‘ഞാനും മെസ്സിയും ഫുട്ബോൾ ചരിത്രം മാറ്റിമറിച്ചു, ഞങ്ങൾ തമ്മിലുള്ള മത്സരം അവസാനിച്ചു’ : ക്രിസ്റ്റ്യാനോ റൊണാൾഡോ

2023 സെപ്റ്റംബർ 9 ശനിയാഴ്ച നടക്കുന്ന യുവേഫ യൂറോ ക്വാളിഫയറിൽ പോർച്ചുഗൽ സ്ലൊവാക്യയെ നേരിടാൻ ഒരുങ്ങുകയാണ്. സൂപ്പർ താരം ക്രിസ്റ്റ്യാനോ റൊണാൾഡോയും പോർച്ചുഗൽ ടീമിൽ ഇടം കണ്ടെത്തിയിട്ടുണ്ട്.38 കാരനായ ഇതിഹാസ താരം അടുത്ത വർഷം നടക്കാനിരിക്കുന്ന യുവേഫ യൂറോ 2024 ടൂർണമെന്റിൽ മത്സരിക്കാനാണ് ശ്രമിക്കുന്നത്. മുമ്പ് 2016 എഡിഷനിൽ പോർച്ചുഗലിനെ വിജയത്തിലേക്ക് നയിക്കാൻ റൊണാൾഡോക്ക് സാധിച്ചിരുന്നു.

ക്രിസ്റ്റ്യാനോ റൊണാൾഡോ തന്റെ ആരാധകർക്ക് വൈകാരിക സന്ദേശവുമായി എത്തിയിരിക്കുകായണ്‌.തന്റെ ബദ്ധവൈരിയായ ലയണൽ മെസ്സിയോട് മോശമായി പെരുമാറേണ്ട ആവശ്യമില്ലെന്ന് അടിവരയിട്ട് പറഞ്ഞിരിക്കുകയാണ് റൊണാൾഡോ. ഈ രണ്ട് ഐതിഹാസിക താരങ്ങൾ കഴിഞ്ഞ രണ്ട് ദശകങ്ങളായി ഫുട്ബോൾ ലോകത്ത് സർവാധിപത്യം പുലർത്തുന്നവരാണ്.മുപ്പതുകളുടെ അവസാനത്തിൽ എത്തിയിട്ടും റൊണാൾഡോയും മെസ്സിയും തളർച്ചയുടെ ലക്ഷണങ്ങളൊന്നും കാണിച്ചിട്ടില്ല. മെസ്സി ഇന്റർ മിയാമിക്ക് വേണ്ടി കളിക്കുകയും അടുത്തിടെ അവരെ 2023 ലെ ലീഗ്സ് കപ്പിലേക്ക് നയിക്കുകയും ചെയ്തു. മറുവശത്ത്, 5 തവണ ബാലൺ ഡി ഓർ ജേതാവ് അൽ നാസറിനെ 2023 ലെ അറബ് ചാമ്പ്യൻസ് കപ്പിലേക്ക് നയിച്ചു.

സ്ലൊവാക്യയ്‌ക്കെതിരായ പോർച്ചുഗലിന്റെ യുവേഫ യൂറോ 2024 യോഗ്യതാ മത്സരത്തിന്റെ തലേന്ന് നടത്തിയ പത്രസമ്മേളനത്തിൽ ഇന്റർ മിയാമി ക്യാപ്റ്റൻ മെസ്സിയുമായുള്ള തന്റെ ദീർഘകാല മത്സരത്തെക്കുറിച്ച് റൊണാൾഡോ സംസാരിച്ചു. “ക്രിസ്റ്റ്യാനോ റൊണാൾഡോയെ ഇഷ്ടപ്പെടുന്നവർ മെസ്സിയെ വെറുക്കേണ്ടതില്ല, തിരിച്ചും അങ്ങനെ വേണം . ഞങ്ങൾ നന്നായി ചെയ്തു, ഞങ്ങൾ ഫുട്ബോൾ ചരിത്രം മാറ്റി. ലോകമെമ്പാടും ഞങ്ങളെ ബഹുമാനിക്കപ്പെടുന്നു, അതാണ് ഏറ്റവും പ്രധാനപ്പെട്ട കാര്യം. ഞങ്ങൾ തമ്മിലുള്ള മത്സരം അവസാനിച്ചു, അത് നല്ലതായിരുന്നു, കാണികൾക്ക് ഇത് ഇഷ്ടപ്പെട്ടു” റൊണാൾഡോ പറഞ്ഞു.

“യൂറോപ്പിന് പുറത്ത് കളിക്കുന്നത് പരിഗണിക്കാതെ ഞാൻ എന്റെ പാത പിന്തുടർന്നു, അദ്ദേഹം അവന്റെ പാത പിന്തുടർന്നു.ഞാൻ കണ്ടതിൽ നിന്ന് അവൻ നന്നായി പ്രവർത്തിക്കുന്നു ഞാനും അങ്ങനെ തന്നെ. പാരമ്പര്യം നിലനിൽക്കുന്നു, പക്ഷേ ഞാൻ അങ്ങനെയുള്ള മത്സരത്തെ കാണുന്നില്ല. കഴിഞ്ഞ 15 വര്ഷമായി ഞങ്ങൾ പലതവണ വേദി പങ്കിട്ടു. ഞങ്ങൾ സുഹൃത്തുക്കളാണെന്ന് ഞാൻ പറയുന്നില്ല, ഞാൻ അദ്ദേഹത്തോടൊപ്പം ഒരിക്കലും അത്താഴം കഴിച്ചിട്ടില്ല, പക്ഷേ ഞങ്ങൾ പ്രൊഫഷണൽ സഹപ്രവർത്തകരാണ്, ഞങ്ങൾ പരസ്പരം ബഹുമാനിക്കുന്നു,” റൊണാൾഡോ പറഞ്ഞു.