അവസാന യൂറോ 2024 സന്നാഹത്തിൽ പോർച്ചുഗൽ 3-0 ന് അയർലണ്ടിനെ പരാജയപ്പെടുത്തി, സൂപ്പർ താരം ക്രിസ്റ്റ്യാനോ റൊണാൾഡോ രണ്ടാം പകുതിയിൽ രണ്ട് ഗോളുകൾ നേടി. മത്സരത്തിന്റെ 18 ആം മിനുട്ടിൽ ജോവോ ഫെലിക്‌സ് നേടിയ ഗോളിൽ പോർച്ചുഗൽ ലീഡ് നേടി. രണ്ടാം പകുതിയുടെ 50, 60 മിനിറ്റുകളിൽ ഗോൾ നേടി ക്രിസ്റ്റ്യാനോ പോർച്ചുഗലിന്റെ വിജയം പൂർത്തിയാക്കി.
തൻ്റെ രാജ്യത്തിന് വേണ്ടി 207 മത്സരങ്ങളിൽ നിന്ന് 130 അന്താരാഷ്ട്ര ഗോളുകൾ ആണ് 39 കാരൻ നേടിയിട്ടുള്ളത്.895 കരിയർ ഗോളുകളോടെ വെറ്ററൻ സ്‌ട്രൈക്കർ ഒരു നാഴികക്കല്ലിനോട് അടുക്കുകയാണ്.പ്രതിബന്ധങ്ങളെ ധിക്കരിച്ച് അത് 1,000 ആക്കാനുള്ള ഉറച്ച തീരുമാനത്തിലാണ് റൊണാൾഡോ.
2004-ൽ തൻ്റെ ആദ്യ യൂറോയിൽ കളിക്കുകയും 2016-ൽ ടൂർണമെൻ്റ് ജയിക്കുകയും ചെയ്ത റൊണാൾഡോ ജർമ്മനിയിൽ നടന്ന ടൂർണമെൻ്റിന് ശേഷം ഫുട്ബോൾ പൂർണ്ണമായും ഉപേക്ഷിക്കുകയോ ചെയ്തേക്കുമെന്ന് ഊഹാപോഹങ്ങൾ ഉണ്ടായിരുന്നു .എന്നാൽ ഇനിയും കളിക്കാം എന്ന വിശ്വാസത്തിലാണ് റൊണാള്ഡോയുള്ളത്.
“അസാധാരണം. അദ്ദേഹത്തോടൊപ്പം കളിക്കുന്നത് എങ്ങനെയെന്ന് വിവരിക്കാൻ എനിക്ക് വാക്കുകളില്ല. ഇന്ന് രണ്ട് ഗോളുകൾ കൂടി, യൂറോയ്‌ക്കായുള്ള സന്നാഹം അദ്ദേഹം നന്നായി പൂർത്തിയാക്കി, അതിനാൽ പ്രതീക്ഷകൾ വളരെ ഉയർന്നതാണ്,” റൊണാൾഡോയെക്കുറിച്ച ടീമംഗം റൂബൻ നെവ്സ് പറഞ്ഞു.“ദേശീയ ടീമിനെ സഹായിക്കാൻ അദ്ദേഹം 200 ശതമാനം നൽകുമെന്ന് ഞങ്ങൾക്കറിയാം, കൂടുതൽ ഗോളുകൾ നേടുമെന്ന് ഞങ്ങൾ തീർച്ചയായും പ്രതീക്ഷിക്കുന്നു,” അദ്ദേഹം കൂട്ടിച്ചേർത്തു.
