‘ധോണി കളിക്കുന്നത് കണ്ടപ്പോൾ മുതൽ ഞാൻ അദ്ദേഹത്തിൻ്റെ ആരാധകനാണ്’: സുനിൽ ഗവാസ്‌കർ

ഇന്ത്യൻ ക്രിക്കറ്റ് ഇതിഹാസം സുനിൽ ഗവാസ്‌കർ മുൻ ഇന്ത്യൻ ക്യാപ്റ്റൻ മഹേന്ദ്ര സിംഗ് ധോണിയോയുള്ള അഗാധമായ ആരാധന പ്രകടിപ്പിച്ചിരിക്കുകയാണ്.കഴിഞ്ഞ വർഷത്തെ ഐപിഎല്ലിനിടെ ഐതിഹാസിക ക്രിക്കറ്ററിൽ നിന്ന് ഓട്ടോഗ്രാഫ് പതിച്ച ഷർട്ട് സ്വീകരിച്ചതിൻ്റെ പ്രിയപ്പെട്ട നിമിഷം വിവരിച്ചു.ഐപിഎൽ 2024 ന് മുന്നോടിയായുള്ള സ്റ്റാർ സ്‌പോർട്‌സ് #IPLonStar ഇവൻ്റിനിടെ, ധോണിയോടുള്ള തൻ്റെ നിലനിൽക്കുന്ന ആരാധനയെക്കുറിച്ച ഗവാസ്‌കർ സംസാരിച്ചു.

കളിക്കളത്തിലും പുറത്തും ധോണിയുടെ ശ്രദ്ധേയമായ കളി ശൈലിയും മനോഭാവവും പെരുമാറ്റത്തെകുറിച്ചും സംസാരിച്ചു.”ഞാൻ ആദ്യമായി MSD കളിക്കുന്നത് കണ്ടപ്പോൾ മുതൽ, ഞാൻ അദ്ദേഹത്തിൻ്റെ ആരാധകനായിരുന്നു,” ഗവാസ്‌കർ പറഞ്ഞു.ക്രിക്കറ്റ് ലോകത്ത് ധോണിയുടെ അപാരമായ സ്വാധീനം എടുത്തുകാണിക്കുകയും ചെയ്തു.”ടീം മുഴുവനും സ്റ്റേഡിയത്തിന് (ചെപ്പോക്ക്) ചുറ്റും കറങ്ങുകയായിരുന്നു, അതിനാൽ അദ്ദേഹത്തിൻ്റെ ഓട്ടോഗ്രാഫ് എടുക്കാൻ ഇത് നല്ല സമയമാണെന്ന് ഞാൻ കരുതി, കാരണം ഞാൻ അദ്ദേഹത്തെ വളരെയധികം ആരാധിക്കുന്നു,” ഗവാസ്‌കർ പറഞ്ഞു.

സ്‌പോർട്‌സിൽ റോൾ മോഡലുകളുടെ പ്രാധാന്യം ഊന്നിപ്പറഞ്ഞ ഗവാസ്‌കർ, കളത്തിനകത്തും പുറത്തും ധോണിയുടെ മാതൃകാപരമായ പെരുമാറ്റത്തെ അഭിനന്ദിച്ചു.”അദ്ദേഹം വളരെ നല്ല റോൾ മോഡലാണ്. അദ്ദേഹം പെരുമാറുന്ന രീതി, അത് എന്നെ അദ്ദേഹത്തിൻ്റെ അടുത്ത് ചെന്ന് അഭ്യർത്ഥിക്കാൻ പ്രേരിപ്പിച്ചു, എൻ്റെ ഷർട്ടിൽ ഒപ്പിടാൻ അദ്ദേഹം സമ്മതിച്ചതിൽ എനിക്ക് അതിയായ സന്തോഷമുണ്ട്,” ഗവാസ്‌കർ പറഞ്ഞു.ഓട്ടോഗ്രാഫ് ചെയ്ത ഷർട്ട് തൻ്റെ വീട്ടിൽ അഭിമാനത്തോടെ സൂക്ഷിക്കുന്നുവെന്നും അദ്ദേഹം പറഞ്ഞു.

ടൂർണമെൻ്റിൻ്റെ വരാനിരിക്കുന്ന പതിപ്പിൽ എംഎസ് ധോണി ചെന്നൈ സൂപ്പർ കിംഗ്‌സിനെ നയിക്കുമെന്ന് പ്രതീക്ഷിക്കുന്നു. മത്സരത്തിന് രണ്ടാഴ്ച മുമ്പാണ് ധോണി സിഎസ്‌കെ ക്യാമ്പിൽ ചേർന്നത്