‘ഡൽഹി ക്യാപിറ്റൽസിന്‌ ഐപിഎൽ 2024 ൽ പ്ലേഓഫിൽ എത്തണമെങ്കിൽ ജേക്ക് ഫ്രേസർ-മക്ഗുർക്ക് ഓപ്പൺ ചെയ്യണം’ : ടോം മൂഡി | IPL2024 | Jake Fraser-McGurk
ഐപിഎൽ അരങ്ങേറ്റത്തിൽ ഡൽഹി ക്യാപിറ്റൽസിന്‌ വേണ്ടി ഫിഫ്‌റ്റിയുമായി മിന്നുന്ന പ്രകടനം പുറത്തെടുത്ത ജേക്ക് ഫ്രേസർ-മക്‌ഗുർക്കിനെ പ്രശംസിച്ച് രംഗത്ത് വന്നിരിക്കുകയാണ് മുൻ ഓസ്ട്രേലിയൻ ക്രിക്കറ്റ് താരവും പ്രശസ്ത പരിശീലകനുമായ ടോം മൂഡി.ഓപ്പൺ ചെയ്യാൻ അനുവദിച്ചാൽ ഐപിഎൽ 2024 പ്ലേഓഫിൽ ഒരു സ്ഥാനത്തിനായുള്ള ഡൽഹിയുടെ ശ്രമങ്ങൾക്ക് ജേക്ക് ഫ്രേസർ-മക്ഗുർക്ക് വളരെ പ്രധാന പങ്ക് വഹിക്കുമെന്ന് മൂഡി ചൂണ്ടിക്കാട്ടി.
ബൗളർമാരെ നിഷ്കരുണം ആക്രമിക്കാൻ “നോ ഓഫ് ബട്ടൺ” എന്ന മനോഭാവം ഉപയോഗിച്ച് പവർപ്ലേ ഓവറുകളിൽ ആധിപത്യം സ്ഥാപിക്കാനുള്ള യുവ ഓസ്ട്രേലിയൻ ബാറ്ററുടെ കഴിവ് മൂഡി ഉൾപ്പെടെയുള്ളവരുടെ ശ്രദ്ധ പിടിച്ചുപറ്റി.വെറും 35 പന്തിൽ രണ്ട് ബൗണ്ടറികളും അഞ്ച് കൂറ്റൻ സിക്‌സറുകളും ഉൾപ്പെടെ 55 റൺസാണ് അദ്ദേഹം നേടിയത്, അതിലൊന്ന് 96 മീറ്റർ പറന്നു!.പരിക്കേറ്റ ലുങ്കി എൻഗിഡിക്ക് പകരക്കാരനായി ഇറങ്ങിയ മക്ഗുർക്കിന് ആദ്യ അഞ്ച് മത്സരങ്ങളിൽ തൻ്റെ കഴിവ് പ്രകടിപ്പിക്കാൻ അവസരം ലഭിച്ചില്ല. എന്നാൽ അവസാനം കിട്ടിയ അവസരം മികച്ച രീതിയിൽ ഉപയോഗിക്കാൻ ഓസ്ട്രേലിയൻ യുവ താരത്തിന് സാധിച്ചു.
Jake Fraser-McGurk's first two scoring shots in the #TATAIPL 🤯#IPLonJioCinema #LSGvDC pic.twitter.com/CjVId53QIq
— JioCinema (@JioCinema) April 12, 2024
21 കാരൻ ILT20 ടൂർണമെൻ്റിൽ ദുബായ് ക്യാപിറ്റൽസിനായി മികച്ച പ്രകടനം പുറത്തെടുത്തിരുന്നു.ഈ വർഷം, വെസ്റ്റ് ഇൻഡീസിനെതിരായ ഏകദിന ഫോർമാറ്റിൽ ഓസ്‌ട്രേലിയക്ക് വേണ്ടി കളിക്കാനുള്ള അവസരം ജേക്കിന് ലഭിച്ചു. വെറും രണ്ട് മത്സരങ്ങളിൽ, 220-ന് മുകളിൽ സ്‌ട്രൈക്ക് റേറ്റോടെ 51 റൺസ് സ്‌കോർ ചെയ്തുകൊണ്ട് അദ്ദേഹം തൻ്റെ കഴിവുകൾ പ്രകടിപ്പിച്ചു.ലിസ്റ്റ് എ ക്രിക്കറ്റിലെ അദ്ദേഹത്തിൻ്റെ സെൻസേഷണൽ റെക്കോർഡാണ് ജേക്കിനെ ശ്രദ്ധേയനാക്കുന്ന ഒരു കാര്യം.
2023ലെ മാർഷ് ഏകദിന കപ്പിൽ എബി ഡിവില്ലിയേഴ്‌സിൻ്റെ 31 പന്തുകൾ എന്ന റെക്കോർഡ് മറികടന്നതിന് ശേഷം ഒരു ഏകദിന മത്സരത്തിൽ ഏറ്റവും വേഗതയേറിയ സെഞ്ച്വറി നേടിയതിൻ്റെ റെക്കോർഡ് അദ്ദേഹം സ്വന്തമാക്കി.ബിഗ് ബാഷ് ലീഗിൽ (ബിബിഎൽ), മെൽബൺ റെനഗേഡ്സിനായി കളിക്കുമ്പോൾ, 158.64 എന്ന അവിശ്വസനീയമായ സ്‌ട്രൈക്ക് റേറ്റിൽ 257 റൺസ് നേടി.
3 CONSECUTIVE SIXES BY JAKE FRASER-MCGURK AGAINST KRUNAL. 🤯💥pic.twitter.com/R8efQ8NeLr
— Mufaddal Vohra (@mufaddal_vohra) April 12, 2024
മത്സരത്തില്‍ ആദ്യം ബാറ്റ് ചെയ്‌ത ലഖ്‌നൗ ഉയര്‍ത്തിയ 168 റണ്‍സ് വിജയലക്ഷ്യം ഡല്‍ഹി 18.1 ഓവറില്‍ മറികടന്നു.അര്‍ധസെഞ്ച്വറി നേടിയ ജേക്ക് ഫ്രേസര്‍ മക്‌ഗുര്‍കിന്‍റെയും ക്യാപ്‌റ്റൻ റിഷഭ് പന്ത്, പൃഥ്വി ഷാ എന്നിവരുടെയും ബാറ്റിങ്ങ് മികവിലാണ് ഡല്‍ഹി ജയം സ്വന്തമാക്കിയത്.പുറത്താകാതെ 35 പന്ത് നേരിട്ട് 55 റണ്‍സ് നേടിയ ആയുഷ് ബഡോണിയുടെ ഇന്നിങ്‌സായിരുന്നു ലഖ്‌നൗവിന് പൊരുതാവുന്ന സ്കോര്‍ സമ്മാനിച്ചത്. 16 പന്തില്‍ 20 റണ്‍സുമായി അര്‍ഷാദ് ഖാൻ പുറത്താകാതെ നിന്നു.
