ചിലിക്കെതിരെ വിജയവുമായി ബ്രസീലിന്റെ തിരിച്ചുവരവ് : അർജന്റീനയെ സമനിലയിൽ തളച്ച് വെനസ്വേല | Brazil | Argentina

സൗത്ത് അമേരിക്കൻ ലോകകപ്പ് യോഗ്യത ചിലിക്കെതിരെ മികച്ച വിജയമവുമായി ബ്രസീൽ. ഒന്നിനെതിരെ രണ്ടു ഗോളുകളുടെ വിജയമാണ് ബ്രസീൽ നേടിയത്. 89 ആം മിനുട്ടിൽ പകരക്കാരനായി ഇറങ്ങിയ ലൂയിസ് ഹെൻറിക്ക് നേടിയ ഗോളിനായിരുന്നു ബ്രസീലിന്റെ ജയം. ഒരു ഗോളിന് പിന്നിട്ട നിന്ന ശേഷമാണ് ബ്രസീൽ വിജയം നേടിയത്.മത്സരം തുടങ്ങി രണ്ടാംമിനിറ്റില്‍ തന്നെ ബ്രസീലിനെ ഞെട്ടിച് എഡ്വേർഡോ വർഗാസ് ചിലിയെ മുന്നിലെത്തിച്ചു.ചിലി പ്രതിരോധനിര താരം ഫെലിപ് ലയോളയുടെ ക്രോസിൽ നിന്നുമാണ് വർഗാസ് ഹെഡറിലൂടെ ഗോൾ നേടിയത്.

തങ്ങളുടെ മിക്ക യോഗ്യതാ കാമ്പെയ്‌നിലും സംഭവിച്ചതുപോലെ, ബ്രസീൽ ധാരാളം അവസരങ്ങൾ നൽകി പ്രതികരിച്ചു.ബ്രസീലിൻ്റെ സെൻ്റർ ഫോർവേഡ് റോളിൽ ബൊട്ടഫോഗോ മാൻ ഇഗോർ ജീസസ് ഒരു സർപ്രൈസ് സ്റ്റാർട്ടറായിരുന്നു, എന്നാൽ ഇടവേളയ്ക്ക് മുമ്പ് സാവിയോയുടെ ക്രോസിനിൽ നിന്നും ഹെഡറിലൂടെ താരം ബ്രസീലിനെ ഒപ്പമെത്തിച്ചു.രണ്ടാം പകുതിയിലുടനീളം ബ്രസീലിന്റെ ആധിപത്യത്തില്‍ ചിലി ഒതുങ്ങി പോകുന്ന കാഴ്ച്ചയാണ് കണ്ടത്. റോഡ്രിഗോ, റാഫിഞ്ഞ, സാവിന്‍ഞോ തുടങ്ങിയവരിലൂടെ ബ്രസീല്‍ ആക്രമണം ശക്തമാക്കി.കളി തീരാന്‍ മിനിറ്റുകള്‍ മാത്രം ശേഷിക്കെ ബ്രസീല്‍ വിജയഗോള്‍ നേടി. 89-ാം മിനിറ്റില്‍ ലൂയീസ് ഹെന്റ്‌റികിന്റെ ഇടം കാൽ ഷോട്ട് ചിലി പ്രതിരോധം ഭേദിച്ച് വലയിൽ കയറി. വിജയത്തോടെ 9 മത്സരങ്ങളിൽ നിന്നും 13 പോയിന്റുമായി ബ്രസീൽ നാലാം സ്ഥാനത്തേക്ക് ഉയർന്നു.

മറ്റൊരു മത്സരത്തിൽ കരുത്തരായ അർജന്റീനയെ വെനസ്വേല സമനിലയിൽ തളച്ചു.ഇരു ടീമുകളും മത്സരത്തിൽ ഓരോ ഗോളുകൾ വീതമാണ് നേടിയത്.ജൂലൈയിൽ കൊളംബിയയ്‌ക്കെതിരായ കോപ്പ അമേരിക്ക ഫൈനലിൽ പരിക്കേറ്റ ക്യാപ്റ്റൻ മെസ്സി പൂർണമായും ആരോഗ്യം വീണ്ടെടുത്ത് അര്ജന്റിന ജേഴ്സിയിലേക്ക് മടങ്ങിയ മത്സരമായിരുന്നു ഇത്. മത്സരത്തിന്റെ 13 ആം മിനുട്ടിൽ ഒട്ടാമെൻഡിയിലൂടെ അര്ജന്റീന മുന്നിലെത്തി.രണ്ട് മത്സരങ്ങളിൽ വിലക്ക് നേരിടുന്ന എമിലിയാനോ ‘ഡിബു’ മാർട്ടിനെസിന് പകരം അർജൻ്റീന വല കാത്ത ഗോൾകീപ്പർ ജെറോനിമോ റുല്ലി സലോമോൺ റോണ്ടൻ്റെ ആദ്യ പകുതിയിലെ ശ്രമങ്ങൾ തടയാൻ മികച്ച പ്രകടനം പുറത്തെടുത്തു.

എന്നാൽ നിശ്ചയദാർഢ്യമുള്ള വെനസ്വേലൻ സ്‌ട്രൈക്കർ രണ്ടാം പകുതിയിൽ യെഫേഴ്‌സൺ സോറ്റെൽഡോയുടെ ക്രോസിൽ നിന്നുള്ള അസാധാരണമായ ഹെഡ്ഡറിലൂടെ സമനില നേടി.19 പോയിൻ്റുമായി അർജൻ്റീന ഒന്നാം സ്ഥാനത്ത് തുടരുന്നു, ചൊവ്വാഴ്ച ബൊളീവിയയെ നേരിടും, വെനസ്വേല പരാഗ്വേ സന്ദർശിക്കും.11 പോയിൻ്റുമായി സ്റ്റാൻഡിംഗിൽ ഏഴാം സ്ഥാനത്താണ് വെനസ്വേല.