ഏഴ് വർഷത്തിനിടയിലെ ഏറ്റവും താഴ്ന്ന സ്ഥാനം,ടീം ഫിഫ റാങ്കിംഗിൽ 127-ാം സ്ഥാനത്തേക്ക് കൂപ്പുകുത്തി ഇന്ത്യ | Indian Football Team
ഏഴ് വർഷത്തിനിടയിലെ ഏറ്റവും താഴ്ന്ന ഫിഫ റാങ്കിംഗിലേക്ക് കൂപ്പുകുത്തിയിരിക്കുകയാണ് ഇന്ത്യൻ ടീം. ഫിഫ ഇന്ന് പുറത്തിറക്കിയ ഏറ്റവും പുതിയ റാങ്കിംഗിൽ ഇന്ത്യ 127-ാം സ്ഥാനത്താണ്. 2017 ജനുവരിയിൽ ദേശീയ ടീം 129-ാം സ്ഥാനത്തെത്തിയിരുന്നു.
2023 ഡിസംബറിൽ മെൻ ഇൻ ബ്ലൂ ഫിഫ റാങ്കിംഗിൽ 100-ാം സ്ഥാനത്തെത്തിയപ്പോൾ മുതൽ ഇന്ത്യയുടെ സ്ഥാനം ക്രമാനുഗതമായി കുറഞ്ഞു. 2023 ജൂലൈയിലാണ് അവസാനമായി ഇന്ത്യ ഇരട്ട അക്കത്തിൽ (99) സ്ഥാനം പിടിച്ചത്.ഈ വർഷത്തെ ഇന്ത്യയുടെ റാങ്കിംഗ്: ഫെബ്രുവരി (117), ഏപ്രിൽ (121), ജൂൺ, ജൂലൈ (124), സെപ്റ്റംബർ (126), ഒക്ടോബർ (125).1996 ഫെബ്രുവരിയിൽ നേടിയ 94-ാം റാങ്കായിരുന്നു ഇന്ത്യയുടെ എക്കാലത്തെയും ഉയർന്ന റാങ്കിംഗ്.
ടീമിനെ ഇപ്പോൾ നിയന്ത്രിക്കുന്നത് സ്പാനിഷ് താരം മനോലോ മാർക്വേസാണ്. അന്താരാഷ്ട്ര സൗഹൃദ മത്സരത്തിൽ മലേഷ്യയ്‌ക്കെതിരായ 1-1 സമനില അർത്ഥമാക്കുന്നത് ബ്ലൂ ടൈഗേഴ്‌സ് 2024 ഒരു ജയം പോലും കൂടാതെ പൂർത്തിയാക്കി, മൊത്തം 11 മത്സരങ്ങൾ കളിച്ചു.2023 നവംബറിൽ ഫിഫ ലോകകപ്പ് യോഗ്യതാ രണ്ടാം റൗണ്ടിൽ കുവൈത്തിനെ 1-0ന് തോൽപ്പിച്ചതാണ് ഇന്ത്യയുടെ അവസാന വിജയം.
അതിനുശേഷം ഇന്ത്യ 12 മത്സരങ്ങൾ കളിച്ചെങ്കിലും ഒരു ജയവും പോലുമില്ല. ഈ സ്പെല്ലിനിടെ ഇന്ത്യ അഞ്ച് കളികളിൽ സമനിലയും 7 തോൽവിയും നേടിയിട്ടുണ്ട്.നിലവിലെ ഫിഫ ലോകകപ്പ് ചാമ്പ്യന്മാരായ അർജൻ്റീന ഒന്നാം സ്ഥാനത്തും ഫ്രാൻസും യൂറോ ജേതാക്കളായ സ്‌പെയിനും രണ്ടും മൂന്നും സ്ഥാനങ്ങളിലാണ്.
