3 ഓപ്ഷനുകൾ, 1 സ്ഥാനം, റുതുരാജ് ഗെയ്‌ക്‌വാദിനൊപ്പം ആരാണ് ഓപ്പൺ ചെയ്യുക? | IND vs SA 1st ODI
ലോകകപ്പ് ഫൈനലിലെ തോൽവിക്ക് ഒരു മാസത്തിന് ശേഷം ഇന്ത്യൻ ടീം ഏകദിന ജഴ്‌സിയിൽ തിരിച്ചെത്തും. ടി 20 യിൽ പോലെ തന്നെ ഏകദിനത്തിലും സീനിയർ താരങ്ങൾ ഇന്ത്യൻ ടീമിൽ നിന്നും വിട്ടു നിൽക്കുകയാണ്. ഇന്ത്യ സൗത്ത് ആഫ്രിക്ക ഏകദിന പരമ്പരയിൽ ലഭ്യമായ രണ്ട് ഓപ്പണർമാർ റുതുരാജ് ഗെയ്‌ക്‌വാദും കെഎൽ രാഹുലുമാണ്.
എന്നാൽ രാഹുൽ അഞ്ചാം സ്ഥാനത്തെത്തിയതിനാൽ ഇന്ത്യയ്ക്ക് മൂന്ന് ഓപ്ഷനുകളിൽ നിന്ന് തിരഞ്ഞെടുക്കേണ്ടിവരും.കെ എൽ രാഹുലിനെ കൂടാതെ സായ് സുദർശനും സഞ്ജു സാംസണും മറ്റ് രണ്ട് ഓപ്ഷനുകളാണ്.ഒന്നാം ഏകദിനത്തിൽ റുതുരാജ് ഗെയ്‌ക്‌വാദിനൊപ്പം ഓപ്പൺ ചെയ്യുക ഈ മൂന്നു കളിക്കാരിൽ ഒരാളാവും.രോഹിത് ശർമ്മയും ശുഭ്മാൻ ഗില്ലും ഓപ്പൺ ചെയ്തതോടെ കെ എൽ രാഹുൽ അഞ്ചാം സ്ഥാനത്തെത്തി. ഈ പരമ്പരയിൽ ഈ രണ്ടു താരങ്ങളും ലഭ്യമല്ല.കെ എൽ രാഹുൽ ഓപ്പണിംഗ് സ്ഥാനത്തേക്ക് തിരിച്ചെത്തിയേക്കും. ഓപ്പണിങ് പൊസിഷനിൽ മൂന്ന് സെഞ്ചുറികളും ആറ് അർധസെഞ്ചുറികളും രാഹുൽ നേടിയിട്ടുണ്ട്.
സഞ്ജു സാംസണായിരിക്കും മറ്റൊരു ഓപ്ഷൻ. കേരള ക്യാപ്റ്റൻ മികച്ച ഫോമിലാണ്. എന്നാൽ നേരത്തെ ഇന്നിംഗ്സ് ഓപ്പൺ ചെയ്തെങ്കിലും നിലവിൽ മധ്യനിരയിൽ കളിക്കുകയാണ്.ഐപിഎല്ലിൽ സഞ്ജു സാംസൺ ഇന്നിംഗ്സ് ഓപ്പൺ ചെയ്തിട്ടുണ്ട്.സായ് സുദർശനായിരിക്കും മറ്റൊരു ഓപ്ഷൻ. ആഭ്യന്തര ക്രിക്കറ്റിലെ സ്ഥിരതയാർന്ന പ്രകടനത്തിന് ശേഷം ഗുജറാത്ത് ടൈറ്റൻസിനായി ഐപിഎല്ലിൽ തന്റെ കഴിവ് തെളിയിച്ചു കഴിഞ്ഞു തമിഴ്‌നാട്ടിൽ നിന്നുള്ള യുവ ബാറ്റർ.
തൽഫലമായി, അദ്ദേഹത്തിന് കന്നി ഏകദിന കോൾ-അപ്പ് ലഭിച്ചു. എന്നാൽ ഇന്ത്യൻ ടീം അദ്ദേഹത്തിന് അന്താരാഷ്ട്ര അരങ്ങേറ്റം നൽകുമോ എന്നത് വലിയ ചോദ്യമായി അവശേഷിക്കുന്നു.ടോപ് ഓർഡർ ബാറ്ററായ സായ് സുദർശൻ ഏതാനും അവസരങ്ങളിൽ ഇന്നിംഗ്സ് ഓപ്പൺ ചെയ്തിട്ടുണ്ട്. എന്നാൽ 3-ാം നമ്പറും നാലാം നമ്പറുമാണ് അദ്ദേഹത്തിന് പ്രിയപ്പെട്ടത്.
ഇന്ത്യൻ ഏകദിന ടീം: റുതുരാജ് ഗെയ്‌ക്‌വാദ്, സായ് സുദർശൻ, തിലക് വർമ്മ, രജത് പതിദാർ, റിങ്കു സിംഗ്, ശ്രേയസ് അയ്യർ, കെഎൽ രാഹുൽ (സി)(Wk), സഞ്ജു സാംസൺ (WK), അക്സർ പട്ടേൽ, വാഷിംഗ്ടൺ സുന്ദർ, കുൽദീപ് യാദവ്, യുസ്വേന്ദ്ര ചാഹൽ, മുകേഷ് കുമാർ, അവേഷ് ഖാൻ, അർഷ്ദീപ് സിംഗ്, ദീപക് ചാഹർ.
