‘ടി20 ലോകകപ്പിലെ മുഴുവൻ ഷെഡ്യൂളും ഇന്ത്യയുടെ സൗകര്യത്തിന്’ : അഫ്ഗാനിസ്ഥാന്റെ സെമി തോൽ‌വിയിൽ ഇന്ത്യയെ വിമർശിച്ച് മുൻ ഇംഗ്ലണ്ട് ക്യാപ്റ്റൻ മൈക്കൽ വോൺ | T20 World Cup 2024
2024 ലെ ടി 20 ലോകകപ്പിൻ്റെ സെമി ഫൈനൽ ഷെഡ്യൂളിംഗിനെ കടുത്ത ഭാഷയിൽ വിമർശിച്ച് മുൻ ഇംഗ്ലണ്ട് ക്യാപ്റ്റൻ മൈക്കൽ വോൺ.2024 ടി 20 ലോകകപ്പിൻ്റെ സെമി ഫൈനൽ 1 ൽ അഫ്ഗാനിസ്ഥാൻ ദക്ഷിണാഫ്രിക്കയോട് ഏകപക്ഷീയമായ മത്സരത്തിൽ 9 വിക്കറ്റിന് പരാജയപ്പെട്ട സാഹചര്യത്തിലാണ് അദ്ദേഹത്തിൻ്റെ വിമർശനം. ഇംഗ്ലണ്ടിനെതിരായ ഇന്ത്യയുടെ സെമിഫൈനൽ പോരാട്ടം നേരത്തെ നടക്കേണ്ടതായിരുന്നുവെന്നും അഫ്ഗാനിസ്ഥാന് സാഹചര്യങ്ങളുമായി പൊരുത്തപ്പെടാൻ മതിയായ പരിശീലന സമയം ലഭിച്ചില്ലെന്നും വോഗൻ ചൂണ്ടിക്കാട്ടി.
9 വിക്കറ്റിന്റെ ദയനീയ തോൽവിയാണു സൗത്ത് ആഫ്രിക്കക്കെതിരെ അഫ്ഗാന് നേരിടേണ്ടി വന്നത്.മത്സരക്രമം മൂലം അഫ്ഗാന് സെമിയ്ക്കായി തയ്യാറെടുക്കാന്‍ വേണ്ടത്ര സമയം ലഭിച്ചില്ലെന്നാണ്‌ മുന്‍ ഇംഗ്ലണ്ട് താരം ആരോപിക്കുന്നത്. അഫ്ഗാനിസ്ഥാന് ബംഗ്ലാദേശിനെതിരായ അവസാന സൂപ്പർ 8 മത്സരത്തിനും സെമി ഫൈനൽ പോരാട്ടത്തിനും ഇടയിൽ ഒരു ദിവസത്തെ സമയം മാത്രമാണുള്ളതെന്നും വോൺ വാദിച്ചു. എന്നാൽ ടൂർണമെൻ്റ് നേരത്തെ തന്നെ ഷെഡ്യൂൾ ചെയ്‌തിരുന്നു, 2024 ലെ ടി20 ലോകകപ്പിൻ്റെ സെമിഫൈനലിലെത്തിയാൽ ഇന്ത്യ ഗയാനയിൽ കളിക്കുമെന്ന് മുൻകൂട്ടി തീരുമാനിച്ചിരുന്നു.
‘അഫ്ഗാന്റെ സെമി പോരാട്ടം ഗയാനയില്‍ നടത്തണമായിരുന്നു. എന്നാല്‍ എല്ലാം ഇന്ത്യയെ ലക്ഷ്യമാക്കിയുള്ളതിനാല്‍ മറ്റുള്ളവരോട് അനീതി കാണിക്കുകയാണ്. സെന്റ് വിന്‍സെന്റിലെ വേദി വ്യത്യസ്തമാണ്. കുറഞ്ഞത് ഒരു ദിവസത്തെ തയ്യാറെടുപ്പെങ്കിലും വേണം. എന്നാല്‍ ട്രിനിഡാഡിലേക്ക് വരുന്നതിനിടെ അഫ്ഗാന് ടീമിന്റെ വിമാനം നാല് മണിക്കൂറോളമാണ് വൈകിയത്. പരിശീലനത്തിനോ, പുതിയ വേദി പരിചയപ്പെടാനോ അവര്‍ക്കു സമയം ലഭിച്ചില്ല. താരങ്ങളോട് ഇത്രയും ബഹുമാനക്കുറവ് കാണിക്കുന്നത് അങ്ങേയറ്റം ഖേദകരമാണ്’ മൈക്കൽ വോൺ പറഞ്ഞു.ട്രിനിഡാഡിലാണ് അഫ്ഗാന്- ദക്ഷിണാഫ്രിക്ക ആദ്യ സെമിയുടെ വേദി നിശ്ചയിച്ചിരുന്നത്. സെമിക്കായി ഈ വേദിയിലേക്ക് എത്തുന്നതിനിടെ അഫ്ഗാന് ടീമിന്റെ വിമാനം വൈകി. പിന്നീട് നേരെ കളിക്കാനിറങ്ങേണ്ട അവസ്ഥയായിരുന്നു അഫ്ഗാനിസ്ഥാനെന്നു വോണ്‍ ചൂണ്ടിക്കാട്ടുന്നു.
ട്രിനിഡാഡിലെ ബ്രയാൻ ലാറ സ്റ്റേഡിയത്തിലെ പിച്ച് പേസർമാരുടെ പറുദീസയായിരുന്നു, ടി20 ലോകകപ്പ് സെമി ഫൈനൽ മത്സരത്തിൽ അഫ്ഗാനിസ്ഥാൻ ഏറ്റവും കുറഞ്ഞ സ്‌കോർ നേടി. ടി20യിൽ അഫ്ഗാനിസ്ഥാൻ്റെ ഏറ്റവും കുറഞ്ഞ സ്‌കോറാണിത്. ടി20 ലോകകപ്പിൻ്റെ ചരിത്രത്തിൽ ആദ്യമായാണ് ഒരു ടീം സെമിഫൈനലിൽ 100 റൺസിന് താഴെ പുറത്താകുന്നത്.ഐസിസിയുടെ കന്നി സെമിയിൽ എത്തിയതോടെ അഫ്ഗാനിസ്ഥാൻ ചരിത്രമെഴുതി. ടൂർണമെൻ്റിൽ ഇതുവരെ മികച്ച കളി പുറത്തെടുത്ത അഫ്ഗാനിസ്ഥാൻ ടീം ദക്ഷിണാഫ്രിക്കൻ ബൗളർമാർക്കു മുന്നിൽ കീഴടങ്ങി.
