‘ജോസ് ബട്ട്ലർ മത്സരം വിജയിപ്പിച്ചിരുന്നില്ലെങ്കിൽ ഞാൻ അത്ഭുതപെടുമായിരുന്നു ‘ : ബെൻ സ്റ്റോക്സ് | IPL2024 | Jos Buttler’
ഇന്ത്യൻ പ്രീമിയർ ലീഗിൽ ഇന്നലെ നടന്ന മത്സരത്തിൽ കൊൽക്കത്ത നൈറ്റ് റൈഡേഴ്‌സിൻ്റെ 224 റൺസ് എന്ന അസാധ്യ വിജയലക്ഷ്യം പിന്തുടർന്ന മുൻ ചാമ്പ്യന്മാരായ രാജസ്ഥാൻ റോയൽസ് 17-ാം ഓവർ അവസാനിക്കുമ്പോൾ 178/7 എന്ന നിലയിലായിരുന്നു.അവസാന 16 പന്തിൽ 46 റൺസാണ് സഞ്ജു സാംസണിൻ്റെ ടീമിന് വേണ്ടിയിരുന്നത്.
ചോദിക്കുന്ന നിരക്ക് കുതിച്ചുയരുന്നുണ്ടെങ്കിലും നൈറ്റ് റൈഡേഴ്സ് ഒരിക്കലും ഈഡൻ ഗാർഡൻസിൽ ഫേവറിറ്റുകൾ ആയിരുന്നില്ല.കാരണം ജോസ് ബട്ട്ലർ 47 പന്തിൽ 67 റൺസുമായി ബാറ്റ് ചെയ്യുകയായിരുന്നു. ഒരു സൈഡിൽ ജോസ് ബാറ്റ് ചെയ്യുമ്പോൾ എങ്ങനെയെന് എതിർ ടീം അവരുടെ വിജയം ഉറപ്പാക്കുന്നത്.33 പന്തിൽ 42 റൺസെടുത്ത ബട്ട്ലർ ബീസ്റ്റ് മോഡ് ഓണാക്കി 22 പന്തിൽ അടുത്ത 62 റൺസ് അടിച്ചെടുത്തു.ഐപിഎല്ലിൽ ബട്ട്ലർ തൻ്റെ ഏഴാം സെഞ്ച്വറി രേഖപ്പെടുത്തി, ഈ സീസണിലെ രണ്ടാമത്തെ സെഞ്ച്വറി കൂടിയായിരുന്നു ഇത്.60 പന്തില്‍ 9 ഫോറും 6 സിക്‌സും പറത്തി 107 റണ്‍സോടെ ബട്ട്ലർ പുറത്താകാതെ നിന്നു.
18 പന്തില്‍ ജയിക്കാന്‍ 3 വിക്കറ്റ് ശേഷിക്കേ 46 റണ്‍സ് വേണമെന്ന ഘട്ടത്തിലായിരുന്നു ഈഡനിൽ ബട്ട്ലറുടെ അഴിഞ്ഞാട്ടം.മിച്ചല്‍ സ്റ്റാര്‍ക്കിന്റെ 18ാം ഓവറില്‍ 18 റണ്‍സും ഹര്‍ഷിത് റാണയെറിഞ്ഞ 19ാം ഓവറില്‍ 19 റണ്‍സും ബട്ട്ലർ അടിച്ചെടുത്തു. അവസാന ഓവര്‍ എറിയാനെത്തിയ വരുണ്‍ ചക്രവര്‍ത്തിയെ ആദ്യ പന്തില്‍ തന്നെ സിക്‌സറിന് പറത്തി. പിന്നീട് മൂന്ന് പന്തുകളില്‍ റണ്ണില്ല. അഞ്ചാം പന്തില്‍ ഡബിള്‍ നേടിയതോടെ സ്‌കോര്‍ തുല്യം. അവസാന പന്ത് ബൗണ്ടറി കടത്തി അവിശ്വസനീയമായ ജയവും നേടി. കെകെആറിനെതിരെ തകർപ്പൻ പ്രകടനം നടത്തിയതിന് ഇംഗ്ലണ്ട് ടെസ്റ്റ് ക്യാപ്റ്റൻ ബെൻ സ്റ്റോക്സ് തൻ്റെ നാട്ടുകാരനായ ജോസ് ബട്ട്‌ലറെ അഭിനന്ദിച്ചു.
Genuinly would have been more surprised if @josbuttler didn’t finish that game off when Powell got out,that’s how good the man is..his ability to read game situations and take emotion out of it is what set’s him apart 🔥 🔥 🔥 🔥 🔥
— Ben Stokes (@benstokes38) April 16, 2024
224 റൺസ് വിജയലക്ഷ്യം പിന്തുടരുന്നതിൽ ബട്ട്ലർ പരാജയപ്പെട്ടാൽ താൻ അത്ഭുതപ്പെടുമായിരുന്നുവെന്ന് സ്റ്റോക്സ് പറഞ്ഞു.പവൽ പുറത്തായപ്പോൾ ബട്ട്ലർ ആ കളി പൂർത്തിയാക്കിയില്ലെങ്കിൽ ശരിക്കും ആശ്ചര്യപ്പെടുമായിരുന്നു, അതാണ് ആ മനുഷ്യൻ, സ്റ്റോക്സ് പറഞ്ഞു.”ടീമിൻ്റെ അവസാനത്തെ അംഗീകൃത ബാറ്ററായ പവൽ വിടവാങ്ങിയതിന് ശേഷം ബട്ട്ലർ മത്സരം ഫിനിഷ് ചെയ്തിരുന്നില്ലെങ്കിൽ ഞാൻ അത്ഭുതപെടുമായിരുന്നു” സ്റ്റോക്സ് പറഞ്ഞു. “ഗെയിം സാഹചര്യങ്ങൾ റീഡ് ചെയ്യാനും അതിനനുസരിച്ച്‌ കളി പുറത്തെടുക്കാനുമുള്ള അദ്ദേഹത്തിൻ്റെ കഴിവാണ് അദ്ദേഹത്തെ വ്യത്യസ്തനാക്കുന്നത്” സ്റ്റോക്സ് പറഞ്ഞു.
