നാം സ്ഥാനത്ത്.ഓസീസ് ഓൾറൗണ്ടർ ഗ്ലെൻ മാക്‌സ്‌വെല്ലിനും അഞ്ച് ടി20 സെഞ്ച്വറികളുണ്ട്, സൂര്യകുമാർ യാദവ് നാല് ശതകം നേടി.ഞായറാഴ്ച ആദ്യ ഇന്നിംഗ്‌സിൽ സാഖിബ് മഹമൂദിൻ്റെ നാല് വിക്കറ്റ് പ്രകടനത്തിൽ ഇംഗ്ലണ്ട് വെസ്റ്റ് ഇൻഡീസിനെ 20 ഓവറിൽ 182/9 എന്ന നിലയിൽ ഒതുക്കുകയായിരുന്നു