‘ ഇംഗ്ലണ്ടിന്റെ ഡ്രസ്സിംഗ് റൂം പൂട്ടിയിടണം ‘ : ഇങ്ങനെ ചെയ്താൽ പാകിസ്താന് സെമിയിലേക്ക് യോഗ്യത നേടാമെന്ന് വസീം അക്രം |World Cup 2023

ഇംഗ്ലണ്ടിനെതിരായ മത്സരത്തിന് മുന്നോടിയായി 2023 ലോകകപ്പ് കാമ്പെയ്‌നിന്റെ സെമി ഫൈനലിൽ പാക്കിസ്ഥാനെ എങ്ങനെ എത്തിക്കാം എന്നതിനെക്കുറിച്ചുള്ള വസീം അക്രത്തിന്റെ രസകരമായ ആശയം ടിവി അവതാരകൻ ഫഖർ-ഇ-ആലം വെളിപ്പെടുത്തി.മത്സരത്തിന്റെ അവസാന നാലിലേക്ക് കടക്കാനുള്ള ഗണിതശാസ്ത്ര സാധ്യത പാകിസ്ഥാൻ ഇപ്പോഴും നിലനിർത്തുന്നുണ്ട്.

ബംഗളൂരുവിൽ ശ്രീലങ്കക്കെതിരെ ന്യൂസീലൻഡ് വലിയ വിജയം കണ്ടതോടെ പാകിസ്ഥാന്റെ സെമി സാധ്യതകൾ ഇല്ലാതായിരിക്കുകയാണ്. ശ്രീലങ്ക ഒന്നാം ഇന്നിംഗ്‌സിൽ 171 റൺസ് നേടിയ ശേഷം, അഞ്ച് വിക്കറ്റും 160 പന്തും ബാക്കിനിൽക്കെ ബ്ലാക്ക്‌ക്യാപ്‌സ് ലക്‌ഷ്യം കണ്ടു. വിജയത്തോടെ ന്യൂസീലൻഡ് സെമി ബർത്ത് ഉറപ്പിച്ചിരിക്കുകയാണ്. പാകിസ്ഥാൻ ഇപ്പോൾ സെമിയിലെത്തണമെങ്കിൽ നവംബർ 11 ന് കൊൽക്കത്തയിൽ ഇംഗ്ലണ്ടിനെതിരെയുള്ള അവസാന മത്സരത്തിൽ അവർക്ക് ഒരു വലിയ അത്ഭുതം പുറത്തെടുക്കേണ്ടതുണ്ട്.പാക്കിസ്ഥാൻ ആദ്യം ബാറ്റ് ചെയ്ത് 300 റൺസ് നേടിയാൽ ഇംഗ്ലണ്ടിനെ 13 റൺസിൽ ഒതുക്കണം.

കൊൽക്കത്തയിൽ 300 റൺസിന് മുകളിൽ സ്കോർ ചെയ്താൽ 287 റൺസിന്റെ മാർജിൻ നിലനിർത്തണം.പാകിസ്ഥാൻ ആദ്യം പന്തെറിയുകയാണെങ്കിൽ. അവരുടെ സാധ്യതകൾ വളരെ മങ്ങിയതായി തോന്നുന്നു. ഇംഗ്ലണ്ടിനെ 100 റൺസിന് പുറത്താക്കിയാലും, 2.5 ഓവറിൽ അവർ ടോട്ടൽ പിന്തുടരേണ്ടതുണ്ട്, അതായത് 283 പന്തുകൾ ശേഷിക്കെ വിജയിക്കുക.ഇത് അസാധ്യമായ ഒരു കാര്യമായതിനാൽ, പാകിസ്ഥാന് എങ്ങനെ അവസാന നാലിൽ ഇടം നേടാം എന്നതിനെക്കുറിച്ചുള്ള രസകരമായ ആശയം അക്രത്തിനുണ്ടായിരുന്നു. എ സ്‌പോർട്‌സിൽ ആലം വെളിപ്പെടുത്തിയതുപോലെ, പാകിസ്ഥാൻ കഴിയുന്നത്ര റൺസ് സ്‌കോർ ചെയ്യണമെന്നും തുടർന്ന് ഇംഗ്ലണ്ടിന്റെ ഡ്രസ്സിംഗ് റൂം പൂട്ടി അവരുടെ എല്ലാ ബാറ്റർമാരെയും ‘ടൈം ഔട്ട്’ ആക്കണമെന്നും അങ്ങനെ അവർക്ക് മത്സരം വിജയിക്കാമെന്നും ഇതിഹാസ പേസർ നിർദ്ദേശിച്ചു.

“സാധ്യമായ സ്കോർ ഉണ്ടാക്കുക, തുടർന്ന് പോയി ഇംഗ്ലണ്ട് ടീമിന്റെ ഡ്രസ്സിംഗ് റൂം 20 മിനിറ്റ് പൂട്ടിയിടുക, അങ്ങനെ അവരുടെ എല്ലാ ബാറ്റർമാരും ടൈം ഔട്ടാവും” .മത്സരം ആരംഭിക്കുന്നതിന് മുമ്പ് ഇംഗ്ലണ്ട് ഡ്രെസ്സിംഗ് റൂമിന്റെ വാതിൽ പൂട്ടണമെന്ന് മിസ്ബ ഉൾ ഹഖ് പറഞ്ഞു. ലോകകപ്പിൽ രണ്ട് മത്സരങ്ങൾ വിജയിച്ചതിന് ശേഷം ഇന്ത്യയ്‌ക്കെതിരെ നാണംകെട്ട തോൽവി നേരിട്ടതിന് ശേഷം പാകിസ്താന് കരകയറാൻ കഴിഞ്ഞില്ല, അഫ്ഗാനിസ്ഥാനെതിരെയുള്ള തോൽവിയാണു പാകിസ്താന് തിരിച്ചടിയായി മാറിയത്.ബാറ്റിംഗ്, ബൗളിംഗ് യൂണിറ്റുകൾ വലിയ തോതിൽ നിരാശപ്പെടുത്തി, ക്യാപ്റ്റൻ ബാബർ എല്ലാ കാര്യങ്ങളിലും പരാജയപ്പെട്ടു.