‘എന്റെ വിജയത്തിന്റെ ക്രെഡിറ്റ് എംഎസ് ധോണിക്കും സിഎസ്‌കെക്കുമാണ്, മഹി ഭായ് എനിക്ക് അത് ചെയ്യാൻ കഴിയുമെന്ന ആത്മവിശ്വാസം നൽകി’: ശിവം ദുബെ | Shivam Dube

ഞായറാഴ്ച അഫ്ഗാനിസ്ഥാനെതിരായ രണ്ടാം ടി20യിൽ ടീം ഇന്ത്യയുടെ സ്റ്റാർ ഓൾറൗണ്ടർ ശിവം ദുബെ അവിശ്വസനീയമായ ബാറ്റിംഗ് ആണ് പുറത്തെടുത്തത്.അഫ്ഗാനിസ്ഥാന്റെ 172 റൺസ് ഇന്ത്യ വിജയകരമായി പിന്തുടർന്നപ്പോൾ 32 പന്തിൽ 63 റൺസുമായി ദുബെ പുറത്താവാതെ നിന്നു.30-കാരനായ ഓൾറൗണ്ടർ അഫ്ഗാൻ പരമ്പരയിലെ രണ്ടു മത്സരത്തിലും മിന്നുന്ന പ്രകടനമാണ് പുറത്തെടുത്തത്.

മൊഹാലിയിൽ നടന്ന ആദ്യ മത്സരത്തിൽ, ഡ്യൂബെ ഓവറിൽ രണ്ട് വിക്കറ്റ് വീഴ്ത്തുകയും 60 റൺസുമായി പുറത്താകാതെ ഉറച്ചുനിൽക്കുകയും ഇന്ത്യയെ മികച്ച വിജയത്തിലേക്ക് നയിക്കുകയും ചെയ്തു.2022 ലെ ഇന്ത്യൻ പ്രീമിയർ ലീഗ് ലേലത്തിനിടെ ചെന്നൈ സൂപ്പർ കിംഗ്‌സ് ടീമിലെടുത്തതിന് ശേഷം ദുബെയുടെ കരിയർ ഗണ്യമായി ഉയർന്നു. ആ സീസണിൽ 11 മത്സരങ്ങളിൽ നിന്ന് 289 റൺസ് നേടി, സൂപ്പർ കിംഗ്സിനൊപ്പം ദുബെക്ക് മികച്ച 2023 ഉണ്ടായിരുന്നു.16 മത്സരങ്ങളിൽ നിന്ന് 418 റൺസ് നേടിയ അദ്ദേഹം ഐപിഎല്ലിൽ ആദ്യമായി 400 റൺസ് ഭേദിച്ചു. ടീമിനെ അഞ്ചാം കിരീടത്തിലേക്ക് ടീമിനെ നയിക്കുന്നതിൽ പ്രധാന പങ്ക് വഹിച്ചു.

രണ്ടാം ടി 20 ഐയിൽ ഇന്ത്യയ്‌ക്കായി മാച്ച് വിന്നിംഗ് ഇന്നിംഗ്സ് കളിച്ചതിനു ശേഷം ജിയോസിനിമയുമായുള്ള ചാറ്റിൽ ദുബേ തന്റെ കരിയർ പുനരുജ്ജീവിപ്പിക്കാൻ സിഎസ്‌കെയുടെ സംഭാവനയെക്കുറിച്ച് വിശദമായി സംസാരിച്ചു. ക്യാപ്റ്റൻ എംഎസ് ധോണിയും കോച്ച് സ്റ്റീഫൻ ഫ്ലെമിംഗും ഉൾപ്പെടെയുള്ള സൂപ്പർ കിംഗ്‌സിലെ മുതിർന്ന അംഗങ്ങൾ തന്റെ ആത്മവിശ്വാസം വർധിപ്പിക്കുന്നതിൽ പ്രധാന പങ്ക് വഹിച്ചുവെന്ന് ദുബെ പറഞ്ഞു.

“ഈ ക്രെഡിറ്റ് സിഎസ്‌കെ ടീമിനും മഹി ഭായ്‌ക്കുമാണ്. എനിക്ക് എപ്പോഴും ഗെയിം ഉണ്ടായിരുന്നു, എന്നാൽ സിഎസ്‌കെ ചെയ്യുന്നത് ഒരു കളിക്കാരനിൽ നിന്ന് ആ ഗെയിം പുറത്തെടുക്കുക എന്നതാണ്. അതിനാൽ, അവർ എനിക്ക് ആ ആത്മവിശ്വാസം നൽകി. ഐപിഎല്ലിൽ എനിക്ക് റൺസ് സ്‌കോർ ചെയ്യാൻ കഴിയുമെന്ന് അവർ എന്നോട് പറഞ്ഞു. അവർക്ക് എന്നിൽ വിശ്വാസമുണ്ടെന്നും ഹസിയെയും ഫ്ലെമിംഗിനെയും പോലെയുള്ളവർ പറഞ്ഞു, അവർക്കാവശ്യമുള്ളത് എനിക്ക് ചെയ്യാൻ കഴിഞ്ഞു”ദുബെ പറഞ്ഞു.

“ഞാൻ സി‌എസ്‌കെയ്‌ക്കൊപ്പം ആയിരുന്നപ്പോൾ, എനിക്ക് നന്നായി ബാറ്റ് ചെയ്യാനുള്ള കഴിവുണ്ടെന്ന് എംഎസ് ധോണി എന്നോട് പറഞ്ഞു.എന്റെ പരിമിതികളിലും എനിക്ക് നന്നായി ചെയ്യാൻ കഴിയുന്ന കാര്യങ്ങളിലും ഞാൻ ശ്രദ്ധ കേന്ദ്രീകരിച്ചു” ദുബെ കൂട്ടിച്ചേർത്തു.ടീമിനായി സ്ഥിരതയാർന്ന പ്രകടനങ്ങളോടെ ഈ വർഷം ജൂണിൽ നടക്കാനിരിക്കുന്ന ടി20 ലോകകപ്പിനുള്ള ടീമിൽ ഉൾപ്പെടാനുള്ള ശ്രമത്തിലാണ് ഓൾ റൗണ്ടർ.